ಸಸ್ಯದ ವೈಜ್ಞಾನಿಕ ವಿವರ ಜೀವಪರಿಸ್ಥಿತಿ ವ್ಯಾಪನೆ ಗ್ರಂಥ ಸೂಚಿ
| ಪ್ರಕೃತಿ : | 7 ಮೀ. ಎತ್ತರದವರೆಗಿನ ಸಣ್ಣ ಮರಗಳು. |
| ಕವಲುಗಳು ಮತ್ತು ಕಿರುಕೊಂಬೆಗಳು : | ಎಳೆಯ ಕಿರುಕೊಂಬೆಗಳು ದುಂಡಾಗಿದ್ದು ನಸುಗೆಂಪು ಮಿಶ್ರಿತವಾದ ಸೂಕ್ಷ್ಮ ಮೃದುತುಪ್ಪಳದಿಂದ ದಟ್ಟವಾಗಿ ಆವೃತಗೊಂಡಿರುತ್ತವೆ. |
| ಎಲೆಗಳು : | ಎಲೆಗಳು ಸರಳವಾಗಿದ್ದು ಅಭಿಮುಖವಾಗಿ ಜೋಡನೆಗೊಂಡಿದ್ದು ಕಾಂಡದ ಎರಡೂ ಕಡೆ ಎದುರು ಬದರಿನ ಲಂಬ ಸಾಲಿನಲ್ಲಿರುತ್ತವೆ;ತೊಟ್ಟುಗಳು 1.5 ಸೆಂ.ಮೀ. ಉದ್ದವಿದ್ದು ಕಾಲುವೆಗೆರೆ ಸಮೇತವಿರುತ್ತವೆ ಮತ್ತು ಎಳೆಯದಾಗಿದ್ದಾಗ ದಟ್ಟವಾದ ಮೃದುತುಪ್ಪಳದಿಂದ ಕೂಡಿರುತ್ತವೆ; ಪತ್ರಗಳು 7.2 – 10.5 X3.2 – 6 ಸೆಂ.ಮೀ.ವರೆಗಿನ ಗಾತ್ರವಿದ್ದು ವಿಶಾಲ ಅಂಡವೃತ್ತಾಕೃತಿಯ ಆಕಾರ ಹೊಂದಿದ್ದು,ಮೊಂಡಾಗ್ರವುಳ್ಳ ಕಿರಿದಾಗಿ ಕ್ರಮೇಣ ಚೂಪಾದುದರಿಂದ ಹಿಡಿದು ಚೂಪಲ್ಲದವರೆಗಿನ ತುದಿ,ಬೆಣೆ-ಒಳಬಾಗಿದ ಬುಡ,ಹಿಂಸುರುಳಿಯಾದ ಅಂಚು, ತೊಗಲನ್ನೋಲುವ ಮೇಲ್ಮೈ ಹೊಂದಿದ್ದು ಎಳೆಯದಾಗಿದ್ದಾಗ ತಳಬಾಗದಲ್ಲಿ ಉಣ್ಣೆಯಂತಹ ತುಪ್ಪಳದಿಂದ ಕೂಡಿದ್ದು ನಂತರ ಬಲಿತಾಗ ಬುಡದಲ್ಲಿ ಮತ್ತು ಮಧ್ಯ ನಾಳದ ಮೇಲಾದರೂ ತುಪ್ಪಳ ಕಂಡು ಬರುತ್ತದೆ, ಪತ್ರಗಳು ಪ್ರಕಾಶ ಬೇಧ್ಯ ಚುಕ್ಕೆ ರೂಪದ ರಸಗ್ರಂಥಿಗಳಿಂದ ಕೂಡಿರುತ್ತವೆ;ಮಧ್ಯ ನಾಳ ಕಾಲುವೆಗೆರೆ ಸಮೇತವಿರುತ್ತದೆ; ಎರಡನೇ ದರ್ಜೆಯ ನಾಳಗಳು ಸುಮಾರು 12 ಜೋಡಿಗಳಿದ್ದು ಪ್ರಮುಖವಾಗಿರುವುದಿಲ್ಲ; ಅಂತರ ಅಂಚಿನ ನಾಳಗಳು ಇರುತ್ತವೆ;ಮೂರನೇ ದರ್ಜೆಯ ನಾಳಗಳು ಅಸ್ಪಷ್ಟವಾಗಿರುತ್ತವೆ. |
| ಪುಷ್ಪಮಂಜರಿ / ಹೂಗಳು : | ಹೂಗಳು ದೊಡ್ಡ ಗಾತ್ರ ಹೊಂದಿದ್ದು ಬಿಳಿ ಬಣ್ಣದವುಗಳಾಗಿದ್ದು ಒಂಟಿಯಾಗಿರುತ್ತವೆ ಅಥವಾ ಕೆಲವು ಹೂಗಳನ್ನೊಳಗೊಂಡ ಅಗ್ರದಲ್ಲಿರುವ ಮಧ್ಯಾರಂಭಿ ಪುಷ್ಪಮಂಜರಿಯಲ್ಲಿರುತ್ತವೆ. |
| ಕಾಯಿ / ಬೀಜ : | ಬೆರ್ರಿ ಫಲಗಳು ಗೋಳಾಕಾರದಲ್ಲಿದ್ದು ಮುಕುಟದಲ್ಲಿ ಪುಷ್ಪಪಾತ್ರೆಯ ಎಸಳುಗಳನ್ನು ಹೊಂದಿರುತ್ತವೆ ಹಾಗೂ ದಟ್ಟ ಮೃದುಪ್ಪಳದಿಂದ ಕೂಡಿರುತ್ತವೆ;ಬೀಜ ಒಂದು. |