English   Kannada   Tamil   
ಸಸ್ಯದ ವೈಜ್ಞಾನಿಕ ವಿವರ ಜೀವಪರಿಸ್ಥಿತಿ ವ್ಯಾಪನೆ ಗ್ರಂಥ ಸೂಚಿ
ಪ್ರಕೃತಿ : | 15 ಮೀ. ಎತ್ತರದವರೆಗಿನ ಮರಗಳು. |
ಕಾಂಡ ಮತ್ತು ತೊಗಟೆ : | ತೊಗಟೆ ತೆಳು ಕಂದು ಬಣ್ಣದಲ್ಲಿದ್ದು ಒರಟಾಗಿರುತ್ತದೆ ಕಚ್ಚು ಮಾಡಿದ ಜಾಗ ಬಿಳಿಯಾಗಿರುತ್ತದೆ. |
ಕವಲುಗಳು ಮತ್ತು ಕಿರುಕೊಂಬೆಗಳು : | ಎಳೆಯ ಕಿರುಕೊಂಬೆಗಳು ಉಪ-ಚತುಷ್ಕೋನ ಹೊಂದಿದ್ದು, ವಾಯುವಿನಿಮಯ ಬೆಂಡು ರಂಧ್ರಗಳ ಸಮೇತವಿರುತ್ತವೆ ಹಾಗೂ ರೋಮರಹಿತವಾಗಿರುತ್ತವೆ. |
ಎಲೆಗಳು : | ಎಲೆಗಳು ಸರಳವಾಗಿದ್ದು ಕತ್ತರಿಯಾಕಾರದ ಅಭಿಮುಖ ಜೋಡನಾ ವ್ಯವಸ್ಥೆಯಲ್ಲಿರುತ್ತವೆ ; ಎಲೆತೊಟ್ಟುಗಳು0.6 – 1.3 ಸೆಂ.ಮೀ.ವರೆಗಿನ ಉದ್ದವಿದ್ದು, ಕಾಲುಗೆರೆ ಸಮೇತವಿರುತ್ತವೆ; ಪತ್ರಗಳು7.5-17.5 X 2.3-7.5 ಸೆಂ.ಮೀ. ಗಾತ್ರ, ಅಂಡವೃತ್ತದಿಂದ ಅಂಡವೃತ್ತ-ಚತುರಸ್ರದವರೆಗಿನ ಆಕಾರ, ನಿಧಾನ ಗತಿಯಲ್ಲಿ ಕ್ರಮೇಣ ಚೂಪಾಗುವುದರಿಂದ ಉಪಚೂಪಾದ ಮಾದರಿವರೆಗಿನ ತುದಿ, ಚೂಪಾದುದರಿಂದ ಒಳಬಾಗಿದ ಮಾದರಿವರೆಗಿನ ಬುಡ, ದಂತಗಳ ನಡುವೆ ಹೆಚ್ಚಿನ ಅಂತರವುಳ್ಳ ಗರಗಸ ದಂತಿತ ಮಾದರಿಯ (ದೃಢವಾದ ದಂತಗಳೊಡನೆ)ಅಥವಾ ನಯವಾದ ಅಂಚು, ಕಾಗದ ಅಥವಾ ಉಪ-ಕಾಗದವನ್ನೋಲುವ ಮೇಲ್ಮೈ ಹೊಂದಿದ್ದು ರೋಮರಹಿತವಾಗಿರುತ್ತವೆ; ಮಧ್ಯನಾಳ ಮೇಲ್ಭಾಗದಲ್ಲಿ ಚಪ್ಪಟೆಯಾಗಿರುತ್ತದೆ,ಒಣಗಿದಾಗ ಸಾಮಾನ್ಯವಾಗಿ ಕೆಂಪು ಛಾಯೆ ಹೊಂದಿರುತ್ತವೆ; ಎರಡನೇ ದರ್ಜೆಯ ನಾಳಗಳು 8 ರಿಂದ 12 ಜೋಡಿಗಳಿರುತ್ತವೆ; ಮೂರನೇ ಮತ್ತು ಮೇಲ್ದರ್ಜೆಯ ದರ್ಜೆಯ ನಾಳಗಳು ಅಸ್ಪಷ್ಟವಾಗಿರುತ್ತವೆ. |
ಪುಷ್ಪಮಂಜರಿ / ಹೂಗಳು : | ಪುಷ್ಪಮಂಜರಿಗಳು ಅಕ್ಷಾಕಂಕುಳಿನಲ್ಲಿನ ಪ್ರಧಾನ ಕಾಂಡದ ಸಮಕೋನದಲ್ಲಿದ್ದು ಕವಲೊಡೆಯುವ ಮಾದರಿಯವುಗಳಾಗಿರುತ್ತವೆ;ಹೂಗಳು ಸಂಕೀರ್ಣ ಲಿಂಗಿಗಳಾಗಿದ್ದು ಗಂಡು ಮತ್ತು ಹೆಣ್ಣು ಹೂಗಳು ಬೇರೆ ಬೇರೆ ಸಸ್ಯಗಳಲ್ಲಿರುತ್ತವೆ,ಹೂಗಳು ಕೆನೆ-ಬಿಳಿ ಬಣ್ಣದವು;ಹೂ ತೊಟ್ಟುಗಳು 0.4 ಉದ್ದವಿರುತ್ತವೆ. |
ಕಾಯಿ / ಬೀಜ : | ಡ್ರೂಪ್ಗಳು ಅಂಡವೃತ್ತದ ಆಕಾರದಲ್ಲಿದ್ದು ಕಳಿತಾಗ ಹಸಿರು ಬಣ್ಣದಲ್ಲಿರುತ್ತವೆ;ಬೀಜ 1. |