English Kannada Malayalam Tamil
ಸಸ್ಯದ ವೈಜ್ಞಾನಿಕ ವಿವರ ಜೀವಪರಿಸ್ಥಿತಿ ವ್ಯಾಪನೆ ಗ್ರಂಥ ಸೂಚಿ
| ಪ್ರಕೃತಿ : | 40 ಮೀ. ಎತ್ತರದವರೆಗೆ ಬೆಳೆಯುವ, ಆನಿಕೆಯುಳ್ಳ, ಎಲೆಯುದುರುವ ಮರಗಳು. |
| ಕಾಂಡ ಮತ್ತು ತೊಗಟೆ : | ತೊಗಟೆ ಬೂದು ಮಿಶ್ರಿತ ಬಿಳಿ ಬಣ್ಣ ಹೊಂದಿದ್ದು ನಯವಾಗಿರುತ್ತದೆ ; ಕಚ್ಚು ಮಾಡಿದ ಜಾಗ ಕೆನೆ ಬಣ್ಣದಲ್ಲಿರುತ್ತದೆ. |
| ಕವಲುಗಳು ಮತ್ತು ಕಿರುಕೊಂಬೆಗಳು : | ಕಿರುಕೊಂಬೆಗಳು ದುಂಡಾಗಿದ್ದು,ಸೂಕ್ಷ್ಮ ವಾಯುವಿನಿಮಯ ಬೆಂಡುರಂಧ್ರಸಮೇತವಾಗಿರುತ್ತವೆ. |
| ಎಲೆಗಳು : | ಎಲೆಗಳು ಸರಳವಾಗಿದ್ದು, ಪರ್ಯಾಯ ಮತ್ತು ಸುತ್ತು ಜೋಡನಾ ವ್ಯವಸ್ತೆಯಲ್ಲಿದ್ದು ಕುಡಿಕೊಂಬೆಗಳ ತುದಿಯಲ್ಲಿರುತ್ತವೆ;ತೊಟ್ಟುಗಳು10ಸೆಂ.ಮೀ.ಉದ್ದವಾಗಿದ್ದು,ಮೃದುತುಪ್ಪಳದಿಂದ ಕೂಡಿರುತ್ತವೆ; ಪತ್ರಗಳು12X10ಸೆಂ.ಮೀ.ವರೆಗಿನ ಉದ್ದವಿದ್ದು, ವಿಶಾಲವಾದ ಅಂಡಾಕಾರದಿಂದ ಹಿಡಿದು ದುಂಡಾಕಾರ- ದವರೆಗಿನ ಆಕಾರದಲ್ಲಿರುತ್ತವೆ, ತುದಿ ಕ್ರಮೇಣ ಚೂಪಾಗುವ ರೀತಿಯಲ್ಲಿದ್ದು ಬುಡ ಹೃದಯಾಕಾರದಲ್ಲಿರುತ್ತದೆ, ಅಂಚು ಅನಿಯತವಾಗಿ ದಂತಿತವಾಗಿರುತ್ತದೆ, ಮೇಲ್ಮೈ ಉಪ-ತೊಗಲಿನ ಮಾದರಿಯಲ್ಲಿದ್ದು ಪತ್ರದ ಮೇಲ್ಭಾಗ ರೋಮರಹಿತವಾಗಿದ್ದು ತಳಭಾಗ ಮೃದುತುಪ್ಪಳದಿಂದ ಕೂಡಿರುತ್ತದೆ;ಪತ್ರದ ಬುಡಭಾಗದಲ್ಲಿ ಮೂರರಿಂದ 5 ನಾಳಗಳಿರುತ್ತವೆ. |
| ಪುಷ್ಪಮಂಜರಿ/ಹೂಗಳು : | ಹೂಗಳು ಏಕಲಿಂಗಿಗಳಾಗಿದ್ದು ಹೆಣ್ಣು ಮತ್ತು ಗಂಡು ಹೂಗಳು ಪ್ರತ್ಯೇಕ ಸಸ್ಯಗಳಲ್ಲಿರುತ್ತವೆ;ಗಂಡು ಹೂಗಳು ಹಸಿರು ಮಿಶ್ರಿತ ಹಳದಿ ಬಣ್ಣ ಹಾಗೂ ಉಪ-ತೊಟ್ಟು ರಹಿತವಾಗಿರುತ್ತವೆ ಹಾಗೂ ಮೃದುತುಪ್ಪಳದಿಂದ ಕೂಡಿದ ಪುನರಾವೃತ್ತಿಯಾಗಿ ಕವಲೊಡೆಯುವ ಪುಷ್ಪಮಂಜರಿಯಲ್ಲಿರುತ್ತವೆ;ಹೆಣ್ಣು ಹೂಗಳು ತೊಟ್ಟು ರಹಿತವಾಗಿದ್ದು ಕದಿರು ಮಂಜರಿಯಲ್ಲಿರುತ್ತವೆ |
| ಕಾಯಿ /ಬೀಜ : | ಕಾಯಿಗಳು 0.4 ಸೆಂ.ಮೀ,ವರೆಗಿನ ಉದ್ದವನ್ನು ಹೊಂದಿದ್ದು ಸಂಪುಟ ಮಾದರಿಯಲ್ಲಿರುತ್ತವೆ ಹಾಗೂ ತೀರಾ ತೆಳುವಾದ 8 ಉಬ್ಬಿದ ಗೆರೆಗಳ ಸಮೇತವಿರುತ್ತವೆ ಮತ್ತು ಹೂಜಿ ಆಕಾರದಲ್ಲಿರುತ್ತವೆ;ಬೀಜಗಳು ಅನೇಕವಿದ್ದು ಸೂಕ್ಷ್ಮವಾದ ಗಾತ್ರವನ್ನು ಹೊಂದಿರುತ್ತವೆ. |