English Lao
ລັກສະນະພືດສາດ ແຫຼ່ງທີ່ຢູ່ອາໄສ ແລະ ນິເວດ ເຂດແຜ່ກະຈາຍພັນ
| ລັກສະນະເດັ່ນໆ ສຳລັບຊ່ວຍໃນການຈຳແນກຊະນິດໄດ້ : | ໄມ້ຢືນຕົ້ນຂຽວຕະຫລອດປີ, ເປືອກກ້ຽງຫາເປືອກແຕກເຫີບ. ໃບດ່ຽວ ຈັບພາບ ມີຂຸມແມງກ້ຽງບໍ່ມີຂົນ. ຫູໃບ ຢູ່ລະຫວ່າງ ກ້ານໃບ. ດອກສີຂາວ, ມີຫຼອດກີບດອກ. ໝາກເປັນໝາກເນື້ອ ມີແກນ. |
| ປະເພດພືດ : | ໄມ້ຢືນຕົ້ນ ໃບຂຽວຕະລອດປີ ສູງເຖິງ 25 ແມັດ, ເສັນຜ່າສູນກາງຂອງລຳຕົ້ນ ປະມານ 30 ຊມ.. |
| ລຳຕົ້ນ ແລະ ເປືອກ : | ລຳຕົ້ນລຽບ ເປັນເກັດໆ ສີເທົາແກມນ້ຳຕານ, ມີຮອຍແຕກ, ເປືອກນອກສີຂຽວ, ລອກຕົກອອກ, ຫນາປະມານ 3 ຊມ. ເປືອກໃນສີນ້ຳຕານຈາງ, ປະກອບດ້ວຍແຖບສີຂາວຕາມທາງຍາວ ຈຳນວນ 2-3 ແຖບ, ມອກໄມ້ສີເຫລືອງຈາງ. |
| ງ່າ ແລະ ກິ່ງນ້ອຍ : | ກິ່ງງ່າ ກ້ຽງ ບໍ່ມີຂົນ, ມີຊ່ອງອາກາດຈຳນວນຫລວງຫລາຍ. |
| ທາດແຫຼວທີ່ລະບາຍອອກ : | ບໍ່ມີທາດແຫຼວໄຫຼອອກ |
| ໃບ : | ໃບດ່ຽວ, ຈັບພາບກັນ, ໃບຮູບຮີແຄບ ຂະຫນາດ 12-15 x 4-6 ຊມ. , ປາຍສ້ວຍແຫຼມເປັນຕິ່ງ, ໂຄນສ້ວຍແຫຼມ ຫາ ຮຽວແຫຼມ, ຂອບໃບລຽບ, ແຜ່ນໃບບາງຄືແຜ່ນເຈັ້ຍ ເຖິງຫນຽວເລັກນ້ອຍຄືແຜ່ນຫນັງ, ກ້ຽງ ບໍ່ມີຂົນຢູ່ທັງສອງດ້ານ. ກ່າງກາງດູນຂຶ້ນຢູ່ດ້ານເທິງ, ສ່ວນດ້ານລຸ່ມ ກ່າງເຫັນຊັດເຈນ, ມີຂຸມແມງ ຢູ່ຈຸດແຍກຂອງກ່າງກາງ ແລະ ກ່າງຂັ້ນສອງ. ກ່າງຂັ້ນສອງຈັດສະຫຼຽງ, ຂະຫນານກັນຖ່ີໆ, ມີ 5 - 7 ຄູ່, ກ່າງຂັ້ນສາມເປັນຕາໜ່າງ. ມີໃບຈຳນວນ ຫນ່ຶງຫຼຸດຂະໜາດລົງເທົ່າກັບຫູໃບ. ຫູໃບ ຈັບຢູ່ລະຫວ່າງສອງກ້ານໃບ, ເປັນຮູບສາມລ່ຽມ, ຍາວ ປະມານ 5-6 ມມ. ຂຸມແມງຈັບຢູ່ຕີນກ່າງຂັ້ນສອງ. |
| ຊໍ່ດອກ / ດອກ : | ຊໍ່ດອກຍາວປະມານ 5 ຊມ ອອກທາງຂ້າງ, ຢູ່ກົງກັນຂ້າມ ກັບກ້ານໃບ, ກ້ານຊໍ່ດອກຕົ້ນຕໍ ມີ 3 ກ້ານ. ດອກຈັດເປັນກຸ່ມ, ສີຂາວ, ມີຂົນປົກຄຸມຢູ່ຜົ້ງດອກ. ດອກຈູມເປັນຫລອດ ສີຂາວຈາງ. |
| ໝາກ : | ໝາກເນື້ອມີແກນ ຮູບກົມ, ເສັ້ນຜ່ານສູນກາງບໍ່ຍາວກວ່າ 1 ຊມ, ຜິວກ້ຽງ ບໍ່ມີຂົນ, ໝາກອອກສີຂຽວເວລາຍັງອ່ອນ ຕໍ່ມາເປັນສີແດງ ຫາ ເປັນສີດຳ ເວລາມັນສຸກ. |
| ແກ່ນ : | ມີເມັດຈຳນວນຫລາຍ. |