English Lao
ລັກສະນະພືດສາດ ແຫຼ່ງທີ່ຢູ່ອາໄສ ແລະ ນິເວດ ເຂດແຜ່ກະຈາຍພັນ
| ລັກສະນະເດັ່ນໆ ສຳລັບຊ່ວຍໃນການຈຳແນກຊະນິດໄດ້ : | ໄມ້ຢືນຕົ້ນຂຽວຕະຫລອດປີ ຫຼື ປ່ຽນໃບໄລຍະສັ້ນໆ, ລຳຕົ້ນ ເປັນທໍ່ກົມ, ງ່າຕາກອອກຕາມລວງນອນ. ນ້ຳຢາງສີຂາວ. ໃບດ່ຽວ ຈັດກັນເປັນວົງ, ກ່າງຂັ້ນສອງຕັ້ງສາກໃຫ້ກ່າງກາງ. ຊໍ່ດອກ ອອກຢູ່ປາຍກິ່ງງ່າ, ດອກສີຂາວ. ໝາກເປັນໝາກແຫ້ງໄຂໄດ້ ແບບໂຟລິເກິນ, ຍາວ. ແກ່ນມີປຸ້ມຂົນ ຢູ່ສອງສົ້ນ. |
| ປະເພດພືດ : | ເປັນໄມ້ຢືນຕົ້ນ ທີ່ມີໃບຂຽວຕະຫຼອດປີ ຫຼື ໃບລົ່ນໄລຍະສັ້ນໆ, ສູງເຖິງ 40 ແມັດ, ງ່າຕັ້ງຊັນຂຶ້ນ ຫຼື ຢູ່ຕາມລວງນອນໃຫ້ກັບລຳຕົ້ນ. |
| ລຳຕົ້ນ ແລະ ເປືອກ : | ເປືອກຂອງລຳຕົ້ນ ກ້ຽງ, ເປັນເກັດໆຕື້ນ, ອອກສີນ້ຳຕານອ່ອນ, ເປືອກຊັ້ນໃນ ອອກສີ ນ້ຳຕານ ຫາສີເຫຼືອງ. |
| ງ່າ ແລະ ກິ່ງນ້ອຍ : | ງ່າ ກ້ຽງ ບໍ່ມີຂົນ, ມີ ຊ່ອງອາກາດຫ່າງໆ ຫາຖ່ີໆ. |
| ທາດແຫຼວທີ່ລະບາຍອອກ : | ທາດແຫຼວທີ່ລະບາຍອອກຈາກລຳຕົ້ນ ແລະ ໃບມີສີຂາວ ມີ. |
| ໃບ : | ໃບດ່ຽວ, ຂະໜາດ ຍາວ 5 - 32 ຊມ, ກວ້າງ 1.5 -8 ຊມ, ຈັບເປັນວົງ 4-8 ໃບ, ຮູບສ້ວຍແກມຮູບຂອບຂະໜານ ຫາຮູບສ້ວຍ, ປາຍໃບ ສ່ວນຫຼາຍມົນ, ໂຄນໃບສ້ວຍມຸມເຫວີ, ບໍ່ມີຈຸດເຊ່ືອມຕໍ່ກັບກ້ານໃບ, ແຜ່ນໃບໜຽວແຂງ ແລະ ກ້ຽງ ບໍ່ມີຂົນ, ອອກສີນ້ຳຕານໃໝ້ ເວລາໃບແຫ້ງ, ແຄມໃບລຽບ ແລະ ເປັນຄື້ນ ເລັກນ້ອຍ. ກ່າງກາງ ຮາບພຽງຢູ່ດ້ານເທິງຂອງໃບ ແຕ່ ດູນຂຶ້ນສູງຢູ່ດ້ານລຸ່ມ, ກ່າງຂັ້ນສອງຂະໜານກັນຖ່ີໆ. |
| ຊໍ່ດອກ / ດອກ : | ດອກ ສີຂາວ ຫຼື ສີເຫຼືອງອອກຂຽວ, ດອກມີຂົນອ່ອນໆ,ຈັດເປັນຊໍ່ຢ່າງແໜ້ນໜາ, ຊໍ່ອອກຢູ່ປາຍ. |
| ໝາກ : | ໝາກເປັນໝາກແຫ້ງໄຂໄດ້ ແບບໂຟລິເກິນ , ຂະໜາດ ຍາວ 21-56 ຊມ, ເສັ້ນຜ່າກາງ 0.2-0.3 ຊມ, ມີ ຮູບກົມຮຽວ, ອອກເປັນຄູ່ ແລະ ຈຸ້ມເປັນວົງ ຢ່ອນລົງ, ໝາກກ້ຽງ ບໍ່ມີຂົນ. |
| ແກ່ນ : | ມີແກ່ນ ຈຳນວນ ຫຼາຍ, ກ້ຽງ ບໍ່ມີຂົນ ຕາມຕົວແກ່ນ ແຕ່ ມີຂົນຝອຍຢູ່ສອງສົ້ນ. |