English   Lao   
ລັກສະນະພືດສາດ ແຫຼ່ງທີ່ຢູ່ອາໄສ ແລະ ນິເວດ ເຂດແຜ່ກະຈາຍພັນ
ລັກສະນະເດັ່ນໆ ສຳລັບຊ່ວຍໃນການຈຳແນກຊະນິດໄດ້ : | ໃບອ່ອນອອກສີບົວ, ພື້ນໃບອອກສີຂຽວ ແກມສີນ້ຳເງິນ, ເມ່ືອຍ່ອງໃບສົດ ແລະ ເປືອກຊັ້ນໃນ ຈະໄດ້ກິ່ນສີໄຄຕົ້ນຢ່າງແຮງ. ໝາກ ມີສີຂຽວ ແລະ ມີຈຸດໆສີເຫຼືອງເວລາຍັງອ່ອນ, ອອກສີຟ້າຊ້ຳໆ ເວລາສຸກ, ຍັງມີືຊິ້ນສ່ວນຂອງກາບດອກ ຕິດນຳໝາກຢູ່. |
ປະເພດພືດ : | ເປັນໄມ້ຢືນຕົ້ນ ໃບຂຽວຕະຫຼອດປີ, ສູງແຕ່ 20 ເຖິງ 30 ແມັດ. ເຮືອນຍອດ ເປັນຄືຂອງຕົ້ນຟຸ່ມ ມົນ ດົກ. ມອກໄມ້ມີສີອອກຂາວ. |
ລຳຕົ້ນ ແລະ ເປືອກ : | ລຳຕົ້ນຊ່ື, ເປືອກກ້ຽງ ແລະ ມີຮອຍແຕກຊ່ອງອາກາດ, ເປືອກຊັ້ນໃນ ມີສີອອກບົວ ມີກ່ິນຫອມແຮງ. |
ງ່າ ແລະ ກິ່ງນ້ອຍ : | ງ່າ ແລະ ກິ່ງນ້ອຍ ອອກສີນ້ຳຕານ ມີຊ່ອງອາກາດ ແຈກຢາຍຫ່າງໆ. |
ທາດແຫຼວທີ່ລະບາຍອອກ : | ບໍ່ມີ ທາດແຫຼວບາຍອອກ. |
ໃບ : | ໃບດ່ຽວ ຈັບພາບ ຫຼື ເກືອບຈັບພາບ, ຂະໜາດ 7.5 - 30 x 2.5 - 9 ຊມ, ຮູບສ້ວຍຫາ ຮູບຂອບຂະໜານ, ປາຍໃບ ສ້ວຍແຫຼມ, ປົກກະຕິ ໂຄນໃບ ຮຽວ ແຫລມ, ແຄມໃບລຽບ, ແຜ່ນໃບ ແຂງຄ້າຍແຜ່ນໜັງ, ອອກສີນ້ຳຕານ ເວລາ ມັນແຫ້ງ, ດ້ານໜ້າໃບອອກສີຂຽວແກມສີນ້ຳເງິນ, ກ້ຽງ ບໍ່ມີຂົນ ຢູ່ດ້ານເທິງ ແລະ ລຸ່ມ. ກ່າງຂັ້ນໜຶ່ງຕົ້ນຕໍ ມີ ສາມເສັ້ນ, ຢູ່ດ້ານເທິງຮາບພຽງ, ກ່າງນັ້ນດູນສວດ ຂຶ້ນຢູ່ດ້ານລຸ່ມ, ກ່າງຂັ້ນສອງຈັບສະຫລຽງໃຫ້ກ່າງກາງ; ກ້ານໃບ ມີ ຂົນສັ້ນໆ ຫຸ້ມ. ບໍ່ ມີຫູໃບ. |
ຊໍ່ດອກ / ດອກ : | ດອກສີຂຽວແກມສີອອກຂາວ ຈັດເປັນຊໍ່ແຕກແໜງ ຈັບຢູ່ປາຍ ຫຼື ຢູ່ຂ້າງກ່ິງ, ດອກມີເພດຮ່ວມ ແລະ ມີກ່ິນເໝັນ. |
ໝາກ : | ໝາກມີເນື້ອ, ຮູບກົມສ້ວຍ ຍາວ 1-1.5 ຊມ ກວ້າງ 0.6-1 ຊມ, ອອກ ສີຂຽວແກ່, ມີຈຸດເຫຼືອງຢາຍທົ່ວໆ, ໝາກ ອອກສີອິດແກມສີດຳ ເວລາມັນສຸກ, ຊິ້ນສ່ວນ ຂອງກາບດອກຍັງມີນຳໝາກຢູ່. |
ແກ່ນ : | ແກ່ນ ມີ 1 ເມັດ, ຂະໜາດໃຫຍ່. |