English   Lao   
ລັກສະນະພືດສາດ ແຫຼ່ງທີ່ຢູ່ອາໄສ ແລະ ນິເວດ ເຂດແຜ່ກະຈາຍພັນ
ລັກສະນະເດັ່ນໆ ສຳລັບຊ່ວຍໃນການຈຳແນກຊະນິດໄດ້ : | ລຳຕົ້ນ ມີໜາມຢູ່ໂຄນ,ເປືອກມີຮອຍແຕກ. ທາດແຫຼວທີ່ລະບາຍ ອອກເປັນນ້ຳໃສ, ສີແດງແກມສີນ້ຳຕານ. ໃບດ່ຽວ, ຈັບພາບ, ດ້ານລຸ່ມ ອອກສີຂຽວແກມສີນ້ຳເງິນ . ດອກ ສີບົວ ອອກຢູ່ຕາມກິ່ງ ທີ່ບໍ່ມີໃບ. ໝາກເປັນໝາກ ແຫ້ງໄຂໄດ້ ແບບແຄບຊູນ. |
ປະເພດພືດ : | ເປັນໄມ້ຢືນຕົ້ນໃບລົ່ນຕາມລະດູການ, ຕົ້ນສູງເຖິງ 15 ແມດ |
ລຳຕົ້ນ ແລະ ເປືອກ : | ລຳຕົ້ນຊື່ ຫຼື ເນີ້ງ, ເປືອກມີສີຂີ່ເຖົ່າແກ່, ມີຮອຍແຕກ ແລະ ມີເກັດເປັນ ແຜ່ນບາງໆ, ລຳອ່ອນສ່ວນຫຼາຍມີໜາມ. |
ງ່າ ແລະ ກິ່ງນ້ອຍ : | ກິ່ງງ່າກົມມົນ, ກ້ຽງບໍ່ມີຂົນ. |
ທາດແຫຼວທີ່ລະບາຍອອກ : | ທາດແຫຼວທີ່ລະບາຍອອກ ເປັນນ້ຳ, ສີແດງອົມສີນ້ຳຕານ. |
ໃບ : | ໃບດ່ຽວ, ຈັບພາບ, ໃບກ້ຽງ ບໍ່ມີຂົນ ຫຼື ມີຂົນລະອຽດ ແຕ່ເວລາຍັງອ່ອນ, ໃບເປັນຮູບສ້ວຍ, ປາຍໃບ ແຫຼມເລັກນ້ອຍ, ໂຄນໃບຮຽວແຫຼມ, ຂອບໃບລຽບ. ກ່າງກາງຮາບພຽງ, ກ່າງໃບຂັ້ນສອງໂຄ້ງຈອດກັນ,ສະຫຼຽງມຸມເຫວີ, ກ່າງຂັ້ນ ສາມເປັນຕາໜ່າງ. ບໍ່ມີຫູໃບ. |
ຊໍ່ດອກ / ດອກ : | ດອກສີຂາວ, ມີ 3 ຫາ 5 ດອກ ຈັດລຽງຕາມຊໍ່ດອກ ທີ່ອອກດ້ານຂ້າງ ຢູ່ຕາມກິ່ງທີ່ບໍ່ມີໃບ, ດອກມີສອງເພດ, ກ້ານດອກຍ່ອຍຍາວເຖິງ 3 ມມ. |
ໝາກ : | ໝາກແຫ້ງໄຂໄດ້ ແບບແຄບຊູນ, ເສັ້ນຜ່າກາງຍາວເຖິງ 1.8 ຊມ, ມີກາບດອກ ເຫຼືອຢູ່ຫຸ້ມໝາກໄວ້, ໝາກແຕກ ອອກເອງ ຕາມ 3 ບິ້ງ. |
ແກ່ນ : | ມີແກ່ນຫຼາຍ, ມີປີກຢູ່ປາຍ 1 ເບື້ອງໜ່ຶງ. |