English   Lao   
ລັກສະນະພືດສາດ ແຫຼ່ງທີ່ຢູ່ອາໄສ ແລະ ນິເວດ ເຂດແຜ່ກະຈາຍພັນ
ລັກສະນະເດັ່ນໆ ສຳລັບຊ່ວຍໃນການຈຳແນກຊະນິດໄດ້ : | ເປືອກສີອອດດຳ, ໃບປະສົມ, ກ້ານກາງຂອງໃບບໍ່ໄຄ່ທີ່ໂຄນ, ໃບຍ່ອຍຈັບພາບ. ດອກສີຂາວ, ມີສອງເພດ, ເກສອນເຊ່ືອມຕິດ ກັນເປັນຫຼອດ. ໝາກເປັນໝາກແຫ້ງໄຂໄດ້ແບບແຄບຊູນ. |
ປະເພດພືດ : | ເປັນໄມ້ຢືນຕົ້ນ ໃບຂຽວຕະລອດປີ ສູງເຖິງ 15 ແມັດ, ເສັ້ນຜ່າກາງລະດັບເອິກຂອງລຳຕົ້ນ ປະມານ 25 ຊັງຕີແມັດ. |
ລຳຕົ້ນ ແລະ ເປືອກ : | ລຳຕົ້ນລຽບ, ເປືອກນອກອອກສີ ອອກດຳ, ເປືອກໃນນຸ້ມ ມີສີຂາວ. |
ງ່າ ແລະ ກິ່ງນ້ອຍ : | ກິ່ງງ່າມີຂົນປົກຄຸມ |
ທາດແຫຼວທີ່ລະບາຍອອກ : | ບໍ່ມີທາດແຫຼວລະບາຍອອກ |
ໃບ : | ໃບປະສົມແບບຂົນນົກປາຍຄູ່, ກ້ານກາງຂອງໃບຍາວປະມານ 40 ຊມ. ກ້ານໃບຍ່ອຍ ປະມານ 7-8 ຊມ. ບິ້ງໃບຈັບພາບກັນ, ມີຈຳນວນ 5-10 ຄູ່, ໃບຮູບປາຍຫອກປີ້ນແກມຮູບຂອບຂະໜານ, ຂະຫນາດ 10-12 x 3-5 ຊມ., ປາຍໃບສ້ວຍແຫຼມແກມແຫຼມເປັນຕິ່ງ, ໂຄນໃບມົນ ບໍ່ສະເໝີກັນ, ສ້ວຍແຫຼມ, ຂອບໃບລຽບ, ກ້ຽງ ບໍ່ມີຂົນທັງສອງດ້ານ. ກ່າງໃບເຫັນຊັດຢູ່ດ້ານລຸ່ມ, ຂັ້ນສອງ ປະມານ 7-10 ຄູ່, ສະຫຼຽງໃຫ້ກ່າງກາງ, ລຽບຂອບໃບ. ກ້ານໃບຍ່ອຍ ສັ້ນຫລາຍ, ປະມານ 2-3 ມມ |
ຊໍ່ດອກ / ດອກ : | ຊໍ່ດອກສັ້ນກວ່າໃບ, 15-20 ຊມ. , ແມ່ນຊໍ່ດອກແຕແຫນງ ອອກຢູ່ດ້ານຂ້າງກິ່ງ. ດອກມີຮ່ວມເພດ, ບໍ່ມີກ້ານດອກ, ອອກສີຂາວ, ເກສອນຈັດເປັນຫລອດ. ກ້ານດອກສັ້ນກວ່າ 0.5 ຊມ. |
ໝາກ : | ເປັນໝາກແຫ້ງໄຂເອງໄດ້ແບບແຄບຊູນ, ຮູບກົມ, ເສັ້ນຜ່າກາງປະມານ 4 - 5 ຊມ, ເປືອກໜາ, ກ້ຽງ ບໍ່ມີຂົນ. ເວລາຍັງອ່ອນ ອອກສີນ້ຳຕານແກມສີຂຽວ ເມ່ືອແກ່ມີສີແດງ, ແຕກອອກເປັນ 2 - 4 ຫ້ອງ. |
ແກ່ນ : | ມີເມັດຈຳນວນ 4 ຫາ 10 , ຮູບກົມ ສີດຳ. |