English   Lao   
ລັກສະນະພືດສາດ ແຫຼ່ງທີ່ຢູ່ອາໄສ ແລະ ນິເວດ ເຂດແຜ່ກະຈາຍພັນ
ລັກສະນະເດັ່ນໆ ສຳລັບຊ່ວຍໃນການຈຳແນກຊະນິດໄດ້ : | ໃນກຸ່ມຕົ້ນແປກ ຂະໜາດໃຫຍ່, ມັກມີຮາກພຶງ ແລະ ຮາກປອດ. ໃບມີສອງຮູບຊົງ, ຢູ່ນຳຕົ້ນອ່ອນ ແລະ ງ່າທີ່ຜັດປ່ຽນໃບ ໃບຄ້າຍຮູບ ເຂັມ, ຢູ່ນຳງ່າເກົ່າ ແລະ ງ່າຈະເລີນພັນ ໃບຄ້າຍເກັດ. ມີເພດ ແຍກພາຍໃນຕົ້ນດຽວ, ໂກນໝາກມີຂະໜາດນ້ອຍ. ແກ່ນ ມີປີກບາງໆ |
ປະເພດພືດ : | ໄມ້ຢືນຕົ້ນຂະໜາດໃຫຍ່, ເຄິ່ງປ່ຽນໃບ, ສ່ວນລຸ່ມຂອງລຳຕົ້ນ ມັກເປັນປຸ້ງ ຫຼື ມີ ປີກຮາກ(ຮາກພຶງ) ແລະ ຮາກປອດ, ສູງເຖິງ 25 ແມັດ, ເສັ້ນຜ່າກາງ ຢູ່ສູງລະດັບເອິກ 1 ແມັດ. |
ລຳຕົ້ນ ແລະ ເປືອກ : | ລຳຕົ້ນຕັ້ງຊ່ື, ມີລຳດຽວ, ໂດຍປົກກະຕິເຮືອນຍອດເປັນຮູບຈວຍ (ສຳລັບຕົ້ນເກົ່າງ່າ ຊີ້ໄປທຸກທິດ ); ເປືອກບາງ, ຕົກລົ່ນອອກເປັນ ແຊກໆບໍ່ສະໝ່ຳສະເໝີ, ສີນ້ຳຕານ ຫຼື ສີອອກແດງ; ເປືອກໃນ ມີສີບົວອົມສີແດງ. |
ງ່າ ແລະ ກິ່ງນ້ອຍ : | ງ່າທີ່ເປັນຕົ້ນຕໍ ຍາວຮຽວ: ງ່າເທິງຕັ້ງຊັນຂຶ້ນ, ໃບເຕົ້າໂຮມກັນຢູ່ປາຍງ່າ; ງ່າທີ່ມີໃບ ຍາວ ແລະ ທົນນານ ຫຼື ວ່າສັ້ນແລະ ຕົກລົ່ນໄວ. |
ທາດແຫຼວທີ່ລະບາຍອອກ : | ການນຳໃຊ້ບໍ່ທັນເປັນທີ່ຮູ້ຈັກ. |
ໃບ : | ໃບ ມີ 2 ປະເພດ ຈັບສະຫຼັບ ຫຼື ກ້ຽວວຽນ. ໃບ ຄ້າຍເກັດ ຈັບຕາມກິ່ງງ່ານ້ອຍ ແລະ ຕາມແໜງທີ່ມີໂກນດອກ, ບໍ່ມີຈຸດເຊ່ືອມຕໍ່ກັບແຜ່ນໃບ ແລະ ເລື່ອນເຕັງກັນ, ມີສັນເຫັນຈະແຈ້ງຢູ່ຕາມດ້ານຫຼັງຂອງໃບ, ມີປ່ອງອາກາດຈັດກັນເປັນ ແຖວໆຢູ່ທັງສອງຂ້າງຂອງປ່ອງອາກາດ. ໃບຄ້າຍເຂັມ ຈັບຢູ່ຕາມຍອດໃໝ່ສັ້ນໆ ຊຶ່ງມີໃບປ່ຽນຕາມລະດູການ, ການຈັບແມ່ນແບບກ້ຽວວຽນ, ມີຮູບແຂບ ແລະ ບໍ່ມີຈຸດເຊ່ືອມຕໍ່ກັບແຜ່ນໃບ ຫຼື ເປັນຮູບກ່ຽວ ແລະ ປິ່ນອອກໄປຕາມທຸກທິດ. |
ຊໍ່ດອກ / ດອກ : | ດອກດອກມີເພດແຍກ ພາຍໃນຕົ້ນດຽວ; ໂກນດອກເພດແມ່ອອກດ່ຽວ, ຈັບຢູ່ປາຍ ຂອງງ່ານ້ອຍສັ້ນໆ; ໂກນດອກເພດຜູ້ ອອກດ່ຽວ ແລະ ຈັບຢູ່ປາຍ, ຍາວ 3 ຫາ 5 ມມ. |
ໝາກ : | ໂກນໝາກເປັນຮູບໝາກຂ່າງ ຫາ ຮູບໄຂ່ປີ້ນ, ມີເກັດໆ 20 ຫາ 25 ເກັດ , ຢູ່ຕາມແຄມຂອງເກັດເທິງ ແບ່ງເປັນແຊກໆຄ້າຍແຂ້ວ, ໂກນໝາກແກ່ມີສີນ້ຳຕານ . |
ແກ່ນ : | ແກ່ນເປັນຮູບຂອບຂະໜານ, ແປ, 5 ຫາ 7 ມມ, ມີປີກດຽວ ບາງໆ. |