English Lao
ລັກສະນະພືດສາດ ແຫຼ່ງທີ່ຢູ່ອາໄສ ແລະ ນິເວດ ເຂດແຜ່ກະຈາຍພັນ
| ລັກສະນະເດັ່ນໆ ສຳລັບຊ່ວຍໃນການຈຳແນກຊະນິດໄດ້ : | ໄມ້ຢືນຕົ້ນຜັດປ່ຽນໃບ, ເປືອກມີຮອຍແຕກລະອຽດ. ໃບດ່ຽວ, ຈັບພາບ, ຮູບໄຂ່ກວ້າງ, ດ້ານລຸ່ມສີຂຽວແກມສີນ້ຳເງິນ. ກ່າງຂັ້ນໜຶ່ງເປັນສາມເສັ້ນອອກຢູ່ໂຄນ. ກ້ານໃບຍາວ ມີຕ່ອມ 2 ເມັດອອກຢູ່ປາຍ. ຊໍ່ດອກອອກຢູ່ປາຍ, ດອກມີຫຼອດຂອງກີບດອກ ສີແດງຊ້ຳອົມສີມ່ວງແກມສີອອກບົວ, ສ່ວນໂຄນຂອງກີບດອກ ສີເຫຼືອງ. ແມ່ນໝາກເນື້ອມີແກນຫຼາຍເມັດ. |
| ປະເພດພືດ : | ເປັນໄມ້ຢືນຕົ້ນ ຜັດປ່ຽນໃບ ສູງເຖິງ 12 ແມັດ, ເສັ້ນຜ່າກາງຂອງລຳຕົ້ນຍາວ ປະມານ 15 ຊັງຕີແມັດ. |
| ລຳຕົ້ນ ແລະ ເປືອກ : | ລຳຕົ້ນມີຮອຍແຕກລະອຽດ. ເປືອກ ສີນ້ຳຕານອອກໝົ່ນ, ເປືອກນອກ ບາງ, ມີສີນ້ຳຕານ, ເປືອກໃນ ສີນ້ຳຕານແກມສີອອກດຳ, ມອກໄມ້ ມີສີຂາວ. |
| ງ່າ ແລະ ກິ່ງນ້ອຍ : | ກິ່ງງ່າເປັນທໍ່ກົມ, ມີຂົນສີຂີ້ເຖົ່າ ແກມສີອອກເຫລືອງ, ແລ້ວກ້ຽງ ບໍ່ມີຂົນ, ເວລາແຫ້ງ ມີສີອອກນ້ຳຕານ, ມີຊ່ອງອາກາດ ຢ່າງຫຼວງຫຼາຍ. |
| ທາດແຫຼວທີ່ລະບາຍອອກ : | ບໍ່ມີທາດແຫຼວລະບາຍອອກ |
| ໃບ : | ໃບດ່ຽວ, ຈັບພາບກັນ, ແຜ່ນໃບຮູບໄຂ່ກ້ວາງ ເຖິງຮູບຮີ, ຂະຫນາດ 10-22 x 9-18 ຊມ., ປາຍໃບສ້ວຍແຫລມເປັນຕິ່ງ, ກົກໃບມົນ, ຂອບ ໃບລຽບ, ໃບອ່ອນສີນ້ຳຕານ, ແຜ່ນໃບໜຽວຄືແຜ່ນໜັງ, ດ້ານລຸ່ມອອກສີຂຽວແກມສີນ້ຳເງິນ, , ບໍລິເວນກົກໃບມີຕ່ອມຈຳນວນຫລາຍ. ກ່າງຂັ້ນໜຶ່ງອອກຢູ່ໂຄນໃບ. ກ່າງກາງ ຮາບພຽງ ຢູ່ດ້ານເທິງ ແລະ ຢູ່ດ້ານລຸ່ມເປັນຄູຊັດເຈນ, ກ່າງໃບ ຂັ້ນສອງສະຫຼຽງ ໃຫ້ກ່າງກາງ, ຂະໜານກັນຫ່າງໆ, ກ່າຂັ້ນສາມອອກຕາມລວງນອນ. ກ້ານໃບຍາວ ປະມານ 6-7 ຊມ. |
| ຊໍ່ດອກ / ດອກ : | ຊໍ່ດອກແຕກແຫນງ, ອອກຢູ່ປາຍ, ສີເຫລືອງ ມີຂົນປົກຄຸມ ຍາວເຖິງ 20 ຊມ, ໃບຊ້ອນດອກມີຮູບຄ້າຍຄືໃບ, ລົ່ນງ່າຍ, ດອກບໍ່ສະມ່ຳສະເມີ , ມີສີແດງອອກມ່ວງແກມສີບົວ, ແມ່ນດອກບໍ່ສະໝ່ຳສະເໝີ, ກ້ານ ດອກຍາວກວ່າ 0.5 ຊມ. |
| ໝາກ : | ໝາເນື້ອມີແກນ, ອອກດ່ຽວ ຮູບກົມ ຫຼື ຮູບໄຂ່, ເສັ້ນຜ່າ ກາງປະມານ 3-4 ຊມ, ຜິວກ້ຽງ ບໍ່ມີຂົນ, ໝາກອ່ອນ ສີຂຽວ ຕໍ່ມາກາຍເປັນສີເຫລືອງ ມີຊ່ອງອາກາດ ຢູ່ເປັນບາງສ່ວນ. |
| ແກ່ນ : | ມີເມັດຈຳນວນຫລາຍ. |