English Lao
ລັກສະນະພືດສາດ ແຫຼ່ງທີ່ຢູ່ອາໄສ ແລະ ນິເວດ ເຂດແຜ່ກະຈາຍພັນ
| ລັກສະນະເດັ່ນໆ ສຳລັບຊ່ວຍໃນການຈຳແນກຊະນິດໄດ້ : | ໄມ້ຢືນຕົ້ນຜັດປ່ຽນໃບ ຫຼື ໃບຂຽວຕະຫຼອດປີ, ເປືອກມີຮອຍແຕກ ເລັກນ້ອຍ. ດອກມີເພດແຍກພາຍໃນຕົ້ນດຽວ, ດອກຜູ້ຈັດເປັນ ຊໍ່ຢ່ອນຄ້າຍຮວງ, ດອກແມ່ບໍ່ມີກ້ານ ຈັດລຽງກັນເປັນຮວງດົກໜາ ດົກໜາ,ອອກທາງຂ້າງ ຫຼື ຢູ່ຕາມກິ່ງເກືອບປາຍໆ. ໝາກເປັນ ໝາກແຫ້ງເປືອກແຂງເມັດດຽວ (ໝາກກໍ່), ຜົ້ງໝາກຫຸ້ມເອົາ 1/3 ຫາ 2/3 ຂອງໝາກ, ໝາກແປລົງຢູ່ປາຍ. |
| ປະເພດພືດ : | ເປັນໄມ້ຢືນຕົ້ນສູງ 10 ຫາ 15 ແມັດ. ງ່າຕັ້ງຊັນຂຶ້ນທຽບໃສ່ລຳຕົ້ນ. |
| ລຳຕົ້ນ ແລະ ເປືອກ : | ລຳຕົ້ນຕັ້ງຊື່. ເປືອກມີຮອຍແຕກ, ມີຊ່ອງອາກາດ, ອອກສີນ້ຳຕານ, ເປືອກໃນສີນ້ຳຕານ, ເນື້ອໄມ້ມີສີອອກຂາວ. |
| ງ່າ ແລະ ກິ່ງນ້ອຍ : | ກິ່ງງ່ານ້ອຍເປັນຮູບທໍ່ກົມ, ມີຮອຍແຕກຕື້ນໆ ແລະ ມີຊ່ອງອາກາດ, ມີສີນ້ຳຕານອ່ອນໆ, ກ້ຽງ. |
| ທາດແຫຼວທີ່ລະບາຍອອກ : | .ບໍ່ມີທາດແຫຼວທີລະບາຍອອກມາ. |
| ໃບ : | ໃບດ່ຽວຮຽງສະຫຼັບ ແລະ ຈັບວຽນຂື້ນ, ຂະໜາດ 7-15 x 2-4 ຊມ, ຣູບໃບຫອກ ຫຼື ຮູບຂອບຂະໜານແກມຮູບສ້ວຍ, ປາຍໃບແຫຼມເປັນຕິ່ງ, ກົກໃບສ້ວຍແຫຼມ, ຫາບ້ຽວໜ້ອຍໜຶ່ງ, ຂອບໃບລຽບ, ໃບເປັນແຜ່ນຄືກັບແຜ່ນໜັງ ຫາ ແຜ່ນເຈັ້ຍ, ໜ້າໃບ ແລະ ພື້ນໃບກ້ຽງ, ເວລາຍັງອອ່ນໃບມີສີອອກແດງ. ເສັ້ນກ່າງກາງ ຮາບພຽງຢູ່ດ້ານເທິງຂອງໃບ, ກ່າງຂັ້ນໜ່ຶງເປັນເສັ້ນດ່ຽວ, ເສັ້ນກ່າງຂັ້ນສອງ ສະຫຼຽງໃຫ້ກ່າງກາງ, ຂະໜານກັນຫ່າງໆ, ເສັ້ນກ່າງຂັ້ນສາມຈັດສະຫຼຽງ. ກ້ານໃບກ້ຽງ. ມີຫູໃບ ແຕ່ຕົກຫຼົ່ນໄວ. |
| ຊໍ່ດອກ / ດອກ : | ດອກມີເພດແຍກ, ອອກທາງຂ້າງ, ຂະໜາດນ້ອຍ, ສີຂຽວອອກເຫຼືອງ ຈັດເປັນຊໍ່ດອກຫ້ອຍຢ່ອນລົງ ຫ່າງໆ, ກ້ານກາງຊໍ່ດອກມີຂົນອອ່ນສັ້ນ. ກ້ານດອກຍ່ອຍສັ້ນກວ່າ 0.50 ຊມ. |
| ໝາກ : | ໝາກເປັນໝາກແຫ້ງເປືອກແຂງ ເມັດດຽວ, ຜົ້ງໝາກ ກວມເອົາ 1/3 ເຖິງ 2/3 ຂອງໝາກ, ສ່ວນໂຄນຂອງ ໝາກແຂງ, ໝາກຮູບກົມ, ແປລົງຢູ່ປາຍ, ຂະໜາດ ໝາກ 1.5-2.2 x 2-2.6 ຊມ. |
| ແກ່ນ : | ແກ່ນເປັນຮູບກົມ ແປລົງດ້ານເທິງ ແລະ ລູ່ມ, ຂະໜາດ 1.5-2.2 x 2-2.6 ຊມ. |