English   Lao   
ລັກສະນະພືດສາດ ແຫຼ່ງທີ່ຢູ່ອາໄສ ແລະ ນິເວດ ເຂດແຜ່ກະຈາຍພັນ
ລັກສະນະເດັ່ນໆ ສຳລັບຊ່ວຍໃນການຈຳແນກຊະນິດໄດ້ : | ໄມ້ຢືນຕົ້ນໃບຂຽວຕະຫຼອດປີ, ລຳຕົ້ນມີຮອຍຈັບຂອງໃບເປັນ ຮູບກາບຫອຍ. ທາດແຫຼວລະບາຍອອກເປັນນ້ຳໄສ ຕໍ່ມາຄ້າຍ ຢາງ, ສີແດງແກມສີອອກບົວ. ກິ່ງງ່າເປັນລ່ຽມ. ໃບດ້ານລຸ່ມສີຂຽວ ແກມສີນ້ຳເງິນ, ກ້ານໃບຈັບຢູ່ກາງແຜ່ນໃບ, ຂອບໃບບໍ່ມີຕ່ອມ. ດອກມີເພດແຍກຕ່າງຕົ້ນ. ໝາກແຫ້ງໄຂໄດ້ແບບແຄບຊູນ, ແກ່ນສີດຳ ມີນວນສີສົ້ມຫຸ້ມ. |
ປະເພດພືດ : | ໄມ້ຢືນຕົ້ນ ຂຽວຕະຫລອດປີ ສູງເຖິງ 18 ມ. |
ລຳຕົ້ນ ແລະ ເປືອກ : | ລຳຕົ້ນຊື່, ລຳຕົ້ນ ມັກສ້ວຍປາຍ. ເປືອກ ສີຂີ້ເຖົ່າ ຈືດໆ, ເປືອກກ້ຽງ, ມີສັນ ເປັນຮູບຕົວ U ແລະ ຮອຍຈັບຂອງໃບເປັນຮູບກາບຫອຍ. |
ງ່າ ແລະ ກິ່ງນ້ອຍ : | ກິ່ງງ່າເປັນລ່ຽມ ແລະ ສັນ, ກ້ຽງບໍ່ມີຂົນ ຫຼື ມີຂົນສັ້ນໆປົກຫຸ້ມ. |
ທາດແຫຼວທີ່ລະບາຍອອກ : | ທາດແຫຼວທີ່ໄຫຼອອກເປັນນ້ຳ ຕໍ່ມາຄ້າຍຢາງ, ສີແດງ ແກມສີອອກບົວ. |
ໃບ : | ໃບດ່ຽວ, ຈັບສະລັບ ແລະ ກ້ຽວວຽນ, ມີຂົນສີນ້ຳຕານແກມແດງ ດົກໜາ ຢູ່ດ້ານ ລຸ່ມໃບ, ຕໍ່ມາ ແແຜ່ນໃບກ້ຽງ ບໍ່ມີຂົນ ຫຼື ມີຂົນສັ້ນໆ, ມີຈຸດຕ່ອມສີເຫຼືອງ, ແຜ່ນໃບ ຮູບໄຂ່ກ້ວາງ ຫາຮູບເກືອບມົນ, ປາຍໃບສ້ວຍແຫຼມເປັນຕິ່ງ, ກ້ານໃບຈັບຢູ່ກາງ ຂອງແຜ່ນໃບ, ຂອບໃບລຽບ ຫຼືເປັນແຂ້ວເລ່ືອຍຕື້ນໆ ແລະ ມີຕ່ອມຢູ່ປາຍແຂ້ວ ເລ່ືອຍ. ກ່າງຂັ້ນໜຶ່ງ ໂ ຫາ 5 ເສັ້ນເດ່ອອກທຸກທິດ, ເສັ້ນກ່າງ ຂັ້ນສອງສະຫຼຽງ ມຸມເຫວີ, ກ່າງຂັ້ນສາມສະຫຼຽງ. ຫູໃບແຄບ, ຕົກລົ່ນໄວ. |
ຊໍ່ດອກ / ດອກ : | ດອກ ມີຈຳນວນຫຼາຍ, ຈັດລຽງເປັນຊໍ່ດອກ, ອອກຕາມຕຳແໜ່ງ ດ້ານຂ້າງ ຫຼື ຢູ່ໃຕ້ໃບ, ດອກມີເພດດຽວ, ຕ່າງຕົ້ນ, ກ້ານດອກ ຍາວເຖິງ 3 ມມ. |
ໝາກ : | ແມ່ນໝາກແຫ້ງໄຂໄດ້ແບບແຄບຊູນ, ໝາກ ຍາວເຖິງ 0.8 ຊມ,ໝາກແຕກອອກເປັນສອງສ່ວນເມື່ອສຸກແລ້ວ, ມີຝຸ່ນລະອຽດ ສີເຫລືອງໜຽວມາຈາກຕ່ອມ ຈັບຢູ່ ດ້ານນອກ. |
ແກ່ນ : | ແກ່ນ ມີ 2 ເມັດ, ສີດຳ, ມີເຍື່ອຫຸ້ມບາງໆ ສີສົ້ມ. |