English   Lao   
ລັກສະນະພືດສາດ ແຫຼ່ງທີ່ຢູ່ອາໄສ ແລະ ນິເວດ ເຂດແຜ່ກະຈາຍພັນ
ລັກສະນະເດັ່ນໆ ສຳລັບຊ່ວຍໃນການຈຳແນກຊະນິດໄດ້ : | ໄມ້ຢືນຕົ້ນໃບຂຽວຕະຫຼອດປີ, ລຳຕົ້ນເປັນທໍ່ກົມ ມັກປຸ້ງຢູ່ລຸ່ມ. ກິ່ງງ່າອ່ອນມີຂົນສັ້ນໆ ສີນ້ຳຕານແກມສີແດງ. ທາດແຫຼວລະ ບາບອອກເປັນນ້ຳ ສີແດງແກມສີອອກບົວ. ໃບມີຂົນຮູບດາວ ຢາຍທົ່ວໆ, ຢູ່ໂຄນຂອງແຜ່ນໃບ ມີຕ່ອມນອກດອກຈັບຢູ່ໃກ້ ກັບບ່ອນຈັບຂອງກ້ານດອກ. ດອກມີເພດແຍກຕ່າງຕົ້ນ. ໝາກ ເປັນໝາກແຫ້ງໄຂໄດ້ ແບບແຄບຊູນມີຕ່ອມເປັນຝຸ່ນສີແດງ. |
ປະເພດພືດ : | ໄມ້ຢືນຕົ້ນ ຂຽວຕະຫລອດປີ ສູງເຖິງ 12 ມ. |
ລຳຕົ້ນ ແລະ ເປືອກ : | ລຳຕົ້ນຊື່, ບາງຄັ້ງ ປັຸ້ງທີ່ໂຄນ, ເປືອກສີຂີ້ເຖົ່າຈືດໆ ແລະ ເປືອກກ້ຽງ. |
ງ່າ ແລະ ກິ່ງນ້ອຍ : | ກິ່ງງ່າກົມມົນ, ກ້ຽງບໍ່ມີຂົນ ຫຼື ມີຂົນສັ້ນໆສີນ້ຳຕານອົມສີແດງປົກຫຸ້ມຢູ່. |
ທາດແຫຼວທີ່ລະບາຍອອກ : | ບໍ່ເຫັນທາດແຫຼວທີ່ໄຫຼອອກ ແຕ່ໜ້າຈະເປັນນ້ຳ ມີສີແດງແກມສີອອກບົວ. |
ໃບ : | ໃບດ່ຽວ, ຈັບສະລັບ ແລະ ກ້ຽວວຽນ, ມີຂົນຕ່ອມນ້ອຍໆສີແດງຢູ່ດ້ານລຸ່ມ, ແຜ່ນໃບຮູບຮີ ຫາ ຮູບໄຂ່ແຄບ, ປາຍໃບສ້ວຍແຫຼມເປັນຕິ່ງ, ຖານໃບສ້ວຍແຫຼມ ມີ ຕ່ອມ ສອງອັນ, ຂອບໃບລຽບ, ກ່າງໃບເສັ້ນໃຫຍ່ 3 ເສັ້ນອອກແຕ່ໂຄນ, ກ່າງກາງ ຮາບພຽງຢູ່ດ້ານເທິງ, ກ່າງຂັ້ນສອງສະຫຼຽງໃຫ້ກ່າງກາງ, ຂະໜານກັນຫ່າງໆ, ເສັ້ນກ່າງໃບຂັ້ນສາມຢູ່ຕາມເສັ້ນນອນ. ມີຫູໃບ, ມີຂະໜາດນ້ອຍ ແລະ ຕົກລົ່ນໄວ. |
ຊໍ່ດອກ / ດອກ : | ດອກ ມີຈຳນວນຫຼາຍ, ຈັດລຽງເປັນຊໍ່ດອກ, ອອກຕາມຕຳແໜ່ງ ປາຍຍອດ, ດອກມີ ເພດດຽວ, ພາຍໃນຕົ້ນດຽວກັນ, ກ້ານດອກ ຍາວເຖິງ 3 ມມ. |
ໝາກ : | ໝາກມີຂະໜາດເສັ້ນຜ່າກາງເຖິງ 0.9 ຊມ,ແມ່ນໝາກ ແຫ້ງແຕກເອງໄດ້ແບບແຄບຊູນ, ແຕກເປັນສາມປ່ຽງ ເມື່ອສຸກແລ້ວ, ມີຕ່ອມສີແດງ ຊຶ່ງມີຝຸ່ນລະອຽດ ຈັບຢູ່ດ້ານນອກ. |
ແກ່ນ : | ແກ່ນ ມີ 3 ເມັດ, ມີສີດຳ, ມີເຍື່ອຫຸ້ມບາງໆ ສີແດງ. |