English Lao
ລັກສະນະພືດສາດ ແຫຼ່ງທີ່ຢູ່ອາໄສ ແລະ ນິເວດ ເຂດແຜ່ກະຈາຍພັນ
| ລັກສະນະເດັ່ນໆ ສຳລັບຊ່ວຍໃນການຈຳແນກຊະນິດໄດ້ : | ໄມ້ຢືນຕົ້ນຜັດປ່ຽນໃບຂະໜາດນ້ອຍ. ມີຫູໃບນ້ອຍ. ດອກມີເພດ ຮ່ວມ, ສີເຫຼືອງ, ຄໍເຕົ້າໄຂ່ຈັບຕິດກັບຖານຂອງເຕົ້າໄຂ່. ໝາກມີ ສີດຳ ຢອງຢູ່ເທິງຖານຮອງດອກກ້ວາງໆ ສີແດງ ແລະ ລ້ອມ ຮອບດ້ວຍກີບດອກປີ້ນອອກສີແດງ ແລະ ເຫວີກ້ວາງອອກ. |
| ປະເພດພືດ : | ໄມ້ຕົ້ນຜັດປ່ຽນໃບ ສູງເຖິງ 10 ມ. |
| ລຳຕົ້ນ ແລະ ເປືອກ : | ລຳຕົ້ນຊື່ ຫຼື ມັກຈະບິດ, ເປືອກລຽບ, ມີຊ່ອງອາກາດ, ສີນ້ຳຕານຈືດ. |
| ງ່າ ແລະ ກິ່ງນ້ອຍ : | ກິ່ງງ່າກົມມົນ, ກ້ຽງ ບໍ່ມີຂົນ. |
| ທາດແຫຼວທີ່ລະບາຍອອກ : | ບໍ່ມີທາດແຫຼວລະບາຍອອກ. |
| ໃບ : | ໃບດ່ຽວ, ຈັບສະລັບກັນພາຍໃນແຜ່ນພຽງດຽວ, ໃບຮູບໄຂ່ປີ້ນ, ກ້ຽງ ບໍ່ມີຂົນ, ປາຍ ໃບສ້ວຍມຸມເຫວີ, ກົກໃບມົນ ຫາສ້ວຍແຫຼມ, ຂອບໃບເປັັນແຂ້ວເລ່ືອຍ. ກ່າງຂັ້ນ ໜຶ່ງເປັນເສັ້ນດ່ຽວ, ກ່າງຂັ້ນສອງ 7-15 ຄູ່, ສະຫຼຽງ ມີເສັ້ນຕັດຫຼາຍ, ກ່າງຂັ້ນສາມ ຈັດເປັນຕາໜ່າງ. ຫູໃບ ນ້ອຍບາງ, ຕົກລົ່ນໄວ. |
| ຊໍ່ດອກ / ດອກ : | ດອກສີເຫຼືອງ, ມີຈຳນວນບໍ່ຫຼາຍປານໃດ, ຈັດລຽງເປັນຊໍ່ດອກ, ຊໍ່ອອກຢູ່ຕຳແໜ່ງຂ້າງກິ່ງທີ່ບໍ່ມີໃບ, ດອກມີເພດຮ່ວມ, ກ້ານດອກ ຍາວກ່ວາ 0.5 ຊມ. |
| ໝາກ : | ໝາກມີຂະໜາດຍາວ ເຖິງ1.1 ຊມ, ມີສີດຳ, ມີເນຶ້ອ ບາງໆ, ໝາກຢອງເທີງຖານຮອງດອກກ້ວາງ ຊຶ່ງມີ ກາບດອກສີແດງປີ້ນອອກ. |
| ແກ່ນ : | ແກ່ນ ມີ 1 ເມັດ. |