English   Lao   
ລັກສະນະພືດສາດ ແຫຼ່ງທີ່ຢູ່ອາໄສ ແລະ ນິເວດ ເຂດແຜ່ກະຈາຍພັນ
ລັກສະນະເດັ່ນໆ ສຳລັບຊ່ວຍໃນການຈຳແນກຊະນິດໄດ້ : | ໄມ້ຢືນຕົ້ນ ຜັດປ່ຽນໃບ ຫຼື ໃບຂຽວຕະຫລອດປີ ຂະໜາດໃຫຍ່, ເປືອກມີຊ່ອງອາກາດ, ທາດແຫຼວທີ່ລະບາຍອອກ ສີນ້ຳຕານແ ກມສີແດງ. ໃບປະສົມປາຍຄີກ, ຈັບສະຫຼັບ, ກ້ານກາງໄຄ່ທີ່ໂຄນ, ໃບຍ່ອຍຈັບພາບ. ດອກມີເພດຮ່ວມ, ຄ້າຍຮູບດອກໝາກຖົ່ວ, ສີແດງຊ້ຳອົມມ່ວງແກມສີມ່ວງ. ໝາກເປັນຝັກໜາ. |
ປະເພດພືດ : | ໄມ້ຢືນຕົ້ນ ຜັດປ່ຽນໃບ ຫຼື ໃບຂຽວຕະຫລອດປີ ຂະໜາດໃຫຍ່, ສູງເຖິງ 25 ມ., ເສັ້ນຜ່າກາງປະມານ 45 ຊມ. ເປືອກສີນ້ຳຕານອ່ອນ, ໜາປະມານ 3 ຊມ., ສີນ້ຳຕານ, ເປືອກໃນສີແດງ, ມອກໄມ້ສີເຫຼືອງຄ້າຍສີເຟືອງ. |
ລຳຕົ້ນ ແລະ ເປືອກ : | ລຳຕົ້ນມີຊ່ອງອາກາດ, ເປືອກສີແດງແກມສີອອກນ້ຳຕານຊ້ຳ, ເປືອກໃນສີເຫຼືອງ. |
ງ່າ ແລະ ກິ່ງນ້ອຍ : | ກິ່ງງ່າ ເປັນທໍ່ກົມ, ກ້ຽງ ບໍ່ມີຂົນ, ມີຊ່ອງອາກາດ, ສີ ອອກນ້ຳຕານ, ຕອນຕົ້ນເກືອບແປ. |
ທາດແຫຼວທີ່ລະບາຍອອກ : | ທາດແຫຼວທີ່ໄຫຼອອກມາ ມີສີນ້ຳຕານແກມສີແດງ. |
ໃບ : | ໃບປະສົມປາຍຄີກ, ຈັບສະຫຼັບ, ເຕົ້າໂຮມກັນຢູ່ປາຍກິ່ງ, ກ່າງກາງ ຍາວເຖິງ 7 ຊມ., ໄຄ່ທີ່ໂຄນ, ມີ ໃບຍ່ອຍ 5 ຫາ 9 ໃບ, ຈັບພາບ, ຮູບໄຂ່ ຫາຮູບສ້ວຍ, ປາຍສ້ວຍແຫຼມຫາແຫຼມເປັນຕິ່ງ, ໂຄນໃບສ້ວຍແຫລມ, ຂອບໃບລຽບ, ໃບອ່ອນສີນ້ຳຕານແກມສີອອກແດງ, ແຜ່ນໃບຫຍາບຄືແຜ່ນໜັງ, ກ້ຽງ ບໍ່ມີຂົນ ທັງສອງດ້ານ. ກ່າງກາງເປັນຮ່ອງຕາມລວງຍາວ, ດູນຂຶ້ນເຫັນຊັດຢູ່ດ້ານລຸ່ມ, ເປັນເສັ້ນດ່ຽວ, ກ່າງຂັ້ນສອງສະຫຼຽງມຸມເຫວີໃຫ້ກ່າງກາງ, ປະມານ8 ຄູ່, ກ່າງຂັ້ນສາມຈັດເປັນຕາໜ່າງ. ກ່າງກາງຍາວປະມານ 5-7 ຊມ. |
ຊໍ່ດອກ / ດອກ : | ດອກມີສີແດງຊ້ຳອົມມ່ວງແກມມ່ວງ, ຈັດເປັນຊໍ່ດອກມີກ້ານ, ອອກຢູ່ ປາຍຍອດ ຫຼື ອອກຂ້າງກິ່ງ, ຊໍ່ກ້ຽງ ບໍ່ມີຂົນ, ຍາວ 8 - 20 ຊມ. ກ້ານ ດອກຍາວປະມານ 7 ມມ, ວົງກາບດອກສີນ້ຳຕານເຂັ້ມ. |
ໝາກ : | ໝາກເປັນຝັກ, ເປືອກໜາ, ຂະໜາດ 5-7 x 2 - 3 ຊມ, ເປືອກໜາ, ກ້ຽງ ບໍ່ມີຂົນ, ດ້ານນອກອອກສີແດງ ຕໍ່ມາ ສີນ້ຳຕານແ, ເມ່ືອແກ່ແຕກເອງໄດ້. |
ແກ່ນ : | ແກ່ນມີ 1 ເມັດ, ສີແດງ. |