English   Lao   
ລັກສະນະພືດສາດ ແຫຼ່ງທີ່ຢູ່ອາໄສ ແລະ ນິເວດ ເຂດແຜ່ກະຈາຍພັນ
ລັກສະນະເດັ່ນໆ ສຳລັບຊ່ວຍໃນການຈຳແນກຊະນິດໄດ້ : | ໄມ້ຢືນຕົ້ນຜັດປ່ຽນໃບ, ເປືອກແຕກເຫີບ ແລະ ມີຮອຍແຕກ, ທາດແຫຼວທີ່ລະບາຍອອກເປັນນ້ຳມັນ ມີກິ່ນຂອງໝາກ ອານ ມອັນ. ກິ່ງງ່າອອ່ນມີຂົນສີນ້ຳຕານປົກຄຸມ. ກ້ານໃບມີຕ່ອມ 2 ເມັດຈັບຢູ່ໃກ້ປາຍໆ. ຫູໃບລຽບ, ເສຣີ. ຊໍ່ດອກ ອອກທາງຂ້າງ, ດອກມີເພດຮ່ວມ, ສີຄຼີມ. ໝາກເປັນໝາກເນື້ອ ມີແກນ ຮູບກົມ. |
ປະເພດພືດ : | ເປັນຕົ້ນໄມ້ປ່ຽນໃບ ສູງເຖິງ 15 ແມັດ, ເສັ້ນຜ່ານສູນກາງຂອງລຳຕົ້ນປະມານ 35 ຊັງຕີແມັດ. |
ລຳຕົ້ນ ແລະ ເປືອກ : | ລຳຕົ້ນຊື່ຕົງ ແລະ ເປັນທ່ອນກົມ, ເປືອກບາງ, ກ້ຽງ ບໍ່ມີຂົນ, ສີນ້ຳເງິນແ ກມສີເທົາ, ມີຮອຍແຕກລະອຽດ, ມີຊ່ອງອາກາດ, ເປືອກນອກສີຂຽວ, ເປືອກໃນໜາປະມານ 3 ມມ. ສີນ້ຳຕານຈາງ, ມອກໄມ້ ມີສີຂາວ. |
ງ່າ ແລະ ກິ່ງນ້ອຍ : | ກິ່ງງ່າເປັນທໍ່ກົມ, ມີຂົນອ່ອນສີນ້ຳຕານ ຫຸ້ມຢ່າງດົກໜາ, ເວລາອ່ອນ ມີຊ່ອງອາກາດ. |
ທາດແຫຼວທີ່ລະບາຍອອກ : | ນ້ຳຢາງມີກິ່ນ ແຮງ. |
ໃບ : | ໃບດ່ຽວ,ຈັບສະຫລັບ, ຮູບໄຂ່ຫາຮູບຮີ, ຂະຫນາດ 5-15 x 2-7 ຊມ. , ປາຍໃບສ້ວຍແຫລມເຖິງສ້ວຍແຫລມເປັນຕິ່ງ, ກົກໃບສ້ວຍແຫລມ, ຂອບໃບລຽບ, ແຜ່ນໃບຫນາ ແລະ ແຂງຄ້າຍຄືແຜ່ນໜັງ, ດ້ານລຸ່ມໃບ ມີຂົນປົກຄຸມ. ກ່າງກາງ ເປັນຮ່ອງຕາມລວງຍາວ, ເຫັນຊັດຢູ່ດ້ານລຸ່ມ, ມີຂົນດົກໜາຢູ່ສອງດ້ານ. ກ່າງຂັ້ນສອງ 8-12 ຄູ່ ສະຫຼຽງໃຫ້ ກ່າງກາງ, ຂະໜານກັນຫ່າງໆ, ກ່າງຂັ້ນສາມສະຫຼຽງ. ມີຕ່ອມ 2 ຕ່ອມ ຈັບທີ່ໂຄນຂອງແຜ່ນໃບ. ໃບອ່ອນສີອອກນ້ຳຕານ. ກ່າງໃບຂັ້ນຫນຶ່ງເປັນຮ່ອງຕາມລວງຍາວ ດ້ານເທະງໃບ ແລະ ເປັນຄູຊັດເຈນຢູ່ດ້ານລຸ່ມໃບ. ກ່າງໃບຂັ້ນສອງຂະຫນານກັນ, ມີຈຳນວນ 8-12 ຄູ່. ກ້ານໃບຍາວ 5-10 ມມ., ຫູໃບແຄບແຫລມ, ຫຸ້ມຫໍ່ໃບສອງໃບ ຢູ່ ປາຍຍອດ ຕໍ່ມາເຫລືອພຽງຮອຍເປັນວົງແຫວນສີນ້ຳຕານ ເມ່ືອຫູໃບຫລົ່ນແລ້ວ. |
ຊໍ່ດອກ / ດອກ : | ດອກສີຂາວ, ອອກເປັນຈຸ້ມຊໍ່ດອກມີກ້ານຫຼາຍຂັ້ນ ບາງຄັ້ງແຕກແໜງ, ຍາວ 2-5 ຊມ, ອອກຢູ່ຂ້າງກິ່ງ , ມີຂົນປົກຄຸມ, ກ້ານດອກສັ້ນຫລາຍ ຫລື ເກືອບບໍ່ມີກ້ານດອກ. ດອກສີເຫລືອງແກມຂາວ, ມີຂົນຫນານຸ້ມ. |
ໝາກ : | ໝາກເນື້ອມີແກນ ຮູບກົມ, ປະມານ 0.5 ຊມ, ມີຂົນ ປົກຄຸມ. ໝາກມີສີຂຽວ ຕໍ່ມາສີແດງຊ້ຳ ຫລື ສີດຳ, |
ແກ່ນ : | ມີ 2 ເມັດ ສີນ້ຳຕານ. |