English Lao
ລັກສະນະພືດສາດ ແຫຼ່ງທີ່ຢູ່ອາໄສ ແລະ ນິເວດ ເຂດແຜ່ກະຈາຍພັນ
| ລັກສະນະເດັ່ນໆ ສຳລັບຊ່ວຍໃນການຈຳແນກຊະນິດໄດ້ : | ໃບອ່ອນສີອອກບົວ ຫຼື ສີມ່ວງ ມີຂົນສີນ້ຳຕານ ແກມສີທອງ, ໃບແກ່ເປັນແຂ້ວເລື່ອຍແຫຼມຢູ່ສ່ວນປາຍຂອງໃບເທົ່ານັ້ນ. ໝາກຈັບເປັນກຸ່ມສັ້ນໆ ແລະ ດົກໜາ, ຖານໝາກ ເປັນຮູບຖ້ວຍ ຊຶ່ງກວມເອົາເຄິ່ງໜຶ່ງຂອງໝາກ, ໝາກເປືອກແຂງມີແກ່ນດຽວ ມີລັກສະທາງແປເຂົ້າທາງປາຍ ແລະ ມີປາຍສັ້ນໆ. |
| ປະເພດພືດ : | ໄມ້ຢືນຕົ້ນ ໃບລົ່ນຕາມລະດູການ, ສູງ 15 – 40 ແມັດ, ງາຕັ້ງຊັນຂຶ້ນ. ມີ ປີກຮາກ. |
| ລຳຕົ້ນ ແລະ ເປືອກ : | ເປືອກສີນ້ຳຕານເຂັ້ມ ຫາ ສີເກືອບດຳ, ມີຮອຍແຕກ ຊ່ອງອາກາດ, ລຳຕົ້ນມີຮອຍແຕກເລິກ. ເປືອກໃນເປັນສີອອກແດງ, ເນື້ອໄມ້ ເປັນສີເຫຼືອງຈືດໆ. |
| ງ່າ ແລະ ກິ່ງນ້ອຍ : | ກິ່ງງ່າເປັນຮູບທໍ່ກົມ, ເມື່ອຍັງອ່ອນມີຂົນອ່ອນໆສີເຫຼືອງແກມນ້ຳຕານ, ເມື່ອຍັງອ່ອນ, ເມື່ອແກ່ຈະກ້ຽງ, ສີນ້ຳຕານເຂັ້ມ. |
| ທາດແຫຼວທີ່ລະບາຍອອກ : | ບໍ່ມີທາດແຫຼວໄຫຼອອກ. |
| ໃບ : | ໃບດ່ຽວ ຈັບສະຫລັບ ແລະ ກ້ຽວວຽນ, ຂະໜາດ 9-24 x 3.5-8 ຊມ, ຮູບໄຂ່ແຄບ, ຮູບສ້ວຍ ແກມຮູບຂອບຂະໜານ , ປາຍສ້ວຍແຫຼມ ຫຼືສ້ວຍມຸມເຫວີ, ໂຄນໃບຮຽວ ແຫຼມ ຫຼື ມົນ, ບ້ຽວເລັກນ້ອຍ, ຂອບໃບເປັນແຂ້ວເລ່ືອຍໃນເຄິ່ງ ສ່ວນເທິງ, ແຜ່ນໃບ ໜຽວຄືໜັງ ດ້ານລຸ່ມມີຂົນບົ່ວ. ກ່າງກາງຮາບພຽງຢູ່ດ້ານເທິງ, ກ່າງຂັ້ນໜຶ່ງ ເປັນກ່າງດ່ຽວ, ກ່າງຂັ້ນສອງສະຫຼຽງໃຫ້ກ່າງກາງ, ຂະໜານກັນຫ່າງໆ, ກ່າງຂັ້ນ ສາມສະຫຼຽງ. ກ້ານໃບ ແລະ ຫູໃບ ມີຂົນ. |
| ຊໍ່ດອກ / ດອກ : | ດອກນ້ອຍ, ສີອອກຂຽວ, ດອກເຕົ້າໂຮມກັນເປັນຈຸ້ມຊໍ່ຢ່ອນ. |
| ໝາກ : | ໝາກເປັນໝາກເປືອກແຂງ (ໝາກກໍ່) ອອກເປັນກຸ່ມສັ້ນ ແລະ ດົກໜາ , ຂະໜາດ 1.5- 2 x 2-3 ຊມ, ເປືອກ ລຽບ. |
| ແກ່ນ : | ໝາກມີກ້ານສັ້ນ. |