English   Lao   
ລັກສະນະພືດສາດ ແຫຼ່ງທີ່ຢູ່ອາໄສ ແລະ ນິເວດ ເຂດແຜ່ກະຈາຍພັນ
ລັກສະນະເດັ່ນໆ ສຳລັບຊ່ວຍໃນການຈຳແນກຊະນິດໄດ້ : | ໝາກຮູບສວ້ຍກວ້າງ, ສີນ້ຳຕານຊ້ຳ, ຢູ່ຕາມຜິວມີໝາມ ມີນ້ຳຢາງສີຂາວເປັນກ້ອນນ້ອຍໆຈັບຕາມໜາມ ແລະ ຢູ່ປາຍສຸດມີຈະງອຍແຫຼມ. |
ປະເພດພືດ : | ໄມ້ຢືນຕົ້ນຂະໜາດໃຫຍ່ໃບປ່ຽນຕາມລະດູການ ສູງເຖິງ 45 ແມັດ, ເສັ້ນຜ່າກາງ ຢູ່ລະດັບເອິກ 1 ແມັດ. ງ່າຕັ້ງຊັນຂຶ້ນທຽບໃສ່ລຳຕົ້ນ. |
ລຳຕົ້ນ ແລະ ເປືອກ : | ລຳຕົ້ນ ຕັ້ງຊື່. ເປືອກລຽບ, ໂຄນຕົ້ນປຸ້ງ ເປັນວົງເລັກນ້ອຍ, ມີຊ່ອງອາກາດ, ເປືອກນອກໜາ 1 ຊມ, ສີນ້ຳຕານອ່ອນ, ເນື້ອໄມ້ສີຂາວ. |
ງ່າ ແລະ ກິ່ງນ້ອຍ : | ກິ່ງງ່າຮູບທໍ່ກົມ, ກ້ຽງ ບໍ່ມີຂົນ, ສີນ້ຳຕານ ແກມສີ ອອກຂຽວຕໍ່ມາເມື່ອແຫ້ງເປັນສີນ້ຳຕານຊ້ຳ. ກິ່ງງ່າອ່ອນສີນຳ້ຕານແຈ້ງມີຂົນດົກໜາ. |
ທາດແຫຼວທີ່ລະບາຍອອກ : | ມີນ້ຳຢາງໄຫຼອອກມາ, ເມື່ອແຫ້ງເປັນສີຂາວ. |
ໃບ : | ໃບປະສົມແບບຂົນນົກປານຄູ່, ຈັບສະຫຼັບ, ກ້ານກາງຍາວ 7-15 ຊມ, ໂຄນກ້ານໃບເຫວີ, ໃບຍ່ອຍມີ 2-3 ຄູ່, ຈັບພາບ, 10 x 5 ຊມ, ຮູບໄຂ່, ບ້ຽວເລັກນ້ອຍ, ປາຍໃບສ້ວຍແຫຼມເປັນຕິ່ງ, ໂຄນໃບມົນ ຫຼື ຮຽວແຫຼມ, ຂອບໃບລຽບ, ແຜ່ນໃບຄ້າຍຄືໜັງ, ເຫຼື້ອມ, ກ້ຽງ ບໍ່ມີຂົນ. ກ່າງກາງ ຢູ່ດ້ານເທິ່ງເປັນຮ່ອງຕາມລວງຍາວ, ດ້ານລຸ່ມໃຫຍ່ເຫັນຊັດ, ໂຄ້ງເລັກນ້ອຍ, ກ່າງຂັ້ນສອງສະຫຼຽງໃຫ້ກ່າງກາງ, ຂະໜານກັນຫ່າງໆ, ກ່າງຂັ້ນສາມເປັນດາງແຫ ລະອຽດ. ກ້ານໃບຍອ່ຍຍາວ 3-4 ມມ. ມີຫູໃບ, ຮູບສາມຫຼ່ຽມ, ໂຄນໃບມົນເລັກນ້ອຍ, ປາຍໃບສ້ວຍແຫຼມຢ່າງແຮງ ແລະຫຼົ່ນໄວ. |
ຊໍ່ດອກ / ດອກ : | ດອກອອກເປັນຊໍ່ແບບຊໍ່ແຕກແໜງຈັບຢູ່ປາຍຍອດ ຫຼືຈັບຢູ່ຂ້າງກິ່ງ, ມີຂົນນຸ້ມສີທອງແກມເຫຼືອງດົກໜາ, ຕາດອກຮູບໄຂ່ ຢູ່ກາບດອກດ້ານນອກມີໝາມນ້ອຍໆ. |
ໝາກ : | ໝາກເປັນຝັກແຂງຄືໄມ້, ຂະໜາດ 6-8 X 3-4 ຊມ, ສີນ້ຳຕານຊ້ຳເວລາແຫ້ງ, ຮູບສ້ວຍກວ້າງ, ຢູ່ປາຍສຸດມີຈະງອຍແຂງ ແລະ ແຫຼມ, ໝາກມີໝາມ ແລະ ນ້ຳຢາງທີ່ເປັນນ້ຳມັນສີຂາວຈັບຢູ່ຕາມເປືອກ. |
ແກ່ນ : | ແກ່ນມີ 1-3 ເມັດ, ສີດຳ ແລະ ເຫຼື້ອມ. |