English Lao
ລັກສະນະພືດສາດ ແຫຼ່ງທີ່ຢູ່ອາໄສ ແລະ ນິເວດ ເຂດແຜ່ກະຈາຍພັນ
| ລັກສະນະເດັ່ນໆ ສຳລັບຊ່ວຍໃນການຈຳແນກຊະນິດໄດ້ : | ໄມ້ຢືນຕົ້ນ ຜັດປ່ຽນໃບ ຫຼື ໃບຂຽວຕະຫລອດປີ, ເປືອກລຽບ ຫາ ເປືອກມີຮອຍແຕກຕື້ນໆ ທາດແຫຼວລະບາຍອອກເປັນນ້ຳ ມັນ. ໃບປະສົມ ມີ 2 ຫາ 3 ຄູ່, ກ້ານກ່າງກາງໄຄ່ທີ່ໂຄນ. ດອກຈັດ ເປັນຊໍ່ແຕກແໜງອອກຢູ່ປາຍ ຫຼື ອອກຢູ່ຂ້າງ, ສີຂຽວແກມເຫຼືອງ, ມີເພດຮ່ວມ. ໝາກເປັນຝັກແປໆ ຮູບມົນແກມຮູບໄຂ່, ມີໜາມ, ມັກມີຢອດນ້ຳຢາງສີຂາວ ຢົງຢາຍຢູ່. |
| ປະເພດພືດ : | ເປັນໄມ້ຢືນຕົ້ນ ໃບລົ່ນຕາມລະດູການ ຫຼື ໃບຂຽວເຄິ່ງປີ, ສູງ 25 ແມດ. |
| ລຳຕົ້ນ ແລະ ເປືອກ : | ລຳຕົ້ນຊື່, ເປືອກມີສີນ້ຳຕານແກ່, ກ້ຽງ ຫຼື ມີຮອຍແຕກເລັກນ້ອຍ. |
| ງ່າ ແລະ ກິ່ງນ້ອຍ : | ກິ່ງງ່າກົມມົນ, ກ້ຽງບໍ່ມີຂົນ. |
| ທາດແຫຼວທີ່ລະບາຍອອກ : | ມີທາດແຫຼວລະບາຍອອກເປັນນ້ຳມັນ ຈັບນຳໝາກ. |
| ໃບ : | ໃບປະກອບ, ແບບຂົນນົກປາຍຄູ່, ຈັບສະຫລັບ ແລະ ກ້ຽວວຽນ, ບິ້ງໃບ ຮູບໄຂ່ຫາຮູບຮີ, 2-3 ຄູ່, ປາຍແຫຼມເປັນຕິ່ງ ຫາ ມົນ, ກົກໃບມົນ, ຂອບໃບລຽບ. ກ່າງກາງ ຮາບ ພຽງ ຢູ່ດ້ານເທິງ, ກ່າງຂັ້ນສອງສະຫຼຽງໃຫ້ກ່າງກາງ, ຂະໜານກັນຫ່າງໆ, ກ່າງຂັ້ນສາມຈັດເປັນຕາໜ່າງ. ກ່າງຄູ່ຕ່ຳສຸດ ມີຕ່ອມນ້ອຍໆຄູ່ໜິ່ງ. ຫູໃບກົ່ງໂຄ້ງ ແລະ ຕົກລົ່ນງ່າຍ. |
| ຊໍ່ດອກ / ດອກ : | ດອກມີຈຳນວນຫຼາຍ ຈັດລຽງຕາມຊໍ່ດອກ ອອກຢູ່ປາຍຍອດ ຫຼື ປາຍງ່າມ, ດອກມີສອງເພດ, ກ້ານດອກຍ່ອຍຍາວກວ່າ 0.5 ຊ.ມ. |
| ໝາກ : | ໝາກມີຂະໜາດຍາວເຖິງ 8 ຊມ, ເນື້ອແຂງ, ແປ, ມີໜາມ, ມີນ້ຳຢາງຍອ້ຍ ອອກມາຕາມປາຍທີ່ເປັນໂຄ້ງ. |
| ແກ່ນ : | ມີແກ່ນ 1 ຫາ 3 ເມັດ. |