English Lao
ລັກສະນະພືດສາດ ແຫຼ່ງທີ່ຢູ່ອາໄສ ແລະ ນິເວດ ເຂດແຜ່ກະຈາຍພັນ
| ລັກສະນະເດັ່ນໆ ສຳລັບຊ່ວຍໃນການຈຳແນກຊະນິດໄດ້ : | ກີບດອກບິດກ້ຽວ, ມີກິ່ນຫອມແຮງ. ມີຂົນຮູບດາວ ສີອອກແດງຢູ່ກ້ານໃບ, ຢູ່ກ້ານຊໍ່ດອກ ແລະ ກ້ານດອກຍ່ອຍ. |
| ປະເພດພືດ : | ເປັນໄມ້ຢືນຕົ້ນ ໃບຂຽວຕະຫຼອດປີ, ສູງເຖິງ 30 ມ, ເສັ້ນຜ່າກາງ 40 ຊມ, ງ່າຕັ້ງຊັນຂຶ້ນ ແລະ ຢູ່ຕາມລວງນອນ ທຽບໃສ່ລຳຕົ້ນ. ມອກໄມ້ອອກສີຂີ້ເຖົ່າປົນສີຂາວ ແກນໄມ້ມີສີອອກນ້ຳຕານ. |
| ລຳຕົ້ນ ແລະ ເປືອກ : | ລຳຕົ້ນຕັ້ງຊື່. ເປືອກລຽບ, ປຸ້ງນ້ອຍໜຶ່ງ, ບໍ່ມີຊ່ອງອາກາດ, ມີຕຸ່ມ ຕູດສີອອກຂີ້ເຖົ່າ. |
| ງ່າ ແລະ ກິ່ງນ້ອຍ : | ງ່າ ແລະ ກິ່ງງ່ານ້ອຍ ມີຂົນອ່ອນຍາວ ແລະ ມີຂົນແຂງ ສີນ້ຳຕານອົມສີແດງ ເມື່ອເວລາຍັງອ່ອນ. |
| ທາດແຫຼວທີ່ລະບາຍອອກ : | ທາດແຫຼວ ທີ່ລະບາຍອອກເປັນສີຂາວ ແລະ ມີທາດນ້ຳມັນ. |
| ໃບ : | ໃບດ່ຽວ ຈັບສະຫຼັບ ແລະ ກ້ຽວວຽນ, ຂະໜາດ 9 -11 x 3 - 7.5 ຊມ, ຮູບຂອບຂະໜານແກມຮູບສ້ວຍ ຫຼື ຮູບສ້ວຍແກມຮູບໄຂ່ປີ້ນ, ປາຍໃບ ສ້ວຍມຸມເຫວີ ຫືຼ ສ້ວຍແຫຼມເປັນຕິ່ງເລັກນ້ອຍ, ໂຄນໃບຮູບສ້ວຍມຸມເຫວີ, ຂອບໃບລຽບ, ແຜ່ນໃບຄ້າຍແຜ່ນໜັງ, ກ້ຽງ ບໍ່ມີຂົນ. ກ່າງກາງ ດູນຂຶ້ນ ຢູ່ດ້ານເທິງ, ກ່າງໃຫຍ່ເປັນເສັ້ນດ່ຽວ, ກ່າງຂັ້ນສອງສະຫຼຽງໃຫ້ກ່າງກາງ, ຂະ ໜານກັນຫ່າງໆ, ກ່າງຂັ້ນສາມເປັນແບບດາງແຫ ລະອຽດ. ມີຫູໃບ, ເປັນຮູບສາມ ລ່ຽມ, ຕົກຫົ່ຼນໄວ ແລະ ປະຮອຍແປ້ວນ້ອຍໆ ຂອງຈຸດຈັບຂອງໃບໄວ້, ກ້ານໃບ ຍາວມີຂົນຍາວ ພ້ອມທັງມີຂົນຮູບດາວສີອອກແດງ. |
| ຊໍ່ດອກ / ດອກ : | ດອກ ຈັດເປັນຊໍ່ ແຕກແໜງ ອອກຢູ່ປາຍ ຫືຼ ຢູ່ຂ້າງກິ່ງງ່າ, ດອກ ມີຂົນຫຼາຍ, ດອກອອກສີຂາວອົມສີຄີມ , ກີບດອກບິດເຂົ້າກັນ, ມີກິ່ນ ຫອມແຮງ, ກ້ານຊໍ່ດອກ ແລະ ກ້ານດອກຍ່ອຍມີຂົນອ່ອນນຸ່ມຍາວ ແລະ ຂົນຮູບດາວສີອອກແດງ. |
| ໝາກ : | ແມ່ນໝາກແຫ້ງເປືອກແຂງໄຂບໍ່ໄດ້, ເສັ້ນຜ່າກາງ 0.8 ຊມ, ໝາກຮູບກົມຫຼື ຮູບຈວຍ, ສີຂຽວແກມສີອອກແດງ, ມີ ປີກໝາກໃຫ່ຍສອງປີກ ຊຶ່ງສ້ວຍປາຍ ຫາ ມີປາຍມົນ ແລະ ມີປີກນ້ອຍສາມປີກ ສັ້ນກວ່າ ສີ່ເທ່ືອ. |
| ແກ່ນ : | ມີແກ່ນຈຳນວນ 1 ແກ່ນ |