ಸಸ್ಯದ ವೈಜ್ಞಾನಿಕ ವಿವರ ಜೀವಪರಿಸ್ಥಿತಿ ವ್ಯಾಪನೆ ಗ್ರಂಥ ಸೂಚಿ
| ಪ್ರಕೃತಿ : | 20 ಮೀ.ಎತ್ತರದವರೆಗೆ ಬೆಳೆಯುವ ಮರಗಳು. |
| ಕಾಂಡ ಮತ್ತು ತೊಗಟೆ : | ತೊಗಟೆ ಆಳ ಹೊಂದಿರದ ಸೀಳಿಕಾ ವಿನ್ಯಾಸ ಹೊಂದಿದ್ದು ಕಂದು ಬಣ್ಣದಲ್ಲಿರುತ್ತದೆ;ಕಚ್ಚು ಮಾಡಿದ ಜಾಗ ಕಂದು. |
| ಕವಲುಗಳು ಮತ್ತು ಕಿರುಕೊಂಬೆಗಳು : | ಎಳೆಯ ಕಿರುಕೊಂಬೆಗಳು ದುಂಡಾಗಿದ್ದು ಕೆಂಪುಮಿಶ್ರಿತ ಬಣ್ಣದ,ದಟ್ಟವಾದ ಕೋಚ ಕೋಚವಾಗಿ ಸೀಳಿದ ಶಲ್ಕೆಗಳು ಮತ್ತು ನಕ್ಷತ್ರ ರೂಪದ ರೋಮಗಳಿಂದ ಕೂಡಿದ ರೋಮಾವರಣವನ್ನು ಹೊಂದಿರುತ್ತವೆ. |
| ಎಲೆಗಳು : | ಎಲೆಗಳು ಸಂಯುಕ್ತ ಮಾದರಿಯವು, ಸಾಮಾನ್ಯವಾಗಿ ಅಸಮಸಂಖ್ಯಾ ಗರಿ ರೂಪಿಗಳಾಗಿದ್ದು ಅಂದಾಜು 60 ಸೆಂ.ಮೀ.ಉದ್ದ ಹೊಂದಿದ್ದು ಪರ್ಯಾಯ ಮತ್ತು ಸುತ್ತು ಜೋಡನಾ ವ್ಯವಸ್ಥೆಯಲ್ಲಿದ್ದು ಉಬ್ಬಿದ ಎಲೆ ಬುಡವನ್ನು ಹೊಂದಿರುತ್ತವೆ;ಸಂಯುಕ್ತ ಪರ್ಣದ ನಡು ದಿಂಡು ಮತ್ತು ಕಿರುತೊಟ್ಟು(0.2 ಸೆಂ.ಮೀ. ಉದ್ದ)ಗಳು ಕೋಚ ಕೋಚವಾಗಿ ಸೀಳಿದ ಶಲ್ಕೆಗಳು ಮತ್ತು ನಕ್ಷತ್ರ ರೂಪದ ರೋಮಗಳ ಸಮೇತವಿರುತ್ತದೆ;ಕಿರುಪತ್ರಗಳು 5 ರಿಂದ 15ಇದ್ದು ಅಭಿಮುಖಿ ಅಥವಾ ಉಪ-ಅಭಿಮುಖಿಗಳಾಗಿರುತ್ತವೆ , ಗಾತ್ರ 7-15 X 2.5-5 ಸೆಂ.ಮೀ., ಆಕಾರದಲ್ಲಿ ಸಂಕುಚಿತ ಅಂಡಾಕೃತಿ ಅಥವಾ ಧೀರ್ಘ ಚತುರಸ್ರ-ಈಟಿಯ ಆಕಾರ ಹೊಂದಿದ್ದು, ಕ್ರಮೇಣವಾಗಿ ಚೂಪಾಗುವ ತುದಿ,ಉಪ-ಹೃದಯಾಕಾರದ ,ದುಂಡಾದ ಅಥವಾ ಬೆಣೆಯಾಕಾರದ ಬುಡ,ನಯವಾದ ಅಥವಾ ಅವ್ಯವಸ್ಥಿತವಾಗಿ ದಂತಿತವಾಗಿರುವ ಅಂಚು ಹೊಂದಿರುತ್ತವೆ, ಪತ್ರಗಳು ಬಲಿತಾಗ ಬಿಟ್ಟರೆ ಮಿಕ್ಕ ವೇಳೆಯಲ್ಲಿ ರೋಮರಹಿತ,ಪತ್ರದ ತಳಭಾಗ ದಟ್ಟವಾಗಿ ನಕ್ಷತ್ರ ರೂಪದ ರೋಮಗಳಿಂದ ಕೂಡಿರುತ್ತದೆ;ಮಧ್ಯನಾಳ ಕಾಲುವೆಗೆರೆ ಸಮೇತವಿರುತ್ತವೆ;ಎರಡನೇ ದರ್ಜೆಯ ನಾಳಗಳು 10 ರಿಂದ 14 ಜೋಡಿಗಳಿದ್ದು ಪ್ರಮುಖವಾಗಿರುತ್ತವೆ;ಮೂರನೇ ದರ್ಜೆಯ ನಾಳಗಳು ಓರೆಯಾಗಿ ಎಲೆದಿಂಡಿಗೆ ಅಡ್ಡವಾಗಿ ಕೂಡುವಂತಹವು. |
| ಪುಷ್ಪಮಂಜರಿ / ಹೂಗಳು : | ಪುಷ್ಪಮಂಜರಿ ಪುನರಾವೃತ್ತಿ ಯಾಗಿ ಕವಲೊಡೆಯುವ ಮಾದರಿಯಲ್ಲಿದ್ದು 18 ಸೆಂ.ಮೀ. ವರೆಗಿನ ಉದ್ದವಿರುತ್ತದೆ;ಹೂಗಳು ಗೋಳಾಕಾರ ಹಾಗೂ ಬಹು ಸಣ್ಣದಾಗಿದ್ದು ಸುವಾಸನೆಯನ್ನು ಹೊಂದಿರುತ್ತವೆ;ತೊಟ್ಟುಗಳು ತೆಳುವಾಗಿದ್ದು ಕೆಂಪುಮಿಶ್ರಿತ-ಕಂದು ಬಣ್ಣದ ಕೋಚ ಕೋಚವಾಗಿ ಸೀಳಿದ ಶಲ್ಕೆಗಳು ಮತ್ತು ನಕ್ಷತ್ರ ರೂಪದ ರೋಮಗಳಿಂದ ದಟ್ಟವಾಗಿ ಆವೃತಗೊಂಡಿರುತ್ತವೆ. |
| ಕಾಯಿ / ಬೀಜ : | ಬೆರ್ರಿ ಉಪಗೋಳಾಕಾರವಾಗಿದ್ದು 2.5 ಸೆಂಮೀ.ವರೆಗಿನ ಉದ್ದವಿರುತ್ತದೆ ಮತ್ತು ಕೆಂಪುಮಿಶ್ರಿತ-ಕಂದು ಬಣ್ಣದ ಕೋಚ ಕೋಚವಾಗಿ ಸೀಳಿದ ಶಲ್ಕೆಗಳು ಮತ್ತು ನಕ್ಷತ್ರ ರೂಪದ ರೋಮಗಳಿಂದ ದಟ್ಟವಾಗಿ ಆವೃತಗೊಂಡಿರುತ್ತದೆ;ಬೀಜ ಒಂದಿದ್ದು ಪತ್ರೆ ಸಮೇತವಾಗಿರುತ್ತದೆ. |