English   Kannada   Tamil   
ಸಸ್ಯದ ವೈಜ್ಞಾನಿಕ ವಿವರ ಜೀವಪರಿಸ್ಥಿತಿ ವ್ಯಾಪನೆ ಗ್ರಂಥ ಸೂಚಿ
ಪ್ರಕೃತಿ : | 30 ಮೀ. ಎತ್ತರದವರೆಗಿನ ಆನಿಕೆಯುಳ್ಳ ಮರಗಳು. |
ಕಾಂಡ ಮತ್ತು ತೊಗಟೆ : | ತೊಗಟೆ ಕಂದು ಬಣ್ಣದಲ್ಲಿದ್ದು ,ಆಯತಾಕಾರದ ರೀತಿಯಲ್ಲಿ ಪದರ ಕಳಚುವ ಚಕ್ಕೆ ರೂಪದಲ್ಲಿರುತ್ತವೆ;ಕಚ್ಚು ಮಾಡಿದ ಜಾಗ ಕೆಂಪು ಛಾಯೆಯಲ್ಲಿರುತ್ತದೆ. |
ಕವಲುಗಳು ಮತ್ತು ಕಿರುಕೊಂಬೆಗಳು : | ಕಿರುಕೊಂಬೆಗಳು ಉಪದುಂಡಾಗಿದ್ದು, ಎಳೆಯದಾಗಿದ್ದಾಗ ಸೂಕ್ಷ್ಮವಾದ ಅಪ್ಪು ಮೃದುತುಪ್ಪಳದಿಂದ ಕೂಡಿರುತ್ತವೆ ನಂತರ ರೋಮರಹಿತವಾಗಿರುತ್ತವೆ. |
ಎಲೆಗಳು : | ಎಲೆಗಳು ಸರಳವಾಗಿದ್ದು ಪರ್ಯಾಯ ಕಾಂಡದ ಎರಡೂ ಕಡೆ ಎದುರು ಬದರಿನ ಲಂಬ ಸಾಲಿನಲ್ಲಿರುತ್ತವೆ; ತೊಟ್ಟುಗಳು 0.6-1.2 ಸೆಂ.ಮೀ. ಉದ್ದವಿದ್ದು, ಮೇಲ್ಭಾಗದಲ್ಲಿ ಕಾಲುವೆಗೆರೆ ಸಮೇತವಿರುತ್ತವೆ,ರೋಮರಹಿತವಾಗಿರುತ್ತವೆ;ಪತ್ರಗಳು 10 – 17.5 X3-7 ಸೆಂ.ಮೀ. ಗಾತ್ರ, ಅಂಡ - ಚತುರಸ್ರ ಅಥವಾ ಅಂಡವೃತ್ತ-ಭರ್ಜಿಯ ಆಕಾರ ಹೊಂದಿದ್ದು,ಶೃಂಗಾಗ್ರ ಮಾದರಿಯಿಂದ ಬಾಲರೂಪಿ - ಕ್ರಮೇಣ ಚೂಪಾಗುವ ತುದಿ, ದುಂಡಾಗಿರುವುದರಿಂದ ಸ್ವಲ್ಪಮಟ್ಟಿಗೆ ಒಳಬಾಗಿದ ರೀತಿಯವರೆಗಿನ ಬುಡ,ನಯವಾದ ಅಂಚು(ಸಸಿಗಳಲ್ಲಿ ಅಗ್ರದ ಬಳಿ ಹೋದಂತೆ ಗರಗಸ ದಂತಿತವಾಗುತ್ತವೆ),ತೊಗಲನ್ನೋಲುವ ಮೇಲ್ಮೈ ಹೊಂದಿದ್ದು,ಪತ್ರಗಳ ಮೇಲ್ಭಾಗ ಕಡುಹಸಿರು ಮತ್ತು ಹೊಳಪನ್ನು ಹೊಂದಿರುತ್ತವೆ;ಮಧ್ಯನಾಳ ಪತ್ರದ ಮೇಲ್ಭಾಗದಲ್ಲಿ ಸ್ವಲ್ಪಮಟ್ಟಿಗೆ ಕಾಲುವೆಗೆರೆ ಸಮೇತವಿರುತ್ತದೆ;ಎರಡನೇ ದರ್ಜೆಯ ನಾಳಗಳು 8 - 14 ಜೋಡಿಗಳಿರುತ್ತವೆ,ಆರೋಹಣ ಮಾದರಿಯಲ್ಲಿ ಬಾಗಿರುತ್ತವೆ; ಮೂರನೇ ದರ್ಜೆಯ ನಾಳಗಳು ವಿಶಾಲ ಜಾಲಬಂಧ ನಾಳ ವಿನ್ಯಾಸದವುಗಳಾಗಿದ್ದು ಎಲೆಯ ದಿಂಡಿಗೆ ಅಡ್ಡವಾಗಿ ಕೂಡುವ ಮಾದರಿಯಲ್ಲಿರುತ್ತವೆ. |
ಪುಷ್ಪಮಂಜರಿ / ಹೂಗಳು : | ಹೂಗಳು ಏಕಲಿಂಗಿಗಳಾಗಿದ್ದು ಉಪತೊಟ್ಟುಗಳ ಸಮೇತವಿರುತ್ತವೆ;ಗಂಡು ಹೂಗಳು ಅಕ್ಷಾಕಂಕುಳಿನಲ್ಲಿನ ಮಧ್ಯಾರಂಭಿ ಮಂಜರಿಯಲ್ಲಿರುತ್ತವೆ ;ಹೆಣ್ಣು ಹೂಗಳು ಒಂಟಿಯಾಗಿರುತ್ತವೆ. |
ಕಾಯಿ / ಬೀಜ : | ಡ್ರೂಪ್ಗಳು ಅಂಡಾಕಾರದಲ್ಲಿ ಇರುತ್ತವೆ, ಕೊಕ್ಕಿನ ಸಮೇತವಿದ್ದು ರೋಮರಹಿತ ವಾಗಿರುತ್ತವೆ ; ಬೀಜಗಳ ಸಂಖ್ಯೆ 1. |