English   Kannada   Tamil   
ಸಸ್ಯದ ವೈಜ್ಞಾನಿಕ ವಿವರ ಜೀವಪರಿಸ್ಥಿತಿ ವ್ಯಾಪನೆ ಗ್ರಂಥ ಸೂಚಿ
ಪ್ರಕೃತಿ : | 25 ಮೀ. ಎತ್ತರದವರೆಗಿನ ಮರಗಳು. |
ಕಾಂಡ ಮತ್ತು ತೊಗಟೆ : | ಕವಲುಗಳು ಸಾಮಾನ್ಯವಾಗಿ ಕಾಂಡದ ಲಂಬ ರೇಖೆಗೆ ಸಮಕೋನದಲ್ಲಿರುತ್ತವೆ;ಕೆಲವು ವೇಳೆ ಕಾಂಡದ ಮೇಲೆ ಮಾಂಸಲವಾದ ಅಪಸ್ಥಾನಿಕ ಬೇರುಗಳಿರುತ್ತವೆ;ತೊಗಟೆ ಎಳೆಯದಾಗಿದ್ದಾಗ ಬೂದು ಬಣ್ಣದಲ್ಲಿದ್ದು ನಂತರ ದೊಡ್ಡ ಗಾತ್ರದ ಮತ್ತು ವಾಯುವಿನಿಮಯ ಬೆಂಡು ರೂಪದ ರಂಧ್ರಗಳ ಸಮೇತವಿರುತ್ತದೆ;ಕಚ್ಚು ಮಾಡಿದ ಜಾಗ ಕಂದು ಬಣ್ಣದ ಛಾಯೆಯಲ್ಲಿರುತ್ತದೆ. |
ಕವಲುಗಳು ಮತ್ತು ಕಿರುಕೊಂಬೆಗಳು : | ಅಂತಿಮ ಕಿರುಕೊಂಬೆಗಳು ಕೊಂಚ ಮಟ್ಟಿಗೆ ಕೋನಯುಕ್ತವಾಗಿರುತ್ತವೆ, ರೋಮರಹಿತವಾಗಿರುತ್ತವೆ , ಬೆಂಡುಯುಕ್ತ ವಾಯುವಿನಿಮಯ ರಂಧ್ರಗಳ ಸಮೇತವಿರುತ್ತವೆ |
ಎಲೆಗಳು : | ಎಲೆಗಳು ಸರಳವಾಗಿದ್ದು ಕತ್ತರಿಯಾಕಾರದ ಅಭಿಮುಖ ಜೋಡನಾ ವ್ಯವಸ್ಥೆಯಲ್ಲಿರುತ್ತವೆ; ಕಾವಿನೆಲೆಗಳು ತೊಟ್ಟುಗಳ ನಡುವೆ ಇರುತ್ತವೆ,ಉದುರಿದ ನಂತರ ಗುರುತುಗಳನ್ನು ಉಳಿಸುತ್ತವೆ; ತೊಟ್ಟು 0.3-0.5 ಸೆಂ.ಮೀ.ವರೆಗಿನ ಉದ್ದವಿದ್ದು,ಅಡ್ಡ ಸೀಳಿದಾಗ ಸಪಾಟ ಪೀನ ಮಧ್ಯದ ಆಕಾರವನ್ನು ಹೊಂದಿದ್ದು ರೋಮರಹಿತವಾಗಿರುತ್ತವೆ; ಪತ್ರಗಳು7 -10(12.6) X 4–6.5 ಸೆಂ.ಮೀ. ಗಾತ್ರ, ವಿಶಾಲ ಬುಗುರಿ ಅಥವಾ ವಿಶಾಲ ಅಂಡವೃತ್ತದ ಆಕಾರ ಹೊಂದಿದ್ದು, ಚೂಪಾದ ಅಥವಾ ಚೂಪಲ್ಲದ ಮಾದರಿಯ ತುದಿ, ಬೆಣೆಯಾಕಾರದ ಬುಡ, ನಯವಾದ ಮತ್ತು ಹಿಂಚಾಚಿದ ಅಂಚು,ತೊಗಲನ್ನೋಲುವ ಮೇಲ್ಮೈ ಹೊಂದಿದ್ದು ತಳಭಾಗದಲ್ಲಿ ರೋಮರಹಿತವಾಗಿರುತ್ತವೆ, ಒಣಗಿದಾಗ ಕಂದು ಬಣ್ಣದಲ್ಲಿರುತ್ತವೆ; ಮಧ್ಯನಾಳ ಪತ್ರದ ಮೇಲ್ಭಾಗದಲ್ಲಿ ಕಾಲುವೆಗೆರೆ ಸಮೇತವಿರುತ್ತದೆ; ಎರಡನೇ ದರ್ಜೆಯ ನಾಳಗಳು 6 ರಿಂದ 10 ಜೋಡಿಗಳಿರುತ್ತವೆ;ಮೂರನೇ ದರ್ಜೆಯ ನಾಳಗಳು ಅಸ್ಪಷ್ಟ. |
ಪುಷ್ಪಮಂಜರಿ / ಹೂಗಳು : | ಪುಷ್ಪಮಂಜರಿಗಳು ಮಧ್ಯಾರಂಭಿ ಮಾದರಿಯಲ್ಲಿರುತ್ತವೆ;ಹೂಗಳು ತೊಟ್ಟುರಹಿತವಾಗಿದ್ದು,ಕೆನೆ ಬಣ್ಣದಲ್ಲಿರುತ್ತವೆ. |
ಕಾಯಿ / ಬೀಜ : | ಬೆರ್ರಿ ಗಳು ಕೆಂಪು ಬಣ್ಣ ಹೊಂದಿದ್ದು ಗೋಳಾಕಾರದಲ್ಲಿತ್ತವೆ;ಬೀಜ ಒಂದಿದ್ದು ಮೂತ್ರ ಪಿಂಡದ ಆಕಾರದಲ್ಲಿರುತ್ತದೆ. |