English   Kannada   Tamil   
ಸಸ್ಯದ ವೈಜ್ಞಾನಿಕ ವಿವರ ಜೀವಪರಿಸ್ಥಿತಿ ವ್ಯಾಪನೆ ಗ್ರಂಥ ಸೂಚಿ
ಪ್ರಕೃತಿ : | 10 ಮೀ. ಎತ್ತರದವರೆಗಿನ ಮರಗಳು. |
ಕಾಂಡ ಮತ್ತು ತೊಗಟೆ : | ತೊಗಟೆ ಹಳದಿ ಮಿಶ್ರಿತ ಕಂದುಬಣ್ಣ ಹೊಂದಿದ್ದು ಸೂಕ್ಷ್ಮ ವಾಯು ವಿನಿಮಯ ಬೆಂಡು ರಂಧ್ರಗಳ ಸಮೇತವಿರುತ್ತದೆ. |
ಕವಲುಗಳು ಮತ್ತು ಕಿರುಕೊಂಬೆಗಳು : | ಕಿರುಕೊಂಬೆಗಳು ದುಂಡಾಗಿದ್ದು ರೋಮರಹಿತವಾಗಿರುತ್ತವೆ. |
ಎಲೆಗಳು : | ಎಲೆಗಳು ಸರಳವಾಗಿದ್ದುಪರ್ಯಾಯ ಮತ್ತು ಸುತ್ತು ಜೋಡನಾ ವ್ಯವಸ್ಥೆಯಲ್ಲಿರುತ್ತವೆ ; ಕಾವಿನೆಲೆಗಳು ಅಸ್ಥಿರವಾಗಿರುತ್ತವೆ;ತೊಟ್ಟುಗಳು 0.7 ರಿಂದ 1 ಸೆಂ.ಮೀ. ಉದ್ದವಿದ್ದು ಅಡ್ಡ ಸೀಳಿದಾಗ ಸಪಾಟ ಪೀನ ಮಧ್ಯದ ಆಕಾರದಲ್ಲಿರುತ್ತವೆ ಮತ್ತು ರೋಮರಹಿತವಾಗಿದ್ದು ಎಳೆಯದಾಗಿದ್ದಾಗ ಕೆಂಪಾಗಿರುತ್ತದೆ; ಪತ್ರಗಳು 4.5 – 11.5 X 2 – 7.5 ಸೆಂ.ಮೀ. ಗಾತ್ರವಿದ್ದು ಸಾಮಾನ್ಯವಾಗಿ ಬುಗುರಿ ಆಕಾರ ಕೆಲವು ವೇಳೆ ಬುಗುರಿ – ಈಟಿಯ ಅಥವಾ ವಿಶಾಲ ಅಂಡವೃತ್ತದಿಂದ ಉಪ-ವೃತ್ತದ ಆಕಾರ ಹೊಂದಿದ್ದು ಚೂಪಲ್ಲದುದರಿಂದ ದುಂಡಾದ ಅಥವಾ ಅಪರೂಪವಾಗಿ ಅಗ್ರದಲ್ಲಿ ಆಳವಿಲ್ಲದ ಕಚ್ಚುಳ್ಳ ಅಥವಾ ಅಗ್ರದಲ್ಲಿ ಆಳವಾದ ಕಚ್ಚುಳ್ಳ ತುದಿ,ಬೆಣೆಯಾಕಾರದ ಅಥವಾ ಒಳಬಾಗಿದ ತಳವುಳ್ಳ ಬುಡ , ಅಂಚು ನಯವಾಗಿದ್ದು ಹಿಂಸುರುಳಿಗೊಂಡಿರುತ್ತದೆ,ಮೇಲ್ಮೈ ಚರ್ಮ ಅಥವಾ ಉಪ-ಚರ್ಮವನ್ನೋಲುವ ರೀತಿ ಇದ್ದು ಮೇಲ್ಭಾಗ ಹೊಳಪಿನ ಸಮೇತವಿರುತ್ತದೆ, ರೋಮರಹಿತವಾಗಿರುತ್ತದೆ ಮತ್ತು ಪ್ರಕಾಶ ಭೇಧ್ಯ ರಸಗ್ರಂಥಿಗಳನ್ನು ಹೊಂದಿರುತ್ತದೆ.ಎರಡನೇ ದರ್ಜೆಯ ನಾಳಗಳು 6 ರಿಂದ 7ಜೋಡಿಗಳಿರುತ್ತವೆ;ಮೂರನೇ ದರ್ಜೆಯ ನಾಳಗಳು ವಿಶಾಲ ಜಾಲಬಂಧ ನಾಳವಿನ್ಯಾಸದಲ್ಲಿರುವ ಮಾದರಿಯಲ್ಲಿರುತ್ತವೆ. |
ಪುಷ್ಪಮಂಜರಿ / ಹೂಗಳು : | ಪುಷ್ಪಮಂಜರಿಗಳು ಅಕ್ಷಾಕಂಕುಳಿನಲ್ಲಿರುವ ಗುಚ್ಛಗಳಲ್ಲಿರುತ್ತವೆ ಮತ್ತು 4ರಿಂದ 6 ಗುಚ್ಛಗಳು ಗುಂಪಾಗಿರುತ್ತವೆ ಹಾಗೂ ಹಸಿರು ಬಣ್ಣದಲ್ಲಿದ್ದು ಅಂದಾಜು 0.4 ಸೆಂ.ಮೀ. ಅಡ್ಡಗಲತೆಯನ್ನು ಹೊಂದಿರುತ್ತವೆ. |
ಕಾಯಿ / ಬೀಜ : | ಸಂಪುಟ ಫಲಗಳು ಅಂಡವೃತ್ತದ ಆಕಾರದಲ್ಲಿದ್ದು ಮಾಂಸಲವಾಗಿರುತ್ತದೆ ಹಾಗೂ ಅಂದಾಜು 1.7 ಸೆಂ.ಮೀ. ಉದ್ದವಿದ್ದು ಕಳಿತಾಗ ಹಳದಿ ಬಣ್ಣದಲ್ಲಿದ್ದು 2 ಕವಾಟಗಳನ್ನು ಹೊಂದಿರುತ್ತವೆ; ಬೀಜಗಳು 6 ರಿಂದ 9 ಇದ್ದು ಕೆಂಪು ಮಿಶ್ರಿತ ಕಿತ್ತಳೆ ಬಣ್ಣದ ಪತ್ರೆ ಸಮೇತವಾಗಿರುತ್ತವೆ. |