English   Kannada   Malayalam   Tamil   
ಸಸ್ಯದ ವೈಜ್ಞಾನಿಕ ವಿವರ ಜೀವಪರಿಸ್ಥಿತಿ ವ್ಯಾಪನೆ ಸ್ಥಿತಿ ಗ್ರಂಥ ಸೂಚಿ
ಪ್ರಕೃತಿ : | 8 ಮೀ.ವರೆವಿಗೆ ಬೆಳೆಯುವ ಮರಗಳು. |
ಕಾಂಡ ಮತ್ತು ತೊಗಟೆ : | ತೊಗಟೆ ನಯವಾಗಿದ್ದು ಕಂದು ಬಣ್ಣ ಹೊಂದಿರುತ್ತದೆ ಮತ್ತು ಸುವಾಸನೆ ರಹಿತ -ವಾಗಿರುತ್ತದೆ; ಕಚ್ಚು ಮಾಡಿದ ಜಾಗ ಹಳದಿ ಬಣ್ಣದಲ್ಲಿರುತ್ತದೆ. |
ಕವಲುಗಳು ಮತ್ತು ಕಿರುಕೊಂಬೆಗಳು : | ಕಿರುಕೊಂಬೆಗಳು ಕೋನಯುಕ್ತವಾಗಿರುತ್ತದೆ ತುಂಬಾ ದಟ್ಟವಾದ ಮೃದುತುಪ್ಪಳದಿಂದ ಕೂಡಿರುತ್ತವೆ. |
ಎಲೆಗಳು : | ಎಲೆಗಳು ಸರಳವಾಗಿದ್ದು,ಅಭಿಮುಖದಿಂದ ಉಪಅಭಿಮುಖವರೆಗಿನ ಮಾದರಿಯಲ್ಲಿ ಜೋಡನೆಗೊಂಡಿರುತ್ತವೆ;ತೊಟ್ಟುಗಳು 1–3.5 ಸೆಂ.ಮೀ.ಉದ್ದವಿದ್ದು ಮೃದುತುಪ್ಪಳದಿಂದ ಕೂಡಿರುತ್ತವೆ;ಪತ್ರಗಳು 6 - 11 x 2.5 - 5.5 ಸೆಂ.ಮೀ.ಗಾತ್ರ ಹೊಂದಿದ್ದು ಅಂಡವೃತ್ತ –ಅಂಡದ ಆಕಾರದಲ್ಲಿರುತ್ತವೆ. ಪತ್ರದ ತುದಿ ಥಟ್ಟನೆ , ಕಿರಿದಾಗಿ ಕ್ರಮೇಣ ಚೂಪಾಗುವ ಮಾದರಿಯಲ್ಲಿದ್ದು ವಿಶಾಲವಾದ ಅಗ್ರದ ಸಮೇತವಿರುತ್ತದೆ;ಬುಡ ಚೂಪಾದುದರಿಂದ ದುಂಡಾದ ರೀತಿಯಲ್ಲಿರುತ್ತದೆ;ಎಳೆಯದಾದ ಪತ್ರಗಳು ದಟ್ಟವಾದ ನಸುಗೆಂಪಿನಿಂದ ಕೂಡಿದ ಹಳದಿ ಬಣ್ಣದ ದಟ್ಟ ಮೃದು ತುಪ್ಪಳದಿಂದ ಆವೃತವಾಗಿರುತ್ತವೆ ನಂತರ ರೋಮರಹಿತವಾಗಿರುತ್ತವೆ; ಪತ್ರಗಳ ಮೇಲ್ಮೈ ತೊಗಲನ್ನೊಲುವ ಮಾದರಿಯಲ್ಲಿದ್ದು ಪತ್ರದ ತಳಭಾಗ ಮಸುಕಾಗಿರುತ್ತದೆ; ಪತ್ರಗಳು 3 ಆಧಾರ ಅಥವಾ ಅಗ್ರ-ಆಧಾರ ನಾಳಗಳನ್ನು ಹೊಂದಿದ್ದು ಪಾರ್ಶ್ವ ನಾಳಗಳು ಬಹುಮಟ್ಟಿಗೆ ಎಲೆಯ ಅಗ್ರವನ್ನು ತಲುಪುವಂತಿರುತ್ತವೆ;ಮೂರನೇ ದರ್ಜೆಯ ನಾಳಗಳು ಲಂಬ ರೇಖೆಗೆ ಸಮಕೋನದಲ್ಲಿರುತ್ತವೆ ಹಾಗೂ ಎಲೆದಿಂಡಿಗೆ ಅಡ್ಡವಾಗಿ ಕೂಡುವ ರೀತಿಯವು. ಉನ್ನತ ದರ್ಜೆಯ ನಾಳಗಳು ಸೂಕ್ಷ್ಮ-ಜಾಲಬಂಧ ನಾಳ ವಿನ್ಯಾಸದಲ್ಲಿರುತ್ತವೆ. |
ಪುಷ್ಪಮಂಜರಿ/ಹೂಗಳು : | ಪುಷ್ಪಮಂಜರಿ ಅಕ್ಷಾಕಂಕುಳಿನಲ್ಲಿದ್ದು ಕೆಲವು ಹೂಗಳನ್ನೊಳಗೊಂಡಿದ್ದು ಪುನರಾವೃತ್ತಿಯಾಗಿ ಕವಲೊಡೆಯುವ ಮಾದರಿಯಲ್ಲಿದ್ದು ಸೂಕ್ಷ್ಮವಾದ ಮೃದುಪ್ಪಳದಿಂದ ಕೂಡಿರುತ್ತವೆ. |
ಕಾಯಿ /ಬೀಜ : | ಬೆರ್ರಿಗಳು ಅಂಡವೃತ್ತಾಕಾರ ಹೊಂದಿರುತ್ತವೆ; ಕಾಯಿಗಳ ಪುಷ್ಪಪಾತ್ರೆಯ ಬಟ್ಟಲು ದಟ್ಟವಾದ ಉಣ್ಣೆಯಿಂದ ಆವೃತವಾಗಿರುತ್ತವೆ;ಬೀಜ 1. |