ಸಸ್ಯದ ವೈಜ್ಞಾನಿಕ ವಿವರ ಜೀವಪರಿಸ್ಥಿತಿ ವ್ಯಾಪನೆ ಗ್ರಂಥ ಸೂಚಿ
| ಪ್ರಕೃತಿ : | 20 ಮೀ. ಎತ್ತರದವರೆಗಿನ,ಬಿಳಿಲು ಬೇರುಗಳ ಸಮೇತವಿರುವ ಮಧ್ಯಮ ಗಾತ್ರದ ಮರಗಳಾದ ಈ ಸಸ್ಯ ಹಲವು ವೇಳೆ ಅಪ್ಪು ಸಸ್ಯಗಳಾಗಿ ಕಂಡುಬರುತ್ತವೆ. |
| ಕಾಂಡ ಮತ್ತು ತೊಗಟೆ : | ತೊಗಟೆ ಹಸಿರು ಮಿಶ್ರಿತ ಬೂದು ಬಣ್ಣದಲ್ಲಿದ್ದು ನಯವಾಗಿರುತ್ತವೆ;ಕಚ್ಚು ಮಾಡಿದ ಜಾಗ ಹಳದಿ ಬಣ್ಣದಲ್ಲಿರುತ್ತದೆ. |
| ಕವಲುಗಳು ಮತ್ತು ಕಿರುಕೊಂಬೆಗಳು : | ಕಿರುಕೊಂಬೆಗಳು ದುಂಡಾಗಿದ್ದು ಉದುರು ರೋಮಗಳಿಂದ ಅಥವಾ ಸೂಕ್ಷ್ಮ ಮೃದು ತುಪ್ಪಳದಿಂದ ಕೂಡಿರುತ್ತವೆ ಮತ್ತು ವಲಯಾಕಾರದ ಗುರುತುಗಳಿಂದ ಕೂಡಿರುತ್ತವೆ. |
| ಜಿನುಗು ದ್ರವ : | ಜಿನುಗು ದ್ರವ ಬಿಳಿ ಬಣ್ಣದಲ್ಲಿದ್ದು ವಿಫುಲವಾಗಿರುತ್ತದೆ. |
| ಎಲೆಗಳು : | ಎಲೆಗಳು ಸರಳವಾಗಿದ್ದುಪರ್ಯಾಯ ಮತ್ತು ಸುತ್ತು ಜೋಡನಾ ವ್ಯವಸ್ಥೆಯಲ್ಲಿರುತ್ತವೆ; ಕಾವಿನೆಲೆಗಳು 2.5 ಸೆಂ.ಮೀ.ವರೆಗಿನ ಉದ್ದವಿದ್ದು ಭರ್ಜಿಯ ಆಕಾರದಲ್ಲಿದ್ದು ವಲಯಾಕಾರದ ಗುರುತುಗಳನ್ನುಳಿಸಿ ಉದುರಿ ಹೋಗುತ್ತವೆ;ತೊಟ್ಟುಗಳು 1.5 -5 ಸೆಂ.ಮೀ. ಉದ್ದ ಹೊಂದಿದ್ದು ಕಾಲುವೆ ಗೆರೆ ಸಮೇತವಾಗಿರುತ್ತವೆ ಮತ್ತು ರೋಮರಹಿತವಾಗಿರುತ್ತವೆ;ಪತ್ರಗಳು 5 - 14 X 2.5 – 9 ಸೆಂ.ಮೀ. ಗಾತ್ರವಿದ್ದು ವಿಶಾಲ ಅಂಡ ಅಥವಾ ಅಂಡ - ಅಂಡವೃತ್ತದ ಆಕಾರದಲ್ಲಿದ್ದು , ಮೊಂಡಾದ ಅಥವಾ ಚೂಪಾದ ಅಗ್ರವನ್ನಳ್ಳ ಕ್ರಮೇಣ ಚೂಪಾಗುವ ತುದಿ,ಚೂಪು – ಬೆಣೆ ಅಥವಾ ದುಂಡಾದ ಬುಡವನ್ನು ಹೊಂದಿರುತ್ತವೆ, ಅಂಚು ನಯವಾಗಿರುತ್ತದೆ ,ಪತ್ರಗಳು ಮಂದವಾಗಿದ್ದು, ಮೆಲ್ಲೆಲುಬು ರೀತಿಯಲ್ಲಿದ್ದು ರೋಮರಹಿತವಾಗಿದ್ದು ತೊಗಲನ್ನೋಲುವ ಮೇಲ್ಮೈ ಹೊಂದಿರುತ್ತವೆ ಹಾಗೂ ಬುಡದಲ್ಲಿ 3 ಆಧಾರ ನಾಳಗಳ ಸಮೇತವಿರುತ್ತವೆ;ಮಧ್ಯ ನಾಳ ಮೇಲ್ಭಾಗದಲ್ಲಿ ಮೇಲೆದ್ದಿರುತ್ತದೆ; ಎರಡನೇ ದರ್ಜೆಯ ನಾಳಗಳು 8 ರಿಂದ 10 ಜೋಡಿಗಳಿದ್ದು ಸೂಕ್ಷ್ಮವಾಗಿರುತ್ತವೆ;ಮೂರನೇ ದರ್ಜೆಯ ನಾಳಗಳು ಜಾಲ ಬಂಧ ನಾಳ ವಿನ್ಯಾಸದಲ್ಲಿದ್ದು ಅಗೋಚರವಾಗಿರುತ್ತವೆ. |
| ಪುಷ್ಪಮಂಜರಿ / ಹೂಗಳು : | ಪುಷ್ಪಮಂಜರಿ ಅಕ್ಷಾಕಂಕುಳಿನಲ್ಲಿರುವ ಸೈಕೋನಿಯ ರೀತಿಯವುಗಳಾಗಿದ್ದು ಗಂಡು ಮತ್ತು ಹೆಣ್ಣು ಹೂಗಳು ಒಂದೇ ಸಸ್ಯದಲ್ಲಿರುತ್ತವೆ , ಸೈಕೋನಿಯಗಳು ಉಪ-ತೊಟ್ಟು ಹೊಂದಿದ್ದು ಅದುಮಿದ ಗೋಳಾಕಾರದಲ್ಲಿರುತ್ತವೆ;ಹೂಗಳು ಏಕ ಲಿಂಗಿಗಳಾಗಿದ್ದು ಸೈಕೋನಿಯಾದ ಒಳಪ್ರಾಕಾರದಲ್ಲಿರುತ್ತವೆ. |
| ಕಾಯಿ / ಬೀಜ : | ಸಂಯುಕ್ತ ಫಲ(ತಿರುಳುಳ್ಳ ಸಂಯುಕ್ತ ಫಲ) ಕಳೆತಾಗ ಕೆಂಪು ಅಥವಾ ಕೆನ್ನೀಲಿ ಬಣ್ಣ ಹೊಂದಿರುತ್ತದೆ; ಅಖೀನುಗಳು ನಯವಾಗಿರುತ್ತವೆ. |