ಸಸ್ಯದ ವೈಜ್ಞಾನಿಕ ವಿವರ ಜೀವಪರಿಸ್ಥಿತಿ ವ್ಯಾಪನೆ ಗ್ರಂಥ ಸೂಚಿ
| ಪ್ರಕೃತಿ : | ಅಂದಾಜು 10 ಮೀ ಎತ್ತರದ ಮರಗಳು. |
| ಕಾಂಡ ಮತ್ತು ತೊಗಟೆ : | ತೊಗಟೆ ಬೂದು ಬಣ್ಣ ಹೊಂದಿದ್ದು ಬಲಿತಾಗ ಬೆಂಡು ಮಾದರಿಯಲ್ಲಿರುತ್ತದೆ;ಕಚ್ಚು ಮಾಡಿದ ಜಾಗ ಕಂದು ಬಣ್ಣ ಹೊಂದಿರುತ್ತದೆ. |
| ಕವಲುಗಳು ಮತ್ತು ಕಿರುಕೊಂಬೆಗಳು : | ಎಳೆಯ ಕಿರುಕೊಂಬೆಗಳು ಚತುಷ್ಕೋನದಿಂದ ಉಪದುಂಡಾಗಿರುವರೆಗಿನ ಆಕಾರ ಹೊಂದಿದ್ದು ಸೂಕ್ಷ್ಮವಾದ ಮೃದುತುಪ್ಪಳದಿಂದ ಕೂಡಿರುತ್ತವೆ. |
| ಎಲೆಗಳು : | ಎಲೆಗಳು ಸಂಯುಕ್ತವಾಗಿದ್ದು,ತ್ರಿಪರ್ಣಿಕೆ ಮಾದರಿಯಲ್ಲಿದ್ದು ಅಭಿಮುಖಿಗಳಾಗಿದ್ದು ಕತ್ತರಿಯಾಕಾರದಲ್ಲಿ ಜೋಡಿವಾಗಿರುತ್ತವೆ;ಅಕ್ಷದಿಂಡು 3.5 ರಿಂದ 11 ಸೆಂ.ಮೀ ಉದ್ದವಿದ್ದು,ಎಳೆಯದಾಗಿದ್ದಾಗ ಸೂಕ್ಷ್ಮವಾದ ಮೃದುತುಪ್ಪಳದಿಂದ ಕೂಡಿರುತ್ತವೆ ಮತ್ತು ಉಬ್ಬಿದ ಬುಡ ಹೊಂದಿರುತ್ತವೆ; ಉಪತೊಟ್ಟುಗಳು 0.6 ರಿಂದ 1.1 ಸೆಂ.ಮೀವರೆಗಿನ ಉದ್ದ ಹೊಂದಿದ್ದು ಕಾಲುವೆ ಗೆರೆ ಸಮೇತವಿದ್ದು ಸ್ವಲ್ಪಮಟ್ಟಿಗೆ ಮೃದು ತುಪ್ಪಳದಿಂದ ಆವೃತವಾಗಿರುತ್ತವೆ;ಕಿರುಪತ್ರಗಳು 7-20 X 3- 8.5 ಸೆಂ.ಮೀ ಗಾತ್ರ(ಸಸಿಗಳು ಸಾಮಾನ್ಯವಾಗಿ ದೊಡ್ಡ ಗಾತ್ರ ಹೊಂದಿರುತ್ತವೆ),ಅಂಡವೃತ್ತದಿಂದ ಬುಗುರಿವರೆಗಿನ ಆಕಾರ,ಕ್ರಮೇಣ ಚೂಪಾಗುವ ತುದಿ, ಅಸಮಪಾರ್ಶ್ವತೆಯುಳ್ಳ ಅಥವಾ ಸ್ವಲ್ಪಮಟ್ಟಿಗೆ ಒಳಬಾಗಿದ ಬುಡ,ನಯವಾದ ಅಂಚು,ಕಾಗದವನ್ನೋಲುವ ಮೇಲ್ಮೈ ಹೊಂದಿದ್ದು,ಮಚ್ಚೆ ರೀತಿಯ ರಸಗ್ರಂಥಿಗಳ ಸಮೇತವಿದ್ದು ರೋಮರಹಿತವಾಗಿರುತ್ತವೆ ಮತ್ತು ಮೇಲ್ಭಾಗದಲ್ಲಿ ಹೊಳಪನ್ನು ಹೊಂದಿರುತ್ತವೆ;ಮಧ್ಯನಾಳ ಪತ್ರದ ಕಾಲುವೆ ಗೆರೆ ಸಮೇತವಿರುತ್ತದೆ;ಎರಡನೇ ದರ್ಜೆಯ ನಾಳಗಳು 7-16 ಜೋಡಿಗಳಿದ್ದು ನೇರವಾಗಿ ಅಥವಾ ಕ್ರಮೇಣವಾಗಿ ಬಾಗಿರುತ್ತವೆ;ಮೂರನೇ ದರ್ಜೆಯ ನಾಳಗಳು ಅಸ್ಪಷ್ಟವಾಗಿರುವುದರಿಂದ ವಿಶಾಲ ಜಾಲಬಂಧ ನಾಳ ವಿನ್ಯಾಸದವರೆಗಿನ ಮಾದರಿಯಲ್ಲಿರುತ್ತವೆ. |
| ಪುಷ್ಪಮಂಜರಿ / ಹೂಗಳು : | ಪುಷ್ಪಮಂಜರಿಗಳು ಹರಡುವ ಪುನರಾವೃತ್ತಿಯಾಗಿ ಕವಲೊಡೆಯುವ ಮಧ್ಯಾರಂಭಿ ಮಾದರಿಯವು;ಹೂಗಳು ಹಸಿರು ಮಿಶ್ರಿತ ಬಿಳಿ ಬಣ್ಣದವುಗಳಾಗಿದ್ದು ತೊಟ್ಟುರಹಿತವಾಗಿರುತ್ತವೆ. |
| ಕಾಯಿ / ಬೀಜ : | ಸೋತ ಫಲ 4-ಕೋಶಗಳ ಸಮೇತವಿರುತ್ತವೆ;ಮರಿಫಲಗಳಲ್ಲಿ ಒಂದು ಬೀಜವಿರುತ್ತದೆ. |