English   Kannada   Tamil   
ಸಸ್ಯದ ವೈಜ್ಞಾನಿಕ ವಿವರ ಜೀವಪರಿಸ್ಥಿತಿ ವ್ಯಾಪನೆ ಗ್ರಂಥ ಸೂಚಿ
ಪ್ರಕೃತಿ : | 28 ಮೀ. ಎತ್ತರದವರೆಗಿನ ಮರಗಳು. |
ಕಾಂಡ ಮತ್ತು ತೊಗಟೆ : | ತೊಗಟೆ ಕಂದು ಬಣ್ಣ ಹೊಂದಿದ್ದು,ದೊಡ್ಡ ಗಾತ್ರದ ಚಕ್ಕೆ ರೂಪದವು ಅಥವಾ ಪದರ ಕಳಚುವ ಮಾದರಿಯಲ್ಲಿರುತ್ತವೆ;ಕಚ್ಚು ಮಾಡಿದ ಮೇಲ್ಭಾಗ ಕೆಂಪಾಗಿದ್ದು ಒಳ ಭಾಗ ಕೆನೆ ಬಣ್ಣದಲ್ಲಿರುತ್ತದೆ. |
ಕವಲುಗಳು ಮತ್ತು ಕಿರುಕೊಂಬೆಗಳು : | ಎಳೆಯ ಕಿರುಕೊಂಬೆಗಳು ತೆಳುವಾಗಿದ್ದು, ದುಂಡಾಗಿರುತ್ತವೆ, ಕಂದು ಮಿಶ್ರಿತ ಹಳದಿಬಣ್ಣದ ಮೃದು ತುಪ್ಪಳದಿಂದ ಮತ್ತು ನಕ್ಷತ್ರ ರೂಪದ ರೋಮಗಳಿಂದ ಕೂಡಿರುತ್ತವೆ. |
ಎಲೆಗಳು : | ಎಲೆಗಳು ಸರಳವಾಗಿದ್ದು ಪರ್ಯಾಯ ಮತ್ತು ಸುತ್ತು ಜೋಡನಾ ವ್ಯವಸ್ಥೆಯಲ್ಲಿದ್ದು ಕಾಂಡದ ಎರಡೂ ಕಡೆ ಎದುರು ಬದರಿನ ಲಂಬ ಸಾಲಿನಲ್ಲಿರುತ್ತವೆ ;ಕಾವಿನೆಲೆಗಳು ಪಾರ್ಶ್ವದಲ್ಲಿದ್ದು, ಎರಡು ದಬ್ಬಳದ ಆಕಾರದ ಉಪಾಂಗಗಳ ಸಮೇತವಿರುತ್ತವೆ, ದಟ್ಟವಾದ ಮೃದು ತುಪ್ಪಳದಿಂದ ಕೂಡಿದ್ದು ಉದುರಿಹೋಗುವ ಮಾದರಿ -ಯವುಗಳಾಗಿರುತ್ತವೆ; ತೊಟ್ಟುಗಳು ಅಂದಾಜು0.1 ಸೆಂ.ಮೀ. ಉದ್ದವಿದ್ದು, ದುಂಡಾಗಿರುತ್ತವೆ, ನಕ್ಷತ್ರ ರೂಪದ ದಟ್ಟ ಮೃದು ತುಪ್ಪಳದಿಂದ ಕೂಡಿರುತ್ತವೆ; ಪತ್ರಗಳು 4.5 – 10 X 1.5 – 3 ಸೆಂ.ಮೀ. ಗಾತ್ರ,ಚತುರಸ್ರ-ಭರ್ಜಿಯ ಆಕಾರ ಹೊಂದಿದ್ದು, ಕ್ರಮೇಣ ಚೂಪಾಗುವ ತುದಿ, ಅಸಮ್ಮಿತಿಯಾದ,ಹಲವು ವೇಳೆಯಲ್ಲಿ ಪತ್ರದ ತಳಭಾಗದಲ್ಲಿ ತೊಟ್ಟು ಇರುವ ಉಪ ಮಾದರಿಯಲ್ಲಿರುತ್ತವೆ, ಅಂಚು ನಯವಾಗಿರುತ್ತದೆ, ತೊಗಲನ್ನು ಹೋಲುವ ಮೇಲ್ಮೈ ಹೊಂದಿರುತ್ತದೆ, ಕಂದು ಮಿಶ್ರಿತ ಹಳದಿಬಣ್ಣದ ಮೃದು ತುಪ್ಪಳದಿಂದ ಮತ್ತು ನಕ್ಷತ್ರ ರೂಪದ ರೋಮಗಳಿಂದ ಆವೃತವಾಗಿರುತ್ತವೆ; ಮಧ್ಯನಾಳ ಪತ್ರದ ಮೇಲ್ಭಾಗದಲ್ಲಿ ಚಪ್ಪಟೆಯಾಗಿರುತ್ತದೆ;ಬುಡದಲ್ಲಿ 3 ನಾಳಗಳ ಸಮೇತವಿರುತ್ತವೆ; ಎರಡನೇ ದರ್ಜೆಯ ನಾಳಗಳು 5 - 7 ಜೋಡಿಗಳಿದ್ದು ಆರೋಹಣ ಮಾದರಿಯ -ಲ್ಲಿರುತ್ತವೆ; ಮೂರನೇ ದರ್ಜೆಯ ನಾಳಗಳು ಜಾಲಬಂಧ ನಾಳ ವಿನ್ಯಾಸದಲ್ಲಿದ್ದು ಎಲೆಯ ದಿಂಡಿಗೆ ಅಡ್ಡವಾಗಿ ಕೂಡುವ ಮಾದರಿಯಲ್ಲಿರುತ್ತವೆ. |
ಪುಷ್ಪಮಂಜರಿ / ಹೂಗಳು : | ಹೂಗಳು ಬಿಳಿ ಬಣ್ಣದಲ್ಲಿರುತ್ತವೆ ಮತ್ತು ಒಂಟಿಯಾಗಿ ಅಕ್ಷಾಕಂಕುಳಿನಲ್ಲಿರುತ್ತವೆ; ಹೂತೊಟ್ಟುಗಳು 0.5 ಸೆಂ.ಮೀ.ಉದ್ದವಿರುತ್ತವೆ. |
ಕಾಯಿ / ಬೀಜ : | ಸಂಪುಟ ಫಲಗಳು ಕಂದು ಬಣ್ಣದವುಗಳಾಗಿದ್ದು, 5-ಕೋನಗಳ ಸಮೇತವಿದ್ದು , 5 X 1.3 ಸೆಂ.ಮೀ. ಗಾತ್ರದಲ್ಲಿದ್ದು ರೋಮರಹಿತವಾಗಿರುತ್ತವೆ; ಬೀಜಗಳು ಒಂದು ತುದಿಯಲ್ಲಿ ರೆಕ್ಕೆಯ ಸಮೇತವಿರುತ್ತವೆ. |