ಸಿಂಪ್ಲೊಕಾಸ್ ಕೊಚಿನ್ ಚೈನೆನ್ಸಿಸ್ (Lour.) S.Moore ssp. ಲಾರಿನ (Retz.) Noot. - ಸಿಂಪ್ಲೊಕೇಸಿ

ಪರ್ಯಾಯ ನಾಮ : ಸಿಂಪ್ಲೊಕಾಸ್ ಲಾರಿನ Roxb.

Vernacular names : Tamil: ಕಂಬ್ಲಿವೆಟ್ಟಿ,ಪಚೊಟ್ಟಿ,ಪರಲMalayalam: ಬೂತಗನಿ ಮರ,ಬುಡಿಗಾನೆ ಮರ,ಚಂಗ,ಲೊಡ್ಡಿ

English   Kannada   Tamil   

ಸಸ್ಯದ ವೈಜ್ಞಾನಿಕ ವಿವರ ಜೀವಪರಿಸ್ಥಿತಿ ವ್ಯಾಪನೆ ಗ್ರಂಥ ಸೂಚಿ

ಸಸ್ಯದ ವೈಜ್ಞಾನಿಕ ವಿವರ :

ಪ್ರಕೃತಿ : ಅಂದಾಜು 10 ಮೀ. ಎತ್ತರದವರೆಗಿನ ಮರಗಳು.
ಕಾಂಡ ಮತ್ತು ತೊಗಟೆ : ತೊಗಟೆ ನಯವಾಗಿದ್ದು,ಬೂದು ಬಣ್ಣದ ಛಾಯೆ ಹೊಂದಿರುತ್ತದೆ;ಕಚ್ಚು ಮಾಡಿದ ಜಾಗ ಕೆನೆ ಬಣ್ಣದಲ್ಲಿರುತ್ತದೆ.
ಕವಲುಗಳು ಮತ್ತು ಕಿರುಕೊಂಬೆಗಳು : ಕಿರುಕೊಂಬೆಗಳು ದುಂಡಾಗಿದ್ದು ರೋಮರಹಿತವಾಗಿರುತ್ತವೆ.
ಎಲೆಗಳು : ಎಲೆಗಳು ಸರಳವಾಗಿದ್ದು ಪರ್ಯಾಯ ಮತ್ತು ಸುತ್ತು ಜೋಡನಾ ವ್ಯವಸ್ಥೆಯಲ್ಲಿರುತ್ತವೆ; ತೊಟ್ಟುಗಳು 0.5 –-2 ಸೆಂ.ಮೀ. ಉದ್ದವಿದ್ದು, ಮೇಲ್ಭಾಗದಲ್ಲಿ ಕಾಲುವೆಗೆರೆ ಸಮೇತವಿದ್ದು, ರೋಮರಹಿತವಾಗಿರುತ್ತವೆ; ಪತ್ರಗಳು 4– 17(-21) X 2 – 7(-9) ಸೆಂ.ಮೀ. ಗಾತ್ರ, ಅಂಡವೃತ್ತದಿಂದ, ಅಂಡವೃತ್ತ-ಅಂಡದವರೆಗಿನ ಆಕಾರ , ಕ್ರಮೇಣ ಚೂಪಾಗುವ ಮಾದರಿಯ ತುದಿ, ಚೂಪಾದುದರಿಂದ ಬೆಣೆಯಾಕಾರದವರೆಗಿನ ಮಾದರಿಯ ಬುಡ ಹೊಂದಿದ್ದು ,ಅಂಚು ದುಂಡೇಣು-ಗರಗಸ ದಂತಿತವಾಗಿರುತ್ತದೆ ಕೆಲವು ವೇಳೆ ಹಿಂಸುರುಳಿಯಾಗಿರುತ್ತದೆ,ಪತ್ರಗಳ ಮೇಲ್ಮೈ ತೊಗಲನ್ನೋಲುವ ಮಾದರಿಯಲ್ಲಿದ್ದು ರೋಮರಹಿತವಾಗಿರುತ್ತವೆ, ಮಧ್ಯನಾಳ ಪತ್ರದ ಮೇಲ್ಭಾಗದಲ್ಲಿ ಕಾಲುವೆಗೆರೆ ಸಮೇತವಿರುತ್ತದೆ; ಎರಡನೇ ದರ್ಜೆಯ ನಾಳಗಳು 6 – 9 ಜೋಡಿಗಳಿರುತ್ತವೆ;ಮೂರನೇ ದರ್ಜೆಯ ನಾಳಗಳು ವಿಶಾಲ ಜಾಲಬಂಧ ನಾಳ ವಿನ್ಯಾಸದಲ್ಲಿರುತ್ತವೆ.
ಪುಷ್ಪಮಂಜರಿ / ಹೂಗಳು : ಪುಷ್ಪಮಂಜರಿ ಅಕ್ಷಾಕಂಕುಳಿನಲ್ಲಿನ ಸರಳ ಅಥವಾ ಕವಲೊಡೆದ ಕದಿರು ಮಂಜರಿ ಮಾದರಿಯವು.;ಹೂಗಳು ತೊಟ್ಟುರಹಿತವಾಗಿದ್ದು, ಬಿಳಿಬಣ್ಣ ಹೊಂದಿರುತ್ತವೆ;ಕೇಸರಗಳು ಹಲವಾರು.
ಕಾಯಿ / ಬೀಜ : ಡ್ರೂಪ್ಗಳು ಕಳಸದ ಆಕಾರದಲ್ಲಿದ್ದು, ಉಬ್ಬು ತಗ್ಗುಳ್ಳ ಗೆರೆಗಳನ್ನು ಸಮೇತವಿದ್ದು,0.7 ಸೆಂ.ಮೀ.ವರೆಗಿನ ಅಡ್ಡಗಲತೆಯನ್ನು ಹೊಂದಿರುತ್ತವೆ.

ಜೀವಪರಿಸ್ಥಿತಿ :

2200 ಮೀ. ಎತ್ತರದವರೆಗಿನ ಪ್ರದೇಶಗಳ ನಿತ್ಯ ಹರಿದ್ವರ್ಣ ಕಾಡುಗಳ ಅಂಚಿನಲ್ಲಿ ಈ ಪ್ರಭೇದ ಬೆಳೆಯುತ್ತದೆ.

ವ್ಯಾಪನೆ :

ಇಂಡೋಮಲೇಸಿಯ; ಪಶ್ಚಿಮ ಘಟ್ಟದ ಎಲ್ಲಾ ಪ್ರದೇಶಗಳಲ್ಲಿ ಈ ಪ್ರಭೇದ ಕಂಡುಬರುತ್ತದೆ.

ಗ್ರಂಥ ಸೂಚಿ :

Nooteb., Rev. Symplocac. 156. 1975; Gamble, Fl. Madras 2: 782. 1993 (re.ed.); Sasidharan, Biodiversity documentation for Kerala- Flowering Plants, part 6: 273. 2004.

Top of the Page