ವೈಟೆಕ್ಸ್ ಲ್ಯೂಕೋಝೈಲಾನ್ L.f. - ವೆರ್ಬೆನೇಸಿ

ಪರ್ಯಾಯ ನಾಮ : ವಾಲ್ರೋತಿಯ ಲ್ಯೂಕೋಝೈಲಾನ್ (L.f.) Roth

Vernacular names : Tamil: ಆಟ್ಟುನೊಚ್ಚಿ,ನೀರ್ನೊಚ್ಚಿMalayalam: ಸೆಂಗೆಣಿ, ಹೊಳೆನೆಕ್ಕಿ,ಹೊಳೆಲಕ್ಕಿ.

English   Kannada   Tamil   

ಸಸ್ಯದ ವೈಜ್ಞಾನಿಕ ವಿವರ ಜೀವಪರಿಸ್ಥಿತಿ ವ್ಯಾಪನೆ ಗ್ರಂಥ ಸೂಚಿ

ಸಸ್ಯದ ವೈಜ್ಞಾನಿಕ ವಿವರ :

ಪ್ರಕೃತಿ : 15 ಮೀ. ಎತ್ತರದ ಎಲೆಯುದುರುವ ಮರಗಳು.
ಕಾಂಡ ಮತ್ತು ತೊಗಟೆ : ತೊಗಟೆ ಕಂದು ಬಣ್ಣದಲ್ಲಿದ್ದು,ನಯವಾಗಿರುತ್ತದೆ;ಕಚ್ಚು ಮಾಡಿದ ಜಾಗ ಹಳದಿ ಛಾಯೆ ಹೊಂದಿರುತ್ತದೆ.
ಕವಲುಗಳು ಮತ್ತು ಕಿರುಕೊಂಬೆಗಳು : ಕಿರುಕೊಂಬೆಗಳು 4-ಕೋನಯುಕ್ತವಾಗಿದ್ದು ಮೃದುತುಪ್ಪಳದಿಂದ ಕೂಡಿದ್ದು ಸೂಕ್ಷ್ಮವಾದ ಮೃದುತುಪ್ಪಳದಿಂದ ಕೂಡಿರುತ್ತವೆ ಹಾಗೂ ವಾಯುವಿನಿಮಯ ಬೆಂಡು ರಂಧ್ರಗಳ ಸಮೇತವಿರುತ್ತವೆ.
ಎಲೆಗಳು : ಎಲೆಗಳು ಸಂಯುಕ್ತ ಮಾದರಿಯವುಗಳಾಗಿದ್ದು ಬೆರಳು - ಕವಲು ಮಾದರಿ ಅಥವಾ ಅಪರೂಪವಾಗಿ 3-ಕೂಡೆಲೆಗಳನ್ನು ಹೊಂದಿರುತ್ತವೆ;ವೃಂತಗಳು ಬುಡದಲ್ಲಿ ಉಬ್ಬಿರುತ್ತದೆ, ಅಡ್ಡ ಸೀಳಿದಾಗ ಸಪಾಟ ಪೀನ ಮಧ್ಯದ ಆಕಾರ ಹೊಂದಿರುತ್ತವೆ, ಸೂಕ್ಷ್ಮವಾದ ಮೃದುತುಪ್ಪಳದಿಂದ ಕೂಡಿರುತ್ತವೆ;ಕಿರುತೊಟ್ಟುಗಳು 0.5 ರಿಂದ 1.5 ಸೆಂ.ಮೀ.ಉದ್ದ ಹೊಂದಿರುತ್ತವೆ,ಕಾಲುವೆಗೆರೆ ಸಮೇತವಿದ್ದು ರೋಮರಹಿತವಾಗಿರುತ್ತವೆ;ಕಿರುಪತ್ರಗಳು 5(ಅಪರೂಪವಾಗಿ 3) ಇದ್ದು, 7 – 11.5 X 2 – 3.5 ಸೆಂ.ಮೀ. ಗಾತ್ರ ಹೊಂದಿದ್ದು ಅಂಡವೃತ್ತದ ಆಕಾರ ಹೊಂದಿದ್ದು, ಚೂಪಾದ ಅಥವಾ ಚೂಪಲ್ಲದ ತುದಿ, ಬೆಣೆ - ಒಳಬಾಗಿದ ಬುಡ, ನಯವಾದ ಅಂಚು,ಕಾಗದವನ್ನೋಲುವ ಅಥವಾ ತೆಳು ತೊಗಲ್ಲನ್ನೋಲುವ ಮೇಲ್ಮೈ ಹೊಂದಿದ್ದು ತಳಭಾಗದಲ್ಲಿ ಮಾಸಲು ಬೂದು ಹಸಿರು ಬಣ್ಣ ಹೊಂದಿದ್ದು ರೋಮರಹಿತವಾಗಿರುತ್ತವೆ;ಮಧ್ಯನಾಳ ಮೇಲ್ಭಾಗದಲ್ಲಿ ಕಾಲುವೆಗೆರೆ ಸಮೇತವಿರುತ್ತದೆ;ಎರಡನೇ ದರ್ಜೆಯ ನಾಳಗಳು 6 ರಿಂದ 14 ಜೋಡಿಗಳಿರುತ್ತವೆ; ಮೂರನೇ ದರ್ಜೆಯ ನಾಳಗಳು ಜಾಲಬಂಧ ನಾಳ ವಿನ್ಯಾಸದಲ್ಲಿದ್ದು ಎಲೆಯ ದಿಂಡಿಗೆ ಅಡ್ಡವಾಗಿ ಕೂಡುವ ಮಾದರಿಯಲ್ಲಿದ್ದು ಪ್ರಮುಖವಾಗಿರುವುದಿಲ್ಲ.
ಪುಷ್ಪಮಂಜರಿ / ಹೂಗಳು : ಪುಷ್ಪಮಂಜರಿ ಅಕ್ಷಾಕಂಕುಳಿನಲ್ಲಿನ ಮಧ್ಯಾರಂಭಿ ನೀಳಛತ್ರ ಮಾದರಿಯಲ್ಲಿರುತ್ತವೆ ಮತ್ತು ಸೂಕ್ಷ್ಮವಾದ ಮೃದುತುಪ್ಪಳದಿಂದ ಕೂಡಿರುತ್ತವೆ; ಹೂಗಳು ಉಭಯ ಪಾರ್ಶ್ವ ಅಸಮಾಂಗತೆಯುಳ್ಳ ಮಾದರಿಯಲ್ಲಿದ್ದು ತೊಟ್ಟುರಹಿತವಾಗಿರುತ್ತವೆ;ಪುಷ್ಪದಳಗಳು ಬಿಳಿಬಣ್ಣದಲ್ಲಿದ್ದು ಕೆನ್ನೀಲಿ ಮೃದುತುಪ್ಪಳದ ಸಮೇತವಿರುತ್ತವೆ;ಪರಾಗ ಕೋಶದ ಹಾಲೆಗಳು ಕೆನ್ನೀಲಿ ಬಣ್ಣದವು.
ಕಾಯಿ / ಬೀಜ : ಡ್ರೂಪ್ಗಳು ನಯವಾಗಿದ್ದು, ಅಂಡಾಕಾರದಲ್ಲಿದ್ದು,ಕೆನ್ನೀಲಿ ಮಿಶ್ರಿತ ಕಪ್ಪು ಬಣ್ಣ ಹೊಂದಿರುತ್ತವೆ;ಬೀಜಗಳ ಸಂಖ್ಯೆ 4.

ಜೀವಪರಿಸ್ಥಿತಿ :

900 ಮೀ. ಎತ್ತರದ ಪ್ರದೇಶಗಳಲ್ಲಿನ ಹೊಳೆಗಳ ಬದಿಯಲ್ಲಿ ಈ ಸಸ್ಯ ಬೆಳೆಯುತ್ತದೆ.

ವ್ಯಾಪನೆ :

ಭಾರತದ ಪರ್ಯಾಯ ದ್ವೀಪ ಮತ್ತು ಶ್ರೀಲಂಕಾ; ಪಶ್ಚಿಮ ಘಟ್ಟದ ಎಲ್ಲಾ ಪ್ರದೇಶಗಳಲ್ಲಿ ಈ ಪ್ರಭೇದ ಕಂಡುಬರುತ್ತದೆ.

ಗ್ರಂಥ ಸೂಚಿ :

Suppl. Pl. 294. 1781; Gamble, Fl. Madras 2: 1092. 1993 (re.ed.); Sasidharan, Biodiversity documentation for Kerala- Flowering Plants, part 6: 363. 2004.

Top of the Page