English Lao
ລັກສະນະພືດສາດ ແຫຼ່ງທີ່ຢູ່ອາໄສ ແລະ ນິເວດ ເຂດແຜ່ກະຈາຍພັນ
| ລັກສະນະເດັ່ນໆ ສຳລັບຊ່ວຍໃນການຈຳແນກຊະນິດໄດ້ : | ໃບຮູບາຍຫອກ, ບໍ່ເປັນແຂ້ວເລ່ືອຍ ຫຼື ເປັນແຂ້ວເລ່ືອຍເລັກນ້ອຍ ຢູ່ປາຍໆໃບເທົ່ານັ້ນ, ເມື່ອແກ່ດ້ານເທິງຂອງໃບເຫຼື້ອມເປັນເງົາ ແລະ ອອກສີເງິນເລັກນ້ອຍ. ກິ່ງງ່າມີຮອຍແຕກຊ່ອງອາກາດ ເຫັນຊັດ. ໝາກຮູບໄຂ່ບ້ຽວ ມີ ໜາມ ສັ້ນ ແລະ ບໍ່ສະໝຳສະເໝີ 4 ຫາ 5 ແຖວ. |
| ປະເພດພືດ : | ໄມ້ຢືນຕົ້ນຂຽວຕະຫຼອດປີ ສູງເຖິງ 40 ແມັດ, ເສັ້ນຜ່າກາງຕົ້ນ 60 - 250 ຊມ. ງ່າຕັ້ງຊັນຂຶ້ນທຽບໃສ່ລຳຕົ້ນ. |
| ລຳຕົ້ນ ແລະ ເປືອກ : | ລຳຕົ້ນຕັ້ງຊື່. ເປືອກມີຮອຍແຕກເລິກ, ມີເກັດ, ຕູດ ແລະ ມີຮອຍແຕກຊ່ອງອາກາດ ຖີ່ໆ, ເປືອກອອກສີນ້ຳຕານອົມສີອອກຂີ້ເຖົ່າ ຫຼື ສີນ້ຳຕານເຂັ້ມ, ເປືອກໃນມີສີອອກແດງ. ເນື້ອໄມ້ເປັນສີຂາວ. |
| ງ່າ ແລະ ກິ່ງນ້ອຍ : | ກິ່ງງ່າເປັນຮູບທໍ່ກົມ, ກ້ຽງ, ສີນ້ຳຕານອົມແດງອົມສີອອກແດງ, ມີຮອຍແຕກຊ່ອງອາກາດ. |
| ທາດແຫຼວທີ່ລະບາຍອອກ : | ບໍ່ມີທາດແຫຼວລະບາຍອອກ. |
| ໃບ : | ໃບດ່ຽວຈັບສະລັບ ແລະ ກ້ຽວວຽນ, ຂະໜາດ 5-15 x 25-6 ຊມ, ຮູບໃບຫອກ ປາຍຍາວ, ໂຄນໃບສ້ວຍແຫຼມຫາຮຽວແຫຼມ, ຂອບໃບເປັນແຂ້ວເລືອ່ຍເລັກນ້ອຍ ຢູ່ປາຍໆເທົ່ານັ້ນ, ແຜ່ນໃບຫຍາບຄືແຜ່ນໜັງ, ເມື່ອແຫ້ງອອກສີເຫຼືອງອ່ອນ, ດ້ານເທິງໃບເຫື້ອມເປັນເງົາ ແລະ ດ້ານລຸ່ມເປັນສີຂຽວແກມນ້ຳເງິນ ແລະ ອອກສີເງິນເລັກນ້ອຍ ພ້ອມທັງເປັນເກັດໆ, ໃບອ່ອນມີຂົນອ່ອນຍາວດົກໜາ, ມີສີອອກນ້ຳຕານ. ກ່າງກາງຢູ່ດ້ານເທິງເປັນຮ່ອງຕາມລວງຍາວ, ກ່າງຂັ້ນໜຶ່ງເປັນກ່າງດ່ຽວ, ກ່າງຂັ້ນສອງສະຫຼຽງໃຫ້ກ່າງກາງ, ຂະໜານກັນຫ່າງ, ກ່າງຂັ້ນສາມສະຫຼຽງ ຈັດເປັນແບບຂັ້ນໄດຖີ່ໆ. ຫູໃບເປັນຮູບສາມລ່ຽມ, ຂະໜາດນ້ອຍໆ. |
| ຊໍ່ດອກ / ດອກ : | ດອກອອກເປັນຊໍ່ແຕກແໜງ ຊໍ່ຍ່ອຍເປັນຊໍ່ດອກບໍ່ມີກ້ານ, ດອກມີສີອອກເຫຼືອງ, ອອກຢູ່ປາຍ ຫຼື ຂ້າງກິ່ງ. |
| ໝາກ : | ໝາກເປືອກແຂງໄຂບໍ່ໄດ້, ກົມຮູບໄຂ່, ມີໝາມ, ຂະໜາດ 1.5-2 x 1-1.53 ຊມ, ໝາກອ່ອນສີຂຽວ. |
| ແກ່ນ : | ໝາກມີແກ່ນດຽວມີຕິ່ງແຫຼມ ຢູ່ປາຍສຸດ, ກ້ຽງ ບໍ່ມີຂົນ ຫຼື ມີຂົນເລັກນ້ອຍ. |