English Lao
ລັກສະນະພືດສາດ ແຫຼ່ງທີ່ຢູ່ອາໄສ ແລະ ນິເວດ ເຂດແຜ່ກະຈາຍພັນ
| ລັກສະນະເດັ່ນໆ ສຳລັບຊ່ວຍໃນການຈຳແນກຊະນິດໄດ້ : | ໄມ້ຢືນຕົ້ນຜັດປ່ຽນໃບ, ເປືອກມີຮອຍແຕກ. ໃບດ່ຽວ ແກວກເລິກ. ຫູໃບຮູບແຂບ, ບໍ່ຕິດ ຫຼື ຕິດກັບກ້ານໃບ. ດອກມີເພດແຍກພາຍໃນ ຕົ້ນດຽວ. ໝາກຮູບກົມ, ຈັດເປັນຫົວຂອງໝາກແຫ້ງໄຂໄດ້ ແບບແຄບຊູນຫຼາຍໆໝາກ. |
| ປະເພດພືດ : | ໄມ້ຢືນຕົ້ນ ຜັດປ່ຽນໃບ ສູງເຖິງ 20 ມ. |
| ລຳຕົ້ນ ແລະ ເປືອກ : | ລຳຕົ້ນຊື່, ເປືອກສີຂີ້ເຖົ່າເຂັ້ມ, ເປືອກມີຮອຍແຕກ. |
| ງ່າ ແລະ ກິ່ງນ້ອຍ : | ກິ່ງງ່າກົມມົນ, ກ້ຽງ ບໍ່ມີຂົນ. |
| ທາດແຫຼວທີ່ລະບາຍອອກ : | ບໍ່ມີທາດແຫຼວລະບາຍອອກ. |
| ໃບ : | ໃບດ່ຽວ, ຈັບສະຫລັບ ແລະ ແບບກ້ຽວວຽນ, ແຜ່ນໃບແກວກເລິກ ເປັນ ສາມສ່ວນ. ກ່າງຂັ້ນໜຶ່ງ ມີ 3 ເສັ້ນ, ກ່າງ ຂັ້ນສອງ ສະຫຼຽງມຸມເຫວີ ໃຫ້ກ່າງກາງ, ກ່າງຂັ້ນສາມຈັດເປັນຕາໜ່າງ. ຫູໃບ ຕົກລົ່ນໄວ, ມີຮູບແຂບ, ບໍ່ຕິດ ຫຼື ຕິດກັບ ກ້ານໃບ. |
| ຊໍ່ດອກ / ດອກ : | ດອກ ມີເພດແຍກພາຍໃນຕົ້ນດຽວ, ມີຈຳນວນຫຼາຍ, ຈັດລຽງ ເປັນຊໍ່ດອກ, ອອກປາຍຍອດ, ດອກເພດແມ່ຈັດເປັນຄ້າຍຫົວດອກ ມີກ້ານຊໍ່ດອກຍາວ, ດອກເພດຜູ້ຈັດເປັນຊໍ່ກະຈ່າງ ມີກ້ານຊໍ່ດອກສັ້ນ, ກ້ານດອກ ຍາວເຖິງ 3 ມມ. |
| ໝາກ : | ແມ່ນໝາກກຸ່ມ ເປັນຫົວໝາກໝາກ, ຂະໜາດ ເສັ້ນຜ່າກາງ 3 ຊມ, ປະກອບດ້ວຍໝາກແຫ້ງໄຂໄດ້ ຫຼາຍໝາກຕິດເຂົ້າກັນ ມີໜາມ ແລະ ແຂງ. |
| ແກ່ນ : | ແກ່ນ ມີ 1 ເມັດ. |