English Lao
ລັກສະນະພືດສາດ ແຫຼ່ງທີ່ຢູ່ອາໄສ ແລະ ນິເວດ ເຂດແຜ່ກະຈາຍພັນ
| ລັກສະນະເດັ່ນໆ ສຳລັບຊ່ວຍໃນການຈຳແນກຊະນິດໄດ້ : | ໄມ້ຢືນຕົ້ນໃບຂຽວຕະຫລອດປີ, ງ່າຕາກອອກຕາມລວງນອນ. ທາດແຫຼວລະບາຍອອກເປັນນ້ຳມັນ, ສີສົ້ມແກມສີອອກແດງ. ໃບ ດ່ຽວຄ້າຍໃບຟິນໂລດ (ບໍ່ມີກ່າງຂັ້ນໜຶ່ງ), ຈັບພາບ, ກ້ຽງບໍ່ມີຂົນ. ໝາກຄ້ານໂກນໝາກ ເພດຜູ້ ແລະ ແມ່ ອອກຕ່າງຕົ້ນ, ອອກ ທາງຂ້າງ. |
| ປະເພດພືດ : | ເປັນໄມ້ຢືນຕົ້ນໃບຂຽວຕະຫອດປີນ, ສູງເຖິງ 30 ແມັດ, ເສັ້ນຜ່າກາງຂອງລຳຕົ້ນ ປະມານ 25 ຊັງຕີແມັດ, ເຮືອນຍອດ. ຮູບຈວຍ. |
| ລຳຕົ້ນ ແລະ ເປືອກ : | ລຳຕົ້ນຕັ້ງຊື່, ລຳຕົ້ນຮູບທໍ່ກົມ, ເປືອກມີສີນ້ຳຕານເຂັ້ມ ຫລື ສີນ້ຳຕານ ແກມສີເທົາ, ເປືອກລຽບຫາເປັນເກັດໆ, ລອກອອກເປັນປ່ຽງໆ, ແຜ່ນ ເກັດໃຫຍ່ ບໍ່ສະເໝີກັນ, ເປືອກໃນສີແດງແກມສີອອກຂາວ ຫລື ສີນ້ຳຕານ, ມີນ້ຳຢາງ ທີ່ເປັນນ້ຳມັນສີ ນ້ຳຕານ, ມອກໄມ້ສີຂາວ. |
| ງ່າ ແລະ ກິ່ງນ້ອຍ : | ກິ່ງງ່າອ່ອນແຕກອອກຕາມລວງນອນ, ຈັດເປັນວົງ, ມີຕາຍອດ ຂ້ອນຂ້າງມົນ. |
| ທາດແຫຼວທີ່ລະບາຍອອກ : | ນ້ຳຢາງບັນຈຸທາດນ້ຳມັນ, ມີສີສົ້ມແກມສີອອກແດງ, ມີກິ່ນຫອມ. |
| ໃບ : | ໃບມີລັກສະນະເປັນໃບດ່ຽວ, ຈັບພາບກັນ ຫລື ເກືອບພາບກັນ, ໃບແຕ່ລະຄູ່ ຈັບສະຫລັບຕັ້ງສາກກັນ, ແຜ່ນໃບຮູບໄຂ່ ຫາຮູບຮີ, ຫລັງໃບມີສີຂຽວເຂັ້ມ, ທ້ອງ ໃບສີຂຽວຈາງ, ຂອບໃບລຽບ, ຂະຫນາດ 10-15 x 3-5 ຊມ. ປາຍໃບສ້ວຍແຫລມ ເປັນຕິ່ງ, ໂຄນໃບສ້ວຍແຫລມ ຫາຮຽວແຫຼມ, ຂອບໃບລຽບ, ມີປ່ອງອາກາດຈັດລຽນ ເປັນເສັ້ນ ເຫັນຢູ່ທັງ 2 ດ້ານ. |
| ໝາກ : | ຄ້າຍໂກນໝາກ, ໝາກຜູ້ ແລະ ໝາກແມ່ຢູ່ຕ່າງຕົ້ນ, ໝາກແມ່ອອກດ່ຽວ, ອອກທາງຂ້າງ, ໝາກຜູ້ອອກ ເປັນຈຸ້ມ 3 ຫາ 5 ໝາກ, ອອກທາງຂ້າງ. |
| ແກ່ນ : | ເມັດຮູບກົມ ເສັ້ນຜ່າກາງປະມານ 2 ຊມ. ໝາກແກ່ ມີສີດຳ ມີປາຍໝາກ, ຄ້າຍນວນ ສີແດງແກມ ສີແດງອົມ ມ່ວງ ອ້ອມຮອບຢູ່ . |