English   Lao   
ລັກສະນະພືດສາດ ແຫຼ່ງທີ່ຢູ່ອາໄສ ແລະ ນິເວດ ເຂດແຜ່ກະຈາຍພັນ
ລັກສະນະເດັ່ນໆ ສຳລັບຊ່ວຍໃນການຈຳແນກຊະນິດໄດ້ : | ເປືອກມີຕູດໆນ້ອຍ ຢາຍຕາມລວງຕັ້ງຂອງຕົ້ນ. ໃບໜາຢູ່ຂອບ, ເມື່ອແກ່ ກຽມຈະລົ່ນເປັນສີແດງ ແລະ ກ້ານໃບຍາວ ມີສີອອກ ແດງ. ມີຕ່ອມສອງຕ່ອມສີແດງຮູບໝາກໄຂ່ຫຼັງຈັບຢູ່ບ່ອນຈັບ ຂອງກ້ານໃບຕໍ່ໃສ່ແຜ່ນໃບ . |
ປະເພດພືດ : | ໄມ້ຢືນຕົ້ນຜັດປ່ຽນໃບ ຂະໜາດນ້ອຍ ສູງເຖິງ 25 ແມັດ. |
ລຳຕົ້ນ ແລະ ເປືອກ : | ລຳຕົ້ນຊື່. ເປືອກລຽບສີຂີ້ເຖົ່າ ອອກຂາວ ພ້ອມມີຕູດນ້ອຍ ຢາຍຕາມລວງຕັ້ງຊື່, ມີຮອຍແຕກ ຊ່ອງອາກາດ, ລຸ່ມຖັດເປືອກອອກສີຂຽວ, ເປືອກໃນມີສີຄີມ. |
ງ່າ ແລະ ກິ່ງນ້ອຍ : | ກິ່ງງ່າຮູບທໍ່ກົມ, ກ້ຽງ ບໍ່ມີຂົນ, ງ່າອ່ອນມີສີແດງເຂັ້ມ. |
ທາດແຫຼວທີ່ລະບາຍອອກ : | ທາດແຫຼວທີ່ໄຫຼອອກມີສີຂາວ. |
ໃບ : | ໃບດ່ຽວ, ຈັບສະລັບ ແລະ ກ້ຽວວຽນ, ຂະໜາດ 4-11 x 2.5-4 ຊມ, ຮູບໄຂ່ ຫາຮູບສ້ວຍ, ປາຍສ້ວຍແຫຼມເປັນຕິ່ງ, ໂຄນສ້ວຍແຫຼມມຸມເຫວີ, ຂອບໃບລຽບ ແລະ ໜາ, ເມື່ອຍັງອ່ອນ ມີສີອອກບົວ, ເມື່ອແກ່ ກຽມຈະລົ່ນເປັນສີແດງ, ດ້ານລຸ່ມມີສີຂຽວແກມນ້ຳເງິນ ແລະ ກ້ຽງ ບໍ່ມີຂົນທັງສອງດ້ານ. ກ່າງກາງຮາບພຽງຢູ່ດ້ານເທິງ, ກ່າງຂັ້ນໜຶ່ງເປັນກ່າງດ່ຽວ, ກ່າງຂັ້ນສອງສະຫຼຽງໃຫ້ກ່າງກາງ, ຂະໜານກັນຫ່າງໆ, ກ່າງຂັ້ນສາມເປັນແບບດ່າງແຫ ລະອຽດ. ກ້ານໃບຍາວ, ສີນ້ຳຕານແກມສີອອກແດງ, ມີຕ່ອມສອງຕ່ອມຢູ່ບ່ອນກ້ານໃບຈັບໃສ່ແຜ່ນໃບ. ມີຫູໃບ. |
ຊໍ່ດອກ / ດອກ : | ດອກສີເຫຼືອງ, ຈັດເປັນຊໍ່ດອກບໍ່ມີກ້ານ ຈັບເປັນກຸ່ມ ອອກຢູ່ປາຍ ຫຼື ຢູ່ຂ້າງກິ່ງ. |
ໝາກ : | ໝາກແຫ້ງໄຂໄດ້ແບບແຄບຊູນ, ຂະໜາດ 0.7- 0.9 ຊມ, ຮູບກົມມົນ, ເມື່ອສຸກແລ້ວ ມີສີນ້ຳຕານເຂັ້ມ. |
ແກ່ນ : | ແກ່ນ ມີ 3 ເມັດ, ສີຂຽວແກມສີຟ້າ. |