ಆಕ್ಟಿನೋಡ್ಯಾಫ್ನೆ ಲಾಸೋನಿಯೈ Gamble - ಲಾರೇಸಿ

English   Kannada   Malayalam   Tamil   

ಸಸ್ಯದ ವೈಜ್ಞಾನಿಕ ವಿವರ ಜೀವಪರಿಸ್ಥಿತಿ ವ್ಯಾಪನೆ ಗ್ರಂಥ ಸೂಚಿ

ಸಸ್ಯದ ವೈಜ್ಞಾನಿಕ ವಿವರ :

ಪ್ರಕೃತಿ : 12 ಮೀ.ವರೆವಿಗೆ ಬೆಳೆಯುವ ಮರಗಳು.
ಕಾಂಡ ಮತ್ತು ತೊಗಟೆ : ತೊಗಟೆ ಸೂಕ್ಷ್ಮವಾದ ಸೀಳಿಕಾ ವಿನ್ಯಾಸದಲ್ಲಿರುತ್ತದೆ ಮತ್ತು ತೆಳು ಕಂದು ಬಣ್ಣದ್ದಾಗಿರುತ್ತದೆ.
ಕವಲುಗಳು ಮತ್ತು ಕಿರುಕೊಂಬೆಗಳು : ಎಳೆಯ ಕಿರುಕೊಂಬೆಗಳು ಹೆಚ್ಚೂ ಕಡಿಮೆ ದೃಢವಾಗಿದ್ದು ದುಂಡಾಗಿರುತ್ತವೆ ಮತ್ತು ಕೆಂಗಂದು ಬಣ್ಣದ ದಟ್ಟವಾದ ಮೃದುತುಪ್ಪಳದಿಂದ ಕೂಡಿರುತ್ತವೆ.
ಎಲೆಗಳು : ಎಲೆಗಳು ಸರಳವಾಗಿದ್ದು, ಉಪತರಂಗಿತ ವ್ಯವಸ್ಥೆಯಲ್ಲಿರುತ್ತವೆ; ತೊಟ್ಟುಗಳು ದೃಢವಾಗಿದ್ದು 3.5 ಸೆಂ.ಮೀ. ವರೆಗಿನ ಉದ್ದ ಹೊಂದಿದ್ದು ಅಡ್ಡ ಸೀಳಿದಾಗ ಸಪಾಟ ಪೀನ ಮಧ್ಯದ ಆಕಾರದಲ್ಲಿದ್ದು ದಟ್ಟ ಮೃದುತುಪ್ಪಳದಿಂದ ಕೂಡಿರುತ್ತವೆ;ಪತ್ರಗಳು 12-22X5.5-10ಸೆಂ.ಮೀ ಗಾತ್ರ ಹೊಂದಿದ್ದು, ಸಾಮಾನ್ಯವಾಗಿ ಬುಗುರಿ ಆಕಾರದಲ್ಲಿರುತ್ತವೆ ಕೆಲವು ವೇಳೆ ಬುಗುರಿ-ಭರ್ಜಿ ಆಕಾರದಲ್ಲಿರುತ್ತವೆ. ಪತ್ರದ ತುದಿ ಚೂಪಲ್ಲದ ಅಥವಾ ಮೊಂಡಾದ ಚೂಪುಳ್ಳ ಮಾದರಿಯಲ್ಲಿದ್ದು,ಸಂಕುಚಿತ ಬೆಣೆಯಾಕಾರದ ಬುಡ ಹೊಂದಿರುತ್ತವೆ; ಪತ್ರಗಳ ತಳಭಾಗ ಮತ್ತು ಪತ್ರದ ಮೇಲ್ಭಾಗದ ಮಧ್ಯನಾಳ ಕೆಂಗಂದು ಬಣ್ಣದ ದಟ್ಟ ಮೃದು ತುಪ್ಪಳದಿಂದ ಕೂಡಿರುತ್ತದೆ;ಪತ್ರದ ತಳಭಾಗ ಮಾಸಲು ಬೂದು ಹಸಿರುಬಣ್ಣ ಹೊಂದಿರುತ್ತದೆ ದಲ್ಲಿರುತ್ತದೆ;ಮಧ್ಯನಾಳ ಪತ್ರದ ಮೇಲ್ಭಾಗದಲ್ಲಿ ಮೇಲೆದ್ದಿರುತ್ತದೆ; ಎರಡನೇ ದರ್ಜೆಯ ನಾಳಗಳು 8-9 ಜೋಡಿಗಳಿರುತ್ತವೆ;ಮೂರನೇ ದರ್ಜೆಯ ನಾಳಗಳು ಹೆಚ್ಚೂ ಕಡಿಮೆ ಲಂಬರೇಖೆಗೆ ಸಮಕೋನದಲ್ಲಿದ್ದು ಎಲೆದಿಂಡಿಗೆ ಅಡ್ಡವಾಗಿ ಕೂಡುವ ರೀತಿಯವು.
ಪುಷ್ಪಮಂಜರಿ/ಹೂಗಳು : ಹೂಗಳು ಏಕಲಿಂಗಿಗಳಾದ್ದು, ಪ್ರತ್ಯೇಕ ಸಸ್ಯಗಳಲ್ಲಿರುತ್ತವೆ ಮತ್ತು ಪಾರ್ಶ್ವದಲ್ಲಿನ ಗುಬುಟುಗಳ ಮೇಲಿನ ಗುಚ್ಛಗಳಲ್ಲಿರುತ್ತವೆ.
ಕಾಯಿ /ಬೀಜ : ಬೆರ್ರಿಗಳು 1 ಬೀಜವನ್ನೊಳಗೊಂಡಿರುತ್ತವೆ.

ಜೀವಪರಿಸ್ಥಿತಿ :

ಮೇಲ್ಛಾವಣಿ ಮತ್ತು ಉಪ-ಮೇಲ್ಛಾವಣಿ ಮರಗಳಾಗಿ ಉನ್ನತ ಎತ್ತರದ ಪ್ರದೇಶಗಳ 1200 ಮತ್ತು 2400 ಮೀ. ನಡುವಿನ ಎತ್ತರದವರೆಗಿನ ನಿತ್ಯಹರಿದ್ವರ್ಣ ಕಾಡುಗಳಲ್ಲಿ ಬೆಳೆಯುವ ಈ ಪ್ರಭೇದ ಮಧ್ಯಮ ಎತ್ತರದ ಪ್ರದೇಶಗಳ 600-1200 ಮೀ.ನಡುವಿನ ಎತ್ತರದ ನಿತ್ಯಹರಿದ್ವರ್ಣ ಕಾಡುಗಳಲ್ಲೂ ಕೆಲವು ವೇಳೆ ಬೆಳೆಯುತ್ತದೆ.

ವ್ಯಾಪನೆ :

ಪಶ್ಚಿಮ ಘಟ್ಟಕ್ಕೆ ಸೀಮಿತವಾದ ಈ ಪ್ರಭೇದವನ್ನು ಪಶ್ಚಿಮ ಅಣ್ಣಾಮಲೈ, ನೀಲಗಿರಿ ಮತ್ತು ವಯನಾಡಿನಿಂದ ದಾಖಲಿಸಲಾಗಿದೆ.

ಗ್ರಂಥ ಸೂಚಿ :

Kew Bull. 129. 1925; Gamble,Fl.Madras 2:1231.1993 (rep.ed.); Sasidharan, Biodiversity documentation for Kerala Plants, part 6, 394.2004.

Top of the Page