English   Kannada   Malayalam   Tamil   
Botanical descriptions Ecology Distribution Literatures
Habit : | 5 മീറ്റര് വരെ ഉയരമുളള മരങ്ങള്. |
Trunk & Bark : | സാധാരണയായി മിനുസമാര്ന്ന, ചാര നിറത്തിലുളള പുറംതൊലി. |
Branches and Branchlets : | ധാരാളം ശ്വസനരന്ധ്രങ്ങളുളള, ചാലുളളതും, അരോമിലവുമായ, ഉരുണ്ടതോ ഏതാണ്ട് ഉരുണ്ടിരിക്കുന്നതോ ആയ ഉപശാഖകള്. |
Exudates : | തണ്ടിന്റെയും ഇലയുടേയും മുറിവില്ക്കൂടി വെളുത്ത സ്രവം പുറത്തു വരുന്നു. |
Leaves : | ലഘുവായ ഇലകള്, ഏകാന്തരമായോ ഉപസമ്മുഖമായോ, സര്പ്പിളമായി ക്രമീകരിച്ചിരിക്കുന്നു; എളുപ്പം കൊഴിഞ്ഞു വീഴുന്ന അനുപര്ണ്ണങ്ങള്; ചാലുളള, അരോമിലമായ ഇലഞെട്ടിന് 0.5 സെ.മീ മുതല് 1.5 സെ.മീ വരെ നീളം; പത്രഫലകത്തിന് 6 സെ.മീ മുതല് 19 സെ.മീ വരെ നീളവും 2.5 സെ.മീ മുതല് 8 സെ.മീ വരെ വീതിയും, വീതികുറഞ്ഞ ദീര്ഘവൃത്തം തൊട്ട് അണ്ഡാകാരം വരെ, ആകൃതി പലവിധത്തിലാവാം, പത്രാഗ്രം മുനപ്പില്ലാത്ത നിശിതാഗ്രം മുതല് ദീര്ഘാഗ്രംവരെയാകാം, പത്രാധാരം അസമമോ വൃത്താകാരംതൊട്ട് നിശിതംവരെയാകാം, അരികുകള് അവിഭജിതമാണ്, കടലാസ് പോലത്തെ പ്രകൃതം, അരോമിലം; മുകളില് പരന്നിരിക്കുന്ന മുഖ്യസിര; കീഴറ്റത്തെ ജോഡി സമ്മുഖവും, നിശിതകോണിലുമുളള, 5 മുതല് 8 വരെ ജോഡി ദ്വിതീയ ഞരമ്പുകള്; വീതിയേറിയ ജാലിത-പെര്കറന്റ് വിധത്തിലുളള ത്രിതീയ ഞരമ്പുകള്. |
Inflorescence / Flower : | പൂക്കള് ഏകലിംഗികളാണ്, മൊണീഷ്യസും; ആണ്പൂക്കള്, നേര്ത്ത കക്ഷീയ റസീമുകളിലുണ്ടാകുന്നു; പെണ്പൂക്കള്, കുറച്ചുമാത്രം എണ്ണം ആണ് റസീമുകളുടെ കീഴറ്റത്തായി ഉണ്ടാകുന്നു. |
Fruit and Seed : | 3 വിത്തുളള കായ, ആഴത്തില് ത്രികര്ണ്ണിതമായ, ദീര്ഘഗോളാകാരമോ ഉപഗോളാകാരമോ ആയ കാപ്സ്യൂള് ആണ്. |