English   Kannada   Malayalam   Tamil   
ಸಸ್ಯದ ವೈಜ್ಞಾನಿಕ ವಿವರ ಜೀವಪರಿಸ್ಥಿತಿ ಗ್ರಂಥ ಸೂಚಿ
ಪ್ರಕೃತಿ : | 40ಮೀ ಎತ್ತರದವರೆಗೆ ಬೆಳೆಯುವ ಆನಿಕೆಗಳನ್ನೊಳಗೊಂಡ, ಎಲೆಯುದುರು ಮಾದರಿಯ ಬೃಹತ್ ಮರಗಳು. |
ಕಾಂಡ ಮತ್ತು ತೊಗಟೆ : | ತೊಗಟೆ ಬೂದು ಬಣ್ಣ ಹೊಂದಿದ್ದು, ಉದುರಿಹೋಗುವ ಶಂಖುವಿನಾಕಾರದ ಮುಳ್ಳುಗಳ-ನ್ನೊಳಗೊಂಡು ಚಕ್ಕೆಯುಕ್ತವಾಗಿರುತ್ತದೆ. |
ಕವಲುಗಳು ಮತ್ತು ಕಿರುಕೊಂಬೆಗಳು : | ಕವಲುಗಳು ಅಡ್ಡವಾಗಿದ್ದು, ಕಿರುಕೊಂಬೆಗಳು ದುಂಡಾಗಿದ್ದು ಮುಳ್ಳುಗಳ ಸಮೇತವಿದ್ದು, ಗಿಣ್ಣುಗಳ ಜಾಗದಲ್ಲಿ ಸುತ್ತುಮಾದರಿಯಲ್ಲಿ ಗುಂಪಾಗಿರುತ್ತವೆ. |
ಜಿನುಗು ದ್ರವ : | |
ಎಲೆಗಳು : | ಎಲೆಗಳು ಹಸ್ತರೂಪಿ ಸಂಯುಕ್ತ ಮಾದರಿಯಲ್ಲಿದ್ದು ಕುಡಿಕೊಂಬೆಗಳ ತುದಿಯಲ್ಲಿ ಗುಂಪಾಗಿದ್ದು ಉದುರಿಹೋಗುವ, ಭರ್ಜಿಯಾಕಾರದ ಕಾವಿನೆಲೆಗಳನ್ನೊಳಗೊಂಡಿರುತ್ತವೆ. ತೊಟ್ಟು 12ರಿಂದ 3ಸೆಂ.ಮೀ. ಉದ್ದವಿದ್ದು, ದುಂಡಾಗಿದ್ದು ರೋಮರಹಿತಗೊಂಡಿರುತ್ತವೆ; ಕಿರುಎಲೆಗಳು 3 ರಿಂದ 8, ಪತ್ರಗಳು (4-)8-16 x (1.5-)3-7ಸೆಂ.ಮೀ. ಗಾತ್ರವಿದ್ದು ಇಕ್ಕಟ್ಟಾದ ಅಂಡವೃತ್ತಾಕೃತಿಯಿಂದ ಬುಗುರಿ-ಈಟಿ ಸಮ್ಮಿಶ್ರಾಕಾರದವರೆಗಿನ ಆಕಾರ ಹೊಂದಿದ್ದು, ಬಾಲರೂಪಿಯಿಂದ ಹಿಡಿದು ಕ್ರಮೇಣ ಚೂಪಾಗುವ ತುದಿ, ಬೆಣೆಯಾಕಾರದಿಂದ ಹಿಡಿದು ಚೂಪಾಗುವ ಬುಡ, ನಯವಾದ ಅಂಚು, ಕಾಗದವನ್ನೋಲುವ ಹಾಗೂ ರೋಮರಹಿತ-ವಾದ ಮೇಲ್ಮೈ ಹೊಂದಿರುತ್ತವೆ; ಮಧ್ಯನಾಳ ಪತ್ರದ ಮೇಲ್ಭಾಗದಲ್ಲಿ ಕೊಂಚ ಉಬ್ಬಿರುತ್ತದೆ; ಎರಡನೇ ದರ್ಜೆಯ ನಾಳಗಳು ಸುಮಾರು 14 ಜೋಡಿಗಳಿರುತ್ತವೆ; ಮೂರನೇ ದರ್ಜೆಯ ನಾಳಗಳು ಜಾಲಬಂಧ ನಾಳಸ್ವರೂಪದವು. |
ಪುಷ್ಪಮಂಜರಿ/ಹೂಗಳು : | ಹೂಗಳು ಸಾಮಾನ್ಯವಾಗಿ ಎಲೆಯಿಲ್ಲದ ಕವಲುಗಳ ಮೇಲೆ ಒಂಟಯಾಗಿ ಅಥವಾ ಗುಚ್ಛಾಕಾರ-ದಲ್ಲಿರುತ್ತವೆ ಹಾಗೂ ಕಡುಕೆಂಪು ಬಣ್ಣವನ್ನು ಹೊಂದಿರುತ್ತವೆ. |
ಕಾಯಿ /ಬೀಜ : | ಸಂಪುಟ ಫಲಗಳು ದಾರುಯುಕ್ತವಾಗಿದ್ದು, 5-ಕೋಶಗಳನ್ನೊಳಗೊಂಡಿದ್ದು ಒಳಾವರಣ ದಟ್ಟವಾದ ಉಣ್ಣೆಯಿಂದ ಕೂಡಿರುತ್ತದೆ; ಬೀಜಗಳು ಹಲವಾರು |