English Kannada Malayalam Tamil
மரங்களின் பண்புகள் வாழியல்வு காணப்படும் இடம் சான்று ஏடு
| வளரியல்பு : | மரங்கள் 10 மீ. உயரம் வரை வளரக்கூடியது. |
| தண்டு மற்றும் மரப்பட்டை : | மரத்தின் பட்டை சாம்பல் நிறமானது, பெரிய செதில்களாக உரியக்கூடியவை; உள்பட்டை வெளிறிய ஆரஞ்சு நிறமானது. |
| கிளைகள் & சிறிய நுனிக்கிளைகள் : | சிறிய நுனிக்கிளைகள் ப்ரவுன் அல்லது சாம்பல் நிறமானது, குறுக்குவெட்டுத் தோற்றத்தில் வளையமானது, உரோமங்களற்றது. |
| இலைகள் : | இலைகள் தனித்தவை, மாற்றுஅடுக்கமானவை, இருநெடுக்கு வரிசையிலையடுக்கம் (டைஸ்டிக்கஸ்); இலையடிச்செதில் எளிதில் உதிரக்கூடியவை; இலைக்காம்பு 0.3-0.8 செ.மீ. நீளமானது; இலை அலகு 5-9 x 2-4 செ.மீ., நீள்வட்டம் முதல் முட்டை வடிவானது, அலகின் நுனி அதிக்கூரியது மற்றும் மழுங்கிய முனை கொண்டது, அலகின் தளம் சமமற்றது, அலகின் விளிம்பு முழுமையானது, மெல்லிய கோரியேசியஸ், உரோமங்களற்றது; மையநரம்பு அலகின் மேற்பரப்பிற்கு சமமானது; இரண்டாம் நிலை நரம்புகள் 5-7 ஜோடிகளுடையது, சிலசமயங்களில் உரோமத்துடன் கூடிய டொமேஸ்சியாவை கோணங்களிலுடையது, குறிப்பாக தளத்திலுள்ள 1 அல்லது 2 நரம்புகளில் டொமேஸ்சியா காணப்படுகின்றன; மூன்றாம் நிலை நரம்புகள் வலைப்பின்னல் கொண்டது. |
| மஞ்சரி / மலர்கள் : | மலர்கள் ஓர்பாலானவை, ஈரகம் கொண்டவை, இலைக்கோணங்களில் கூட்டமாக காணப்படுகின்றன. |
| கனி / விதை : | உள்ளோட்டுத்தசைகனி (ட்ரூப்), அடர்த்தியான ப்ரவுன் நிறமான உரோமங்களுடையது, விதைகள் இரண்டு கொண்டவை. |