English   Kannada   Tamil   
ಸಸ್ಯದ ವೈಜ್ಞಾನಿಕ ವಿವರ ಜೀವಪರಿಸ್ಥಿತಿ ವ್ಯಾಪನೆ ಗ್ರಂಥ ಸೂಚಿ
ಪ್ರಕೃತಿ : | ದಪ್ಪವಾದ ಕೊಂಬೆಗಳಿಂದ ಕುಚ್ಚಗಳ ತರಹ ಹೊಮ್ಮುವ ಅಸಂಖ್ಯ ಬಿಳಲು ಬೇರುಗಳನ್ನೊಳಗೊಂಡ 25 ಮೀ. ಎತ್ತರದವರೆಗಿನ ಮರಗಳು. |
ಕಾಂಡ ಮತ್ತು ತೊಗಟೆ : | ತೊಗಟೆ ಬೂದು ಬಣ್ಣದಲ್ಲಿದ್ದು ಸೂಕ್ಷ್ಮ ವಾಯು ವಿನಿಮಯ ಬೆಂಡು ರಂಧ್ರಗಳ ಸಮೇತವಿರುತ್ತದೆ; ಕಚ್ಚು ಮಾಡಿದ ಜಾಗ ಕೆನೆ ಬಣ್ಣದಲ್ಲಿರುತ್ತದೆ. |
ಕವಲುಗಳು ಮತ್ತು ಕಿರುಕೊಂಬೆಗಳು : | ಕಿರುಕೊಂಬೆಗಳು ದುಂಡಾಗಿದ್ದು (ಒಣಗಿದಾಗ ಸುಕ್ಕುಆಗಿರುತ್ತದೆ) ಕಂದು ಬಣ್ಣದ ಮೃದುತುಪ್ಪಳವನ್ನು ಹೊಂದಿರುತ್ತವೆ. |
ಜಿನುಗು ದ್ರವ : | ಜಿನುಗು ದ್ರವ ಬಿಳಿ ಬಣ್ಣದಲ್ಲಿದ್ದು ವಿಫುಲವಾಗಿರುತ್ತದೆ. |
ಎಲೆಗಳು : | ಎಲೆಗಳು ಸರಳವಾಗಿದ್ದುಪರ್ಯಾಯ ಮತ್ತು ಸುತ್ತು ಜೋಡನಾ ವ್ಯವಸ್ಥೆಯಲ್ಲಿರುತ್ತವೆ; ಕಾವಿನೆಲೆಗಳು 1 ಸೆಂ.ಮೀ.ವರೆಗಿನ ಉದ್ದವಿದ್ದು ಮೃದುತುಪ್ಪಳದಿಂದ ಕೂಡಿರುತ್ತವೆ ಮತ್ತು ವಲಯಾಕಾರದ ಗುರುತುಗಳನ್ನುಳಿಸಿ ಉದುರಿ ಹೋಗುತ್ತವೆ;ತೊಟ್ಟುಗಳು 1.5 – 3.5 ಸೆಂ.ಮೀ. ಉದ್ದ ಹೊಂದಿದ್ದು ಮೃದು ತುಪ್ಪಳ ದಿಂದ ಕೂಡಿರುತ್ತವೆ ಮತ್ತು ಅಡ್ಡ ಸೀಳಿದಾಗ ಸಪಾಟ ಪೀನ ಮಧ್ಯದ ಆಕಾದಲ್ಲಿರುತ್ತವೆ;ಪತ್ರಗಳು 10 – 22 X 6 – 15 ಸೆಂ.ಮೀ. ಗಾತ್ರವಿದ್ದು ವಿಶಾಲ ಅಂಡವೃತ್ತ – ಚತುರಸ್ರ ಅಥವಾ ಅಂಡದ ಆಕಾರ ಹೊಂದಿದ್ದು, ಚೂಪಾದ ಅಥವಾ ಕ್ರಮೇಣ ಚೂಪಾಗುವ ತುದಿ, ದುಂಡಾದ ಅಥವಾ ಉಪ-ಹೃದಯಾಕಾರದ ಬುಡ, ನಯವಾದ ಅಂಚು ಹೊಂದಿರುತ್ತವೆ, ಪತ್ರಗಳು ಎಳೆಯದಾಗಿದ್ದಾಗ ಕಂದು ಬಣ್ಣದ ಮೃದು ತುಪ್ಪಳವುಳ್ಳ ತಳ ಭಾಗ ಹೊಂದಿದ್ದು ನಂತರ ಉದುರಿಹೋಗುತ್ತವೆ,ಪತ್ರಗಳು ಬುಡದಲ್ಲಿ 3 ರಿಂದ 5 ಆಧಾರ ನಾಳಗಳನ್ನುಹೊಂದಿರುತ್ತವೆ; ಮಧ್ಯ ನಾಳ ಮೇಲ್ಭಾಗದಲ್ಲಿ ಮೇಲೆದ್ದಿರುತ್ತದೆ; ಎರಡನೇ ದರ್ಜೆಯ ನಾಳಗಳು 8-12 ಜೋಡಿಗಳಿದ್ದು ಪ್ರಮುಖವಾಗಿರುತ್ತವೆ;ಮೂರನೇ ದರ್ಜೆಯ ನಾಳಗಳು ವಿಶಾಲ ಜಾಲ ಬಂಧ ನಾಳ ವಿನ್ಯಾಸದಲ್ಲಿರುತ್ತವೆ. |
ಪುಷ್ಪಮಂಜರಿ / ಹೂಗಳು : | ಪುಷ್ಪಮಂಜರಿಗಳು ಸೈಕೋನಿಯ ರೀತಿಯವುಗಳಾಗಿದ್ದುಅಕ್ಷಾಕಂಕುಳಿನಲ್ಲಿ ಒಂಟಿಯಾಗಿರುತ್ತವೆ ಮತ್ತು ಉಪ-ಗೋಳಾಕಾರದಲ್ಲಿದ್ದು ಸಣ್ಣದಾದ ತೊಟ್ಟುಗಳನ್ನು ಹೊಂದಿರುತ್ತವೆ ಮತ್ತು ಕಂದು ಬಣ್ಣದ ಮೃದುತುಪ್ಪಳದಿಂದ ಕೂಡಿರುತ್ತವೆ; ಹೂಗಳು ಏಕ ಲಿಂಗಿಗಳು. |
ಕಾಯಿ / ಬೀಜ : | ಸೈಕೋನಿಯ (ಸಂಯುಕ್ತ ಫಲ) ತೊಟ್ಟುರಹಿತವಾಗಿದ್ದು ಚತುರಸ್ರ ಅಥವಾ ಬುಗುರಿ ಆಕಾರದಲ್ಲಿದ್ದು ಅಂದಾಜು 2..5 ಸೆಂ.ಮೀ. ಅಡ್ಡಗಲತೆಯನ್ನು ಹೊಂದಿರುತ್ತವೆ ,ಕಳಿತಾಗ ಕಿತ್ತಳೆ ಮಿಶ್ರಿತ ಹಳದಿ ಬಣ್ಣದಲ್ಲಿರುತ್ತವೆ ;ಅಖೀನುಗಳು ನಯವಾಗಿರುತ್ತವೆ. |