English   Kannada   Malayalam   Tamil   
ಸಸ್ಯದ ವೈಜ್ಞಾನಿಕ ವಿವರ ಜೀವಪರಿಸ್ಥಿತಿ ವ್ಯಾಪನೆ ಸ್ಥಿತಿ ಗ್ರಂಥ ಸೂಚಿ
ಪ್ರಕೃತಿ : | ದೊಡ್ಡದಾದ ಈ ಮರಗಳು 35 ಮೀ ಎತ್ತರದವರೆವಿಗೆ ಬೆಳೆಯುತ್ತವೆ. |
ಕಾಂಡ ಮತ್ತು ತೊಗಟೆ : | ತೊಗಟೆಯ ಮೇಲ್ಮೈ ನಯವಾಗಿದ್ದು ಬೂದು ಬಣ್ಣದಲ್ಲಿರುತ್ತದೆ. |
ಕವಲುಗಳು ಮತ್ತು ಕಿರುಕೊಂಬೆಗಳು : | ಕಿರುಕೊಂಬೆಗಳು ಬಲಿಷ್ಟವಾಗಿದ್ದು,ತುಕ್ಕಿನ ಬಣ್ಣವುಳ್ಳ ಮೃದುತುಪ್ಪಳದಿಂದ ಕೂಡಿರುತ್ತದೆ. |
ಜಿನುಗು ದ್ರವ : | ಸಸ್ಯಕ್ಷೀರ ಕಪ್ಪುಬಣ್ಣವುಳ್ಳದಾಗಿರುತ್ತದೆ |
ಎಲೆಗಳು : | ಎಲೆಗಳು ಸರಳ, ಪರ್ಯಾಯ – ಸುತ್ತು ಜೋಡನಾ ವ್ಯವಸ್ಥೆಯಲ್ಲಿ ಕುಡಿಕೊಂಬೆಗಳ ತುದಿಯಲ್ಲಿ ಗುಂಪಾಗಿರುತ್ತವೆ;ಎಲೆತೊಟ್ಟು 2 ಸೆಂ.ಮೀ. ಉದ್ದವಾಗಿದ್ದು,ತುಕ್ಕು ಬಣ್ಣದ ಮೃದುತುಪ್ಪಳದಿಂದ ದಟ್ಟವಾಗಿ ಆವರಿಸಿದ್ದು,ಎರಡು ಜೋಡಿ ದೃಢವಾದ ಚಾಚು ಚೀಲಗಳ ಸಮೇತವಿರುತ್ತದೆ; ಎಲೆ ಪತ್ರ 15-44 x 10 -17ಸೆಂ.ಮೀ. ಗಾತ್ರವಿದ್ದು, ಬುಗುರಿ-ಈಟಿ ಸಮ್ಮಿಶ್ರಾಕಾರದ ಹೊಂದಿರುರುತ್ತದೆ;ಪತ್ರದ ಮೇಲಿನ ಅರ್ಧ ಭಾಗ ವಿಶಾಲವಾದ ತ್ರಿಕೋನಾಕಾರದಲ್ಲಿದ್ದು,ಉಪ-ಕ್ರಮೇಣವಾಗಿ ಚೂಪಾಗುವ ತುದಿಯನ್ನೂ ಕೆಳಗಿನ ಅರ್ಧ ಭಾಗ ಕಡಿಮೆ ಅಗಲದಲ್ಲಿದ್ದು ಬೆಣೆಯಾಕಾರದ ಬುಡಭಾಗವನ್ನೂ ಹೊಂದಿರುತ್ತವೆ; ಅಂಚು ನಯವಾಗಿದ್ದು,ಮೇಲ್ಮೈ ತೊಗಲಿನ ತರಹವಿರುತ್ತದೆ. ಪತ್ರಗಳ ತಳಭಾಗ ತುಕ್ಕಿನ ಬಣ್ಣದ, ದಟ್ಟ ಮೃದುತುಪ್ಪಳದಿಂದ ಕೂಡಿದ್ದು, ಮೇಲ್ಭಾಗ ರೋಮರಹಿತವಾಗಿರುತ್ತದೆ; ಮಧ್ಯನಾಳ ಪತ್ರದ ಮೇಲ್ಭಾಗದಲ್ಲಿ ಚಪ್ಪಟ್ಟೆಯಾಗಿದ್ದು ರೋಮರಹಿತವಾಗಿರುತ್ತದೆ,;ಪತ್ರದಲ್ಲಿ ಸುಮಾರು 22-32 ಜೋಡಿ ಎರಡನೇ ದರ್ಜೆ ನಾಳಗಳಿದ್ದು ಮೂರನೇ ದರ್ಜೆ ನಾಳಗಳು ವಿಶಾಲವಾದ ಜಾಲಬಂಧ ವಿನ್ಯಾಸ ಹೊಂದಿರುತ್ತವೆ. |
ಪುಷ್ಪಮಂಜರಿ/ಹೂಗಳು : | ಹೂಗಳು ಶ್ವೇತ ಬಣ್ಣದವು ಹಾಗೂ ಸಂಕೀರ್ಣಲಿಂಗಿಗಳಾರುತ್ತವೆ ಹಾಗೂ ಕಂದು ಬಣ್ಣದ ದಟ್ಟ- ಮೃದುತುಪ್ಪಳದಿಂದ ಕೂಡಿದ, ತುದಿಯಲ್ಲಿರುವ, ಪುನರಾವೃತ್ತಿಯಾಗಿ ಕವಲೊಡೆದ ಮಧ್ಯಾಭಿಸರ ಪುಷ್ಪಮಂಜರಿಯಲ್ಲಿರುತ್ತವೆ. |
ಕಾಯಿ /ಬೀಜ : | ಕಾಯಿಗಳು ಡ್ರೂಪ್ ಮಾದರಿಯವು; ಕಾಯಿಗಳು ಒಂದು ಬೀಜವನ್ನೊಳಗೊಂಡಿದ್ದು 2.2ಸೆಂ.ಮೀ ಉದ್ದವಿರುತ್ತವೆ ಹಾಗೂ ಪುಷ್ಪಪೀಠದಿಂದ ಕೊಂಚ ಮುಂಚಾಚಿಕೊಂಡಿರುತ್ತವೆ.ಕಾಯಿಗಳ ಮೇಲ್ಮೈ ತುಕ್ಕು ಬಣ್ಣದ ದಟ್ಟ ಮೃದುತುಪ್ಪಳದಿಂದ ಕೂಡಿರುತ್ತದೆ. |