English Kannada Malayalam Tamil
ಸಸ್ಯದ ವೈಜ್ಞಾನಿಕ ವಿವರ ಜೀವಪರಿಸ್ಥಿತಿ ವ್ಯಾಪನೆ ಸ್ಥಿತಿ ಗ್ರಂಥ ಸೂಚಿ
| ಪ್ರಕೃತಿ : | 15 ಮೀ. ಎತ್ತರದವರೆಗೆ ಬೆಳೆಯುವ ಮರಗಳು. |
| ಕಾಂಡ ಮತ್ತು ತೊಗಟೆ : | ತೊಗಟೆ ಕಪ್ಪು ಬಣ್ಣದ್ದು. |
| ಎಲೆಗಳು : | ಎಲೆಗಳು ಸಮಸಂಖ್ಯಾ ಗರಿರೂಪಿ ಸಂಯುಕ್ತ ಮಾದರಿಯವು; ಕಾವಿನೆಲೆಗಳು ಅಂಡಾಕಾರದವು, ಉಪಾಂಗಗಳು ಸಣ್ಣ ಗಾತ್ರ ಹೊಂದಿದ್ದು ಕುಡುಗೋಲಿನ ಆಕಾರದಲ್ಲಿರುತ್ತವೆ; ಎಲೆಗಳ ಅಕ್ಷದಿಂಡು ಚಪ್ಪಟೆಯಾಗಿದ್ದು ರೆಕ್ಕೆಯುಕ್ತವಾಗಿರುತ್ತದೆ; ಕಿರು ಎಲೆಗಳು 3 ರಿಂದ 4 ಜೋಡಿಗಳು; ಪತ್ರಗಳು 7.6 - 10.2 x 2.5 - 3.8 ಸೆ.ಮೀ. ಗಾತ್ರ ಹೊಂದಿದ್ದು ಭರ್ಜಿ - ಬುಗುರಿ ಹಾಗೂ ಭರ್ಜಿಯ ಸಮ್ಮಿಶ್ರಾಕಾರದಲ್ಲಿದ್ದು, ಅನುಕ್ರಮವಾಗಿ ಕ್ರಮೇಣ ಚೂಪಾಗುವುದರಿಂದ ಹಿಡಿದು, ಬಾಲರೂಪವನ್ನು ಹೋಲುವ ತುದಿ ಹಾಗೂ ಅಸಮ್ಮಿತಿಯಾದ ಬುಡವನ್ನು ಹೊಂದಿರುತ್ತವೆ, ಪತ್ರ ಕಾಗದವನ್ನೋಲುವ ಮೇಲ್ಮೈ ಹೊಂದಿರುತ್ತದೆ; ಎರಡನೇ ದರ್ಜೆಯ ನಾಳಗಳು ಅಂದಾಜು 10 ಜೋಡಿಗಳಿದ್ದು ಮೇಲ್ಪಂಕ್ತಿಯ ಜೋಡಿಗಳು ಕುಣಿಕೆಗೊಂಡಿರುತ್ತವೆ; ಮೂರನೇ ದರ್ಜೆಯ ನಾಳಗಳು ಜಾಲಬಂಧ ನಾಳ ವಿನ್ಯಾಸ ಮಾದರಿ- ಯಲ್ಲಿದ್ದು ಎಲೆದಿಂಡಿಗೆ ಅಡ್ಡವಾಗಿ ಕೂಡುತ್ತವೆ. |
| ಪುಷ್ಪಮಂಜರಿ/ಹೂಗಳು : | ಪುಷ್ಪಮಂಜರಿ ಕಾಂಡಜನ್ಮಿ ಗುಚ್ಛಗಳನ್ನು ಹೊಂದಿರುವ ಮಧ್ಯಾಭಿಸರ ಮಂಜರಿಯಲ್ಲಿರುತ್ತದೆ, ಪುಷ್ಪಮಂಜರಿ ಕಂದು ಮಿಶ್ರಿತ ಹಳದಿ ಬಣ್ಣ ಹೊಂದಿದ ಮಖಮಲ್ಲನ್ನು ಹೊಂದಿರುತ್ತದೆ, ಪುಷ್ಪದಳ ನಸುಗೆಂಪು ಎಳೆಗಳನ್ನು ಹೊಂದಿದ ಶ್ವೇತ ವರ್ಣದವು; ಪುಷ್ಪ ಪತ್ರಕಗಳು ಕಡುಗೆಂಪು ಬಣ್ಣದಲ್ಲಿರುತ್ತವೆ. |
| ಕಾಯಿ /ಬೀಜ : | ಪಾಡುಗಳು ಅರುಣ ವರ್ಣದಲ್ಲಿದ್ದು ಮೃದು ತುಪ್ಪಳದಿಂದ ಆವೃತವಾಗಿರುತ್ತವೆ. |