English   Kannada   Malayalam   Tamil   
ಸಸ್ಯದ ವೈಜ್ಞಾನಿಕ ವಿವರ ಜೀವಪರಿಸ್ಥಿತಿ ವ್ಯಾಪನೆ ಗ್ರಂಥ ಸೂಚಿ
ಪ್ರಕೃತಿ : | 30ಮೀ ಎತ್ತರದವರೆವಿಗೂ ಬೆಳೆಯುವ ಮರಗಳು. |
ಕಾಂಡ ಮತ್ತು ತೊಗಟೆ : | ತೊಗಟೆ ನಯವಾಗಿದ್ದು ಹಸಿರು ಮಿಶ್ರಿತ ಬೂದುಬಣ್ಣ ಹೊಂದಿರುತ್ತದೆ ; ಕಚ್ಚುಗಳು ನಸುಗೆಂಪು ಬಣ್ಣದವು. |
ಕವಲುಗಳು ಮತ್ತು ಕಿರುಕೊಂಬೆಗಳು : | ಕಿರುಕೊಂಬೆಗಳು ಗುಂಡಾಕಾರವಾಗಿದ್ದು, ಎಳೆಯದಾಗಿದ್ದಾಗ ಉಣ್ಣೆಯಂತಹ ರೋಮದಿಂದ ಕೂಡಿರುತ್ತವೆ. |
ಎಲೆಗಳು : | ಎಲೆಗಳು ಸರಳ, ಪರ್ಯಾಯ ವ್ಯವಸ್ಥೆಯಲ್ಲಿದ್ದು ಕಾಂಡದ ಎರಡೂ ಕಡೆ ಎದುರು ಬದರಿನ ಲಂಬ ಸಾಲಿನಲ್ಲಿರುತ್ತವೆ. ಎಲೆ ತೊಟ್ಟು 0.4 ರಿಂದ 0.8 ಸೆಂ.ಮೀ. ಉದ್ದವಿದ್ದು ಧೃಢ ಹಾಗೂ ಸೂಕ್ಷ್ಮ ರೋಮವುಳ್ಳವುಗಳಾಗಿರುತ್ತವೆ. ಎಲೆಪತ್ರ 12-25 × 4-7.5ಸೆಂ.ಮೀ. ಗಾತ್ರ ಹೊಂದಿರುತ್ತವೆ. ಇಕ್ಕಟ್ಟಾದ ಧೀರ್ಘ ಚತುರಸ್ರಾಕಾರ, ಇಕ್ಕಟ್ಟಾದ ಅಂಡಾಕಾರ ಬುಗುರಿಯಾಕಾರ ಕೆಲವು ವೇಳೆ ಅಂಡವೃತ್ತಾಕೃತಿಯ ಆಕಾರಗಳ ವೈವಿಧ್ಯತೆಯಲ್ಲಿರುತ್ತವೆ. ಪತ್ರಗಳ ತುದಿ ಚೂಪಾದುದರಿಂದ ಕ್ರಮೇಣ ಚೂಪಾಗುವ ಮಾದರಿಯಲ್ಲಿರುತ್ತವೆ. ಪತ್ರದ ಬುಡ ಗುಂಡಾಕಾರದಲ್ಲಿರುತ್ತವೆ. ಕೆಲವು ವೇಳೆ ಅಸಮವಾಗಿರುತ್ತವೆ ; ಪತ್ರದ ಮೇಲ್ಭಾಗ ಹೊಳಪಾಗಿದ್ದು, ತಳಭಾಗದ ಮಧ್ಯನಾಳ ಸೂಕ್ಷ್ಮವಾದ ರೋಮಗಳಿಂದ ಕೂಡಿರುತ್ತದೆ. ಎರಡನೇ ದರ್ಜೆಯ ನಾಳಗಳು 15 ರಿಂದ 23 ಜೋಡಿಗಳಿದ್ದು ಪ್ರಾಮುಖ್ಯವಾಗಿ ಕಾಣುವಂತಹವು ಹಾಗೂ ಆರೋಹಣ ವ್ಯವಸ್ಥೆಯಲ್ಲಿರುವಂತಹವು ; ತೃತೀಯ ದರ್ಜೆಯ ನಾಳಗಳು ತೆಳುವಾಗಿದ್ದು ಎಲೆದಿಂಡಿಗೆ ಅಡ್ಡವಾಗಿ ಕೂಡುವಂತಹವು ಮತ್ತು ಹೆಚ್ಚೂ ಕಡಿಮೆ ಸಮಾಂತರದಲ್ಲಿರುತ್ತವೆ. |
ಪುಷ್ಪಮಂಜರಿ/ಹೂಗಳು : | ಹೂಗಳು ಸಾಮೂಹಿಕವಾಗಿರುತ್ತವೆ. ಕೆಲವು ವೇಳೆ ಹಳೆಯ ಕವಲುಗಳ ಮೇಲಿನ ಅನಿಯತ ಮಧ್ಯಾಭಿಸರ ಪುಷ್ಪಮಂಜರಿಯಲ್ಲಿರುತ್ತವೆ. . |
ಕಾಯಿ /ಬೀಜ : | ಬೆರ್ರಿಗಳು ಗುಂಡಾಗಿದ್ದು ಒಂದು ಬೀಜವನ್ನು ಹೊಂದಿರುತ್ತವೆ ಹಾಗೂ ಸಾಮೂಹಿಕವಾಗಿರುತ್ತವೆ. |