English Kannada Malayalam Tamil
Botanical descriptions Ecology Distribution Literatures
| Habit : | 20 മീറ്റര്‍ വരെ ഉയരത്തില്‍ വളരുന്ന മരങ്ങള്‍. |
| Trunk & Bark : | പുറംതൊലി മിനുസമാര്‍ന്നതും, ചാരം കലര്‍ന്ന തവിട്ട്‌ നിറത്തിലുള്ളതും, ധാരാളം ശ്വസനരന്ധ്രങ്ങള്‍ നിറഞ്ഞതുമാണ്‌; വെട്ട്‌പാടിന്‌ ഇളം തവിട്ട്‌ നിറം. |
| Branches and Branchlets : | അരോമിലവും ഉരുണ്ടതും ദൃഢവുമായ, മിനുസമാര്‍ന്ന, ഉപശാഖകള്‍. |
| Exudates : | പൊള്ളിക്കുന്ന ജലമയമായ സ്രവം, വായുസമ്പര്‍ക്കം ഏല്‍ക്കുന്നതോടെ കറുപ്പായി മാറുന്നു. |
| Leaves : | ഇലകള്‍ ലഘുവും, സര്‍പ്പിളാകൃതിയില്‍ ഏകാന്തരക്രമത്തില്‍ അടുക്കിയതുമാണ്‌; ഇലഞെട്ടുകള്‍ക്ക്‌ 5 മുതല്‍ 10 സെ.മീ. വരെ നീളം, പത്രഫലകത്തിന്‌ (25 സെ.മീ) 45 സെ.മീ. മുതല്‍ 100 സെ.മീ. വരെ നീളവും (6 സെ.മീ.) 15 സെ.മീ. മുതല്‍ 22 സെ.മീ. വരെ വീതിയും, വലിയ ആയതാകാര-കുന്താകൃതിയോ, അപ അണ്‌ഡാകാരമോ ആണ്, മുനപ്പില്ലാതെയും പെട്ടെന്നവസാനിക്കുന്നതുമായ ദീര്‍ഘാഗ്രത്തോടെയും, പത്രാധാരം ആപ്പ്‌ ആകൃതിയുമാണ്‌, അരികുകള്‍ അവിഭജിതവും തരംഗിതവുമാണ്‌; ദ്വിതീയ ഞരമ്പുകള്‍ ഏതാണ്ട്‌ 20 ജോഡി; ജാലികാ വിന്യാസത്തിലുള്ള ത്രിതീയ ഞരമ്പുകള്‍. |
| Inflorescence / Flower : | കക്ഷങ്ങളിലുണ്ടാകുന്ന, പച്ച നിറത്തിലുള്ള ഏകലിംഗ പുഷ്‌പങ്ങളോടുകൂടിയ പാനിക്കിള്‍ പൂങ്കുലകള്‍; ആണ് പൂങ്കുലകള്‍ക്ക്‌ 30 മുതല്‍ 50 സെ.മീ. വരെ നീളം; പെണ്‍ പൂങ്കുലകള്‍ക്ക്‌ 5 മുതല്‍ 15 സെ.മീ. വരെ നീളം; നനുത്ത തുരുമ്പന്‍ രോമിലമായതാണ്‌. |
| Fruit and Seed : | കായ, ഏതാണ്ട്‌ 2 സെ.മീ. നീളവും ഒറ്റ വിത്തുമുള്ള, പരന്നതും, ചരിഞ്ഞ വൃത്താകാരവുള്ള അഭ്രകം. |