English   Kannada   Malayalam   Tamil   
ಸಸ್ಯದ ವೈಜ್ಞಾನಿಕ ವಿವರ ಜೀವಪರಿಸ್ಥಿತಿ ವ್ಯಾಪನೆ ಗ್ರಂಥ ಸೂಚಿ
ಪ್ರಕೃತಿ : | 20 ಮೀ. ಎತ್ತರದವರೆಗೆ ಬೆಳೆಯುವ ದೊಡ್ಡ ಗಾತ್ರದ ಮರಗಳು. |
ಕಾಂಡ ಮತ್ತು ತೊಗಟೆ : | ತೊಗಟೆ ಕಂದು ಬಣ್ಣ ಹೊಂದಿದ್ದು ಆಳವಿಲ್ಲದ ಸೀಳಿಕಾ ವಿನ್ಯಾಸವನ್ನು ಹೊಂದಿರುತ್ತದೆ. ಕಚ್ಚು ಮಾಡಿದ ಜಾಗ ಕಂದು ಬಣ್ಣದ ಕಣಗಳನ್ನು ಹೊಂದಿರುತ್ತದೆ. |
ಕವಲುಗಳು ಮತ್ತು ಕಿರುಕೊಂಬೆಗಳು : | ಕಿರುಕೊಂಬೆಗಳು ದುಂಡಾಗಿದ್ದು ಎಳೆಯದಾಗಿದ್ದಾಗ ದಟ್ಟ ಮೃದುತುಪ್ಪಳದಿಂದ ಕೂಡಿರುತ್ತವೆ. |
ಎಲೆಗಳು : | ಎಲೆಗಳು ಸಾಮಾನ್ಯವಾಗಿ ಉಪ- ಅಭಿಮುಖವಾಗಿರುತ್ತವೆ ಅಥವಾ ಮೇಲಿನ ಕೆಲವು ಎಲೆಗಳು ಪರ್ಯಾಯವಾಗಿ ಜೋಡಿತವಾಗಿರುತ್ತವೆ;ತೊಟ್ಟುಗಳು0.6-1.7 ಸೆಂ.ಮೀ. ಉದ್ದವಿದ್ದು, ಉಪ-ದುಂಡಾಕಾರ ಹೊಂದಿದ್ದು,ಉಪ-ರೋಮರಹಿತವಾಗಿರುತ್ತವೆ. ಪತ್ರಗಳು 9 - 18 X 4.5 - 7 ಸೆಂ.ಮೀ. ಗಾತ್ರ ಹೊಂದಿದ್ದು ಆಕಾರದಲ್ಲಿಅಂಡಾಕಾರ-ಧೀರ್ಘ ಚತುರಸ್ರಾಕಾರದಲ್ಲಿದ್ದು, ಕ್ರಮೇಣ ಚೂಪಾಗುವ ಮಾದರಿಯ ತುದಿ ಹಾಗೂ ದುಂಡಾದ ಹೃದಯಾಕಾರದಲ್ಲಿರುವ ಬುಡವನ್ನು ಹೊಂದಿರುತ್ತವೆ; ಪತ್ರಗಳು ತೊಗಲನ್ನೋಲುವ ರೀತಿಯಲ್ಲಿದ್ದು ಎರಡೂ ಬದಿಯಲ್ಲಿ ಮೃದುತುಪ್ಪಳದಿಂದ ಕೂಡಿದ್ದು ಬಲಿತಾಗ ರೋಮರಹಿತವಾಗುತ್ತವೆ; ಪತ್ರದ ಮೇಲ್ಭಾಗ ಕಪ್ಪಾಗಿರುತ್ತದೆ; ಮಧ್ಯನಾಳವು ತೆಳುವಾಗಿ ಪತ್ರದ ಮೇಲ್ಭಾಗ ದಲ್ಲಿ ಉಬ್ಬಿರುತ್ತದೆ; ಎರಡನೇ ದರ್ಜೆಯ ನಾಳಗಳು 10 ರಿಂದ 15 ಜೋಡಿಗಳಿದ್ದು ಕ್ರಮೇಣವಾಗಿ ಬಾಗಿರುತ್ತವೆ;ಮೂರನೇ ದರ್ಜೆಯ ನಾಳಗಳು ತೆಳುವಾಗಿದ್ದು ಜಾಲಬಂಧ ನಾಳ ವಿನ್ಯಾಸದಲ್ಲಿದ್ದು ಎಲೆದಿಂಡಿಗೆ ಅಡ್ಡವಾಗಿ ಕೂಡುವಂತಹವು. ಎಲೆತೊಟ್ಟು ಹಾಗೂ ಎಲೆಯ ತಳಭಾಗದ ಮಧ್ಯನಾಳಗಳು ಸೇರುವಲ್ಲಿ ತೊಟ್ಟುರಹಿತವಾದ ಜೋಡಿ ರಸಗ್ರಂಥಿಗಳಿರುತ್ತವೆ. |
ಪುಷ್ಪಮಂಜರಿ/ಹೂಗಳು : | ಹೂಗಳು ಮಂದ ಬಿಳುಪು ವರ್ಣದವಾಗಿದ್ದು ಪುನಾರಾವೃತ್ತಿಯಾಗಿ ಕವಲೊಡೆಯುವ ಕದಿರು ಮಂಜರಿಯಲ್ಲಿರುತ್ತವೆ. |
ಕಾಯಿ /ಬೀಜ : | ಕಾಯಿಗಳು ಸಮಾರಾ ಮಾದರಿಯಲ್ಲಿದ್ದು,ಕೆಂಪು ವರ್ಣದವು;ರೆಕ್ಕೆಗಳು ಅಸಮವಾಗಿದ್ದು ಮಧ್ಯದ ರೆಕ್ಕೆ ದೊಡ್ಡದಾಗಿರುತ್ತದೆ; ಬೀಜಗಳ ಸಂಖ್ಯೆ ಒಂದು. |